DAY 1 : HK > 福岡 > 酒店check in > dinner@一蘭 > 驚安shopping > 宵夜@中州屋台 > 酒店
第一次坐HKE都有點擔心,擔心佢突然取消航班唔出聲,又驚佢DELAY得好嚴重影響行程,好彩最後呢2樣野都冇發生,只是出發前有個小插曲,原本我地買左6個位,但因為佢系統升級,D位RELEASE左出來,好彩係討論區見到有人講,最後去程冇影響,回程就從新再揀位。最後都可以坐返埋一齊,只係行數唔同左DD
出發前一晚香港勁落雨,好多航班都因為天氣關係而delay左,仲諗緊今次我地好大機會都賴野, 10點幾去到check in, 連閘口編號都未有, 咁就周圍行下同食下野, 終於等到有閘口編號,但就冇登機時間,等到12點幾都未有登機時間,但我地都提前去到閘口睇下咩情況啦,等左一陣終於轉字準備登機,個時都好似12:30, 咁一定冇可能13:05分起飛, 最終都13:30起飛, 算係咁......
HKE都幾嚴格,唔比乘客係機上食自攜食物,我見AA同其他廉航都可以,不過又係既,已經係廉價機票,唔比帶食物上去都好正常.....
今次坐既係"春卷"號......架機都幾FULL
  
機上面有JR PASS買, 平過去到JR 站買少少
眨下眼就去到九州,過關既過程都需時,打蛇餅過關,不過行李都好快到齊,跟住就去坐免費接駁巴士過返國內機場那邊轉鐵路去博多,由福岡空港搭去博多260円,只是3個站,好快到
     
今晚住既酒店都好近車站,出左車站轉個彎已經見到間酒店係遠處,前方啡啡地個座就係,都好大間
酒店大堂都好大,前檯既服務員英文就麻麻地,不過尚算溝通到
雖然房間唔算大,不過設備都齊全,可以半開2個喼,日本酒店來說,算不錯
 
換上輕便行裝就出發去搵食,第一餐會去中州個間一蘭旗艦店食野,由博多坐鐵路去中州,2個站
呢間不愧為旗艦店,因為係成座都係一蘭,幾層高,地下係屋台形式,有侍應落單, 2-3樓都係獨立位, 我地一班人就揀左屋台形式....估唔到我第一次食一蘭就係日本食,所以我比較唔到香港好食定日本好食,不過朋友就話日本好食D
個煎餃子非常好食
 
呢間除左食野之外,仲有野買
 
 
食完飯就係附近行下.....行行下發現有間驚安24小時,咁梗係入去睇下啦
呢隻ART MASK好受歡迎,尤其盒裝,一盒有4塊,平過單張買,第1日買左2盒,之後想再買已經冇哂!!!!!
   
行完驚安就再慢慢行去中州屋台,原來中州夜晚會變成類似紅燈區,好熱鬧,好多夜場係個一帶,我地行下行下見到有間買酒既,近排咁興日本威士忌,梗係要入去8下,無年份既好多,有年份旳貨源真係好缺,第一日睇都仲有D貨,隔多2日去就已經差唔多比人掃哂,朋友都掃左2支17響,但冇盒,另一朋友掃左支10年余市
 
行行下見到日本章魚燒,又試下先......
 
掃完酒就繼續行,去到7-11就買日本限定雪糕試下,又幾好食WOR
離開中州內街,沿住外面條河行,行下行下就去到中州屋台,都幾熱鬧......
      
雖然我地都唔係好肚餓,不過難得來到,又想試下,搵左間屋台,點左幾款串燒同關東煮,係街邊檔仔食係幾有特色,不過呢度食野都唔算平
     
食完屋台就慢慢行返去酒店,返酒店既方向會經過博多運河城,仲經過一間24小時超市
 
 
日本真係連個水渠蓋都好靚
行到差唔多12點幾返到酒店,明天就會去拎車開始我地既自駕遊
|
