想整左砵仔糕好耐.....今日終於掟起心肝去整.....
其實唔難整,最難係處理D紅豆......
材料: 粘米粉92g 木薯粉8g 澄面8g 水125ml 片糖: 100g 水250ml 紅豆(隨意) 洗淨紅豆,浸3小時以上,開中火煮至水滾,轉小火煲30分鐘,再過冷河,再下水蓋過紅豆面煮起,加少量糖,放入保溫瓶過夜(有人教用飯煲煮飯模式煮起都可以)
做法: 1) 將3種粉撈埋,用125ml水分2次加入粉中攪均至無粉粒,備用 2) 用250ml水煮溶片糖 3) 將滾片糖水慢慢倒入粉糊攪均,一邊倒一邊攪,攪均後放涼一陣 4) 先預備水,放入小碗一起蒸至水滾(目的是要將碗仔先加熱) 5) 將粉漿再攪均,倒入小碗內,放入適量紅豆 6) 蓋好用大火蒸18-25分鐘 7) 蒸好後放涼半小時後才脫模 (蒸好後可試用牙簽拮入砵仔糕,取出牙簽後沒有野黏住牙簽就代表ok)
先預熱D碗
倒入粉漿,大火蒸
蒸好後放涼半個鐘才脫模
