DAY 5: 將行李搬到RICHMOND > 出發去熊本城 > LUNCH@勝烈亭南熊本店 > AEON MALL SHOPPING > 博多運河城 > DINNER@運河城拉面店 > 住RICHMOND

今晚要轉酒店,一早先Check out,分批出發,一批將行李車去另一酒店,其實都好近,但因為架車載唔到6個人連行李,而另外一批就去買早餐,最後係博多駅會合.......

準備Check out lu.....我地就係泊係圖中那個停車場,正正在酒店對面,十分方便,而馬路尾既向左方向就係博多駅,所以行去博多駅都好近

今早試左當地麵包鋪既新鮮出爐面包......好味道,十分不錯.....配上starbucks咖啡

今日第一站目的地~熊本城,來到日本總是會逛下呢種城跡,但其實個個城都差不多........但又會到此一遊下
我地9:45分左右開車,大概11:20左右到達......

由最高個層~天守閣望出去

今日天氣非常既好,逛熊本城既時候超曬,超熱,曬到會令人頭痛個種.......係熊本城見到幾pair日本人係度拍照,佢地穿著傳統禮服,睇見佢地就覺得好熱

係熊本城逗留了2個鐘左右就出發去勝烈亭lunch..由熊本城去勝烈亭只係10幾分鐘車程,好快就到了

呢度有好大既停車場,除左勝烈亭仲有幾間大型既shopping mall.....

這間勝烈亭都是滿有期待既一餐,最後真係冇來錯,真係好好味!在香港食不到如此美味香脆既吉烈豬......

最得意可以自己磨芝麻,整醬汁.....

入餐廳前指定動作.......除鞋

每份餐個份量其實都不少,最後我地每pair叫左一個鹿兒島六白黑豚餐,再另外叫多左個普通豚肉.......
好彩唔係一人一個餐.....唔係實食唔哂,我地咁樣叫都食到好飽

食完飯本來下一景點是水前寺成趣園,但因為早上行熊本城既時候太熱太曬,大家都不想再行室外既景點,而當時都3點鐘,所以決定提早去shopping,今日plan左去熊本個aeon mall shopping,來呢個商場我最想買samantha既手袋,這間aeon mall既分店係放左最多唔同路線既產品,samantha本身旗下有好多唔同路線,有些是高檔少少,適合OL上班一族,有些係平價少少, CASUAL一點的, 有些中等價錢,而我地幾個女仔都想買,所以梗係揀d款式齊全d既舖頭行啦.......結果梗係大出血啦......買到傻左

來到商場,大家分頭行事,大家各自掃貨.....其實我個目標除左袋都冇特別咩brand好想買......之前係outlet都買左野比自己,都要控制下先得既.....最終我除左買袋,另外就去左超市買桃同巨峰提子,來左幾日都冇食過最愛既日本桃,來到日本點可以唔試......

真開心.....大家都滿載之歸,裝到個車尾箱爆哂,唔夠位放,要擺d係前座

買完再去另一商場"運河城", 由於係aeon mall大家都太瘋狂,已經遲左離開,我地都要飛住咁去運河城,去到運河城都19:30,日本既商場係比較早關門,都唔理得咁多,好彩大家都知道自己想睇既brand係咩,直接去搵左d target shop先,慢慢行就冇可能啦,因運河城真係好大,分開好多舊野......

我地行到舖頭開始陸續關門,就終於收手去食晚餐了

今次去左運河城頂樓有一層係全層食拉面,好似話係好多間出名既拉面店係呢度,我地都係隨便揀左一間......

對我來講,我喜歡食一蘭多一點

食完拉面我地又走左去行中州.....差不多晚晚都中州..........又去睇威士忌
今晚搵到一間有酒辦買,我地大家都勁掃酒辦.......又要幫朋友買,大既買唔到就買支酒辦來留念

終於竟然玩到成點幾返到酒店,原本我地住既酒店都有car park,不過我地又太夜返了,car park既入口又close左,好彩酒店後面條街有個車站停車場,仲要停車費用平過泊酒店......傻傻下又慳左少少停車場錢
原先酒店1500円晚, 停車場就2000-0800, 100円一小時,我地12點幾入車場泊到第2朝8點都只係800円,過左早上8點就15分鐘100円,差不多平成半

返到酒店仲忍唔住食埋下午買既生果.....個日本桃,超好食丫,多汁又甜,d汁多到一邊食一邊滴,個巨峰就不過不失.....

食完仲返自己房影埋今日手信先訓......真係人都顛.......

我覺得呢間酒店都不錯,空間比西鐵博多大......整體都好舒服!