DAY 3: 出發去由布院 > 中途休息站 > LUNCH@心 > 行湯之坪,金麟湖 > dinner@民宿 > 住御宿仙壽
今日既行程都算係九州之旅其中一個重點行程,就係去由布院(又名湯布院),未出發已經好想來呢度,同埋坐由布院之森號,可惜特色列車坐唔到......不過對這裡仍很期待,這裡是比較鄉村風,舒服,遠離煩囂,真係沒有令人失望,今晚我地仲包起左間溫泉酒店......每間房都有獨立溫泉.....係我搵溫泉酒店既時候,都朝住有私人風呂既旅館去搜尋,始終公用溫泉要玉帛相見....我未跨到這一步 好開心搵到御宿仙壽,仲可以係度食到懷石料理,由於這裡只有3間房,除了上網站直接booking外還可email booking,由於網上係日文,都唔太識睇,反正我地都係包左間民宿,所以我係直接email去問,我係14年11月已經send email去問, 佢地好快回覆由於太早,暫時未開放預訂,最快要14年12月1日才接受15年5月既booking. 最終我15年1月再email過去正式confirm booking. 佢3間房都有d唔同,有2間是同等價錢, 有間係平少少, 但食物方面就一樣。三日月/ 滿月: 15000 yen/1, 徒然: 14000 yen/1, 1泊2食, 即包晚餐及早餐, 最大間係三日月, 滿月同徒然其實差唔多大, 不過滿月就見到由布岳山景, 徒然就屋景。6個人TOTAL: 95940円
今早先辦CHECK OUT,放低行李,因今晚會係由布院住一晚,明天再回來, 搞掂就去車站間mos burger買早餐, 好味道! 食完早餐就開車往由布院出發去.......
 
由博多去由布院行高速預計90分鐘,IC費用620+2900円,中途見到休息站就停低去下小解,休息一下再出發,真係連個小休站都覺得好靚同舒服,今日勁好天
 
     
係中途站都玩左一陣
 
其實由布院唔係好大既地方,都幾簡單,差唔多一條直路由車站行去金麟湖,完全唔複雜,而且呢度真係十分舒服,今日人唔多,又好太陽
由於民宿未夠鐘check in, 我地將架車泊左係車站隔離既駐車場先, 跟住就食飯,行街,最後就返來取車....泊左1200円
坐唔到由布院之森號,但剛好到車站時有架由布號係度,即刻影下相先,呢架係準備回博多.......
   
由布院呢度可以坐馬車遊覽, 架遊覽車都幾大架,我覺得隻馬都會辛苦,其實都幾慘.......
 
車站對開左右2邊已經有2間好大間既手信舖.....手信我地打算明天走既時候先買,今日慢慢睇下野先
而車站都有個寄存行李locker, 圖中 A LUCKY CAFE 左下小門口就是LOCKER位置
   
我知道日本有d好得意既postcard,而由布院呢度都有間郵局,趁未夠鐘去食飯,去郵局睇睇先......
最終我地買左2張好得意既,一張係溫泉,一張係由布院既郵筒.....寫好貼埋郵票,親自寄出去先.....
 
呢條街都有幾間唔同既食市,之前網上見到有人介紹"心" 呢間餐廳食豊後牛, 由布院係出名食豊後牛及地雞鍋,所以來到當然要一試.....
呢間"心"係2樓的, 門口比較不起眼
 
這裡主要有3個餐, 豊後牛,地雞鍋,同鰻魚鍋, 其實3種都好好食,整個餐都好豐富, 而且每款都有3種食法
1) 原味食
2) 加入調味料及漬物一起吃,每款飯都有自己既調味料
3) 加入茶變左泡飯
  
  
個豊後牛的確好食,仲有炭燒既味道....好滿足,好懷念
 
這個是用豆付弄出來的......超利害!
食飽飽就去行街了, 由布院有很多特色店舖, 這間係用炭去做小擺設,好可愛,像媒炭屎鬼......
這個是手湯
日本D花真係好靚, 有好多唔同既繡球花,顏色又靚
    
 
呢間SNOOPY店係餐廳,裡面仲有個小花園
呢間食可樂餅好味
來到由布院當然要試下B-SPEAK,不過今日已經售罄,所以我地訂了明天,原味/朱古力味都訂左一條長
  
行到中間位置,有個湯之坪橫丁,呢度有間花麴菊家既店舖,是賣甜點的,裡面有個很出名的"布丁銅鑼燒",又係超美味,我地買了幾個打算晚上夜宵時食,但由於要放雪櫃,所以我地行埋金麟湖回程取車時才買,而家都超懷念,好想再食.......
  
係呢度有檔魚仔咬腳皮,但有幾個魚缸裡面既魚超大條.......唔係魚仔lor.....
 
係由布院裡面除了見到日本既傳統屋仔之外,係湯之坪既一個角落裡,有個充滿北歐風味既小村落......
         
係由布院有間專賣狗仔用品既舖頭, 另有一間專賣貓仔用品既舖頭,鐘意貓狗既朋友一定要去睇睇
       
  
 
 
遊完金麟湖都日落了,真係行到玩到過哂時,真係要拿拿聲返去拎車再趕去民宿,因為約左6:30食晚飯.......
日本既民宿通常很早開飯, 好彩去民宿既路程都好快........
民宿既服務員很有禮貌,簡單介紹房裡面既設施後就準備晚餐,而我地就抽籤揀房,揀好房就換返套和服去開餐先......我今次抽到"滿月"
 
我地住呢間"滿月"
入口位有個大鞋櫃, 每間房都有木拖鞋比我地著
門口直入就係廁所,衛生間,沖涼既地方,再直出溫泉
門口右邊就係廳/房部分
 
     
第一次住塌塌米.....打開這個櫃就令我想起叮噹
由於晚餐通常會係房裡面食,所以我地係最大個間房食晚飯,檯都已經放好,最大個間就係三日月,懷石料理真係好精緻.食完一樣先會出下一道菜.....令人好期待下一道茶出來係點既樣......
 
     
  
就連筷子套都好靚....差D想拎走
飯後我地仲揸車出返去金麟湖個邊睇螢火蟲,個條河夜晚會有螢火蟲睇,我第一次睇螢火蟲,好興奮丫,雖然唔係好多,但都覺得好得意....如果好多一定會好靚,溫泉民宿都幾好,有件厚棉立比我地著,因為夜晚都有D寒意,著住和服加埋棉立就剛好
睇完螢火蟲就返民宿食甜點......真係好好味,最衰要雪住,如果唔係就買來做手信......
 
食完甜品就玩益智遊戲, 真係玩到顛哂,笑死,好彩我地包左間民宿,如果唔係一定嘈親隔離
玩完就各自返房浸溫泉.....好舒服丫!
同蝦子餅2個都第一次訓塌塌米,係度研究點舖....笑死!
明天會去返湯之坪街買野同埋車站出面買手信後就會離開由布院了.......
|
