DAY 4: 早餐@御宿仙壽 > 去B-SPEAK取蛋卷 > 黑川溫泉 > 大觀峰 > 草千里 > 阿蘇山西站 > DINNER@釣船茶屋 > 住西鐵博多
今早起身睇下個由布岳日出,就出去食早餐,早餐我地分開3張檯食,對住由布岳個景,好舒服,早餐都好精緻同豐富,實在令人回味!
   
簡單既reception, 隔離就係早餐既地方
 
 
    
食完個早餐就最後衝刺,浸多次溫泉就準備離開了.........真係好唔捨得由布院,係呢度好舒服......又多好味既小食
  
離開由布院之前再去左B-SPEAK拎尋日訂既蛋卷,再泊底左架車一陣,去最後衝刺買手信.......
          
仲食左尋日冇食既可樂餅.....來到呢度真係日食夜食,不停食.....
  
逗留到11點幾就出發去黑川溫泉了,由於尋日已經訓左晚溫泉酒店,而今早亦都浸左溫泉先出發,所以去黑川都只係遊覽,不打算再玩溫泉
黑川溫泉既位置其實都比較偏僻(我覺得),如果唔自駕要自己搭車的話,都唔算太方便,而個度除左周圍都係溫泉旅館之外,食野同買野既舖頭都比較分佈得散,唔會好似由布院咁,有條街可以慢慢行,而呢度既建築物,真係間間都差唔多樣咁,如果呢度同由布院相比,我比較鐘意由布院,但如果喜歡勁浸溫泉既,黑川溫泉就比較岩,因為呢度有個"入湯手形"既牌,比錢買個牌便可去任何3間唔同既旅館享用溫泉。
去到黑川泊好車後就先食一條朱古力蛋卷,蛋卷質感都幾鬆軟,D CREAM都好食,不過就唔覺有朱古力未,我覺得原味好食D
    
基本上係黑川都係斜路多,上斜落斜
                 
貪得意,玩下足湯
  
顏湯....
係呢度又試左幾款出名的小食.....又食......
第1間: どら焼き屋 どらどら
必食銅鑼燒,即多啦A夢最愛既豆沙餅,這店的豆沙餅非常有人氣,聽說豆沙餅的饀料是用北海道大納言最高級的紅豆「雅」製造的, 每個200円, 食過真係唔錯,現在也很懷念!
     
第2間: パティスリー麓
必食泡芙,未見到間舖就已經聞到香味,真係聞不虛傳,又香又好味
    
行完黑川就要去下一景點~~ 大觀峰,今日天氣真係麻麻,天陰陰,沒陽光,所以去到大觀峰真係超級凍,又超大風,短衫短褲既我,真係中哂招.....
雖然超大風同凍,但玩下玩下都玩左好耐.......
       
 
係呢度瘋狂吹風完就趕住去草千里同阿蘇山西站,其實一早我地係冇諗住去阿蘇山,一來本來非自駕,二來阿蘇因為活躍,封左山,又上唔到去,不過蝦子餅覺得竟然來到呢邊,冇理由唔去一去,到此一遊都好,所以最後決定去......
但唔知點解之前上網搵左草千里個MAP CODE唔岩,一開始入GPS都覺得有D唔對路,方向雖然岩,但個終點唔妥,但車又開左,GPS改唔到就行住先,最終搞左好耐唔知兜左去邊,跟住要用手機GOOGLE搵阿蘇山西站個MAP CODE,搞左一大輪先去到,所以去到都比預期晏左,搞到好趕......一路上阿蘇火山既路都冇乜車,可能因為晏,越近就越聞到D硫磺味.......來到呢度先發現,頭先係大觀峰都未算大風,係阿蘇呢邊D風勁到呢.....D風可以吹到架車度門自己關.......真係落車一陣已經頂唔順要返上車......吹到個人都唔係好企得穩
   
地下黑色既不是臘青,那些全是火山灰......
 
睇完阿蘇山就回程返博多晚餐,今晚BOOK左位7點食釣茶船屋.....由阿蘇返博多行高速需時2個鐘左右.......
終於都試到這間特色餐廳.....係呢度可以自己釣魚,釣到既魚可選擇幾種方式去整.......自己釣既價錢會平過就咁order
呢間餐廳都幾大間,除左最特色既就係餐廳中間有2架船型既座位,另外仲有D包房,房隔離玻璃出面就係魚池,所以坐房都可以釣魚,另外又有2樓座位,所以其實都幾大........不過今日我地唔算多人
  
 
除左釣魚,仲有龍蝦,螺
  
最終我地成晚釣左3條魚,chok左一隻龍蝦....一餐晚飯食左3條鯛魚,真係第一次,自己釣就2380円+tax,order就3200円+tax
    
第1條一半魚肉做刺身,另一半整左個粥
 
第2條用鹽燒去整
第3條用醬油去整
龍蝦用鹽燒
另外再叫左壽司拼盤,牛舌,天婦羅,鮑魚,尤魚刺身,海螺等等
       
其實呢餐唔算平,不過幾過癮,有得食,有得玩........
食完就返酒店休息lu......
|
