近排天氣冷,同事個個都炒燸米飯,搞到我都心癢癢試下炒.....

問定同事點樣整,自己又上網睇過,其實好似唔太難....係好似

早一日已買定燸米,夜晚11點浸到第2朝11點......
跟住浸埋冬菇同蝦米

先落油爆香蠟腸,出香味再落蝦米,等蝦米出香味就落冬菇,一落冬菇一陣就已經索哂油

炒好先盛起

加返D油再落燸米,加雞湯,炒到索哂雞湯開始乾乾地就再落雞湯,不斷重覆此步驟及試下熟米

最終炒左9個字,可能冇乜油既關係,好痴,同埋仲差少少唔夠熟,不過已經炒左45分鐘,有D無心機,所以倒埋D餸落去炒,

諗住炒多陣D米應該會再熟D,咁就差唔多

不過最後都覺得仲差少少

落埋餸之後就下調味, 落生抽/鹽/糖,老抽等

由於怕自己失敗,所以都煮多條魚同菜,唔會失敗冇野食.....