DAY 6: 出發去門司港 > LUNCH@唐戶市場 > 天神地下街SHOPPING > 20:00還車 > DINNER@笑樂牛腸鍋 > 住RICHMON

今日往博多既另一方向走......去門司港,不過今日天氣麻麻地,起身時外面已經下著微雨

由博多去門司港,大概1小時15分鐘,我地會泊架車係近九州鐵道紀念館附近的停車場,我地會先行下門司港,到差不多食飯的時間就再去唐戶市場食Lunch......去到九州鐵道紀念館我地冇入去,由於團友興趣不大,我地只係門口拍照便算 

門司港有好多很有特色西洋風格的建築物,在明治時代是繁榮的貿易港及外國航路據點,亦是九州最北面並可通向本州的。

門司港的街道上有人力車可以坐,拉人力車的都是很大隻的日本後生男仕........

除了人力車還有觀光列車"潮風號"

但此觀光列車只在春天至秋天的星期六日公眾假期及學校的春假、暑假和黃金週期間每日運行,由九州鐵道記念館站出發,我們剛剛就見到有架觀光車埋站。

景點之一既藍翼門司吊橋,這條吊橋定時定後都會打開,但其實已經沒有船再經過這裡,開橋的動作已成為景點之一,剛好去到遇著準備開橋,我地衝衝過左橋就欣賞開橋。
開橋時間：10:00・11:00・13:00 14:00・15:00・16:00
閉橋時間：10:20・11:20・13:20 14:20・15:20・16:20

 過橋後行到去個小市集,有d特色食品在售賣.....

行下行下行到去銀天街,這裡有好幾間生果檔,在這裡買了一盒桃,士多啤梨及蘋果

買完生果行返出海峽就到另一景點,香蕉人,以前這裡的港口主要是台灣運香蕉到日本的主要海峽,香蕉到岸後直接在碼頭拍賣,現在既門司港都會找到很多用香蕉做的不同食品,如香蕉蛋糕,雪糕,朱古力等。

 行到咁上下,時間差不多要搭船去門司港,今天早上逛門司港時都唔算多人,現在準備過唐戶那邊就開始人多了

過去既時候剛好停雨,可以坐外面,回程既時候下雨,要坐船裡面了

去到唐戶那邊就很熱鬧......可能差不多午餐時間,其實除了唐戶市場有野食外,碼頭外都有幾間餐廳
來唐戶市場要注意時間,大部分平日都不開,差不多只有星期五/六/日才開,如果來吃東西就最好中午至2點前,好像2點後好多舖頭都準備關門。

呢度應該出名食雞泡魚刺身,周圍都有雞泡魚公仔

唐戶市場主要食刺身,壽司等,見到最多就是雞泡魚刺身,D雞泡魚刺身包裝得很漂亮,有些像個禮盒一樣,地下一層就是不同的海鮮檔,刺身檔,買食物後就到2樓用餐,2樓全是用餐區,用餐的地方不是很大,只是外圍一個圈有檯,我地都係一半坐一半企。

 大家都好努力博殺中.......

買好野就上2樓開餐了......

食完飯就過左街市裡面既另一邊有買乾貨既地方望一望

行完就等船回門司港那邊買埋手信就準備離開了,等船時又下起大雨來,今天整天都是下著雨,天陰陰。

 本來下一景點是海の中道海浜公園,但因為天氣問題,最終取消,直接去天神地下街shopping

返到天神雨都仍然不停的下......好彩shopping係室內,來到shopping既地方,當然又分頭行事,天神區除左條地下街外,地面還連著很多不同的商場,其實真係好大........如果要行真係一日都行唔完......係天神逗留了2個鐘就準備要去還車了

我地係要8點鐘還車,本來已經係天神遲左少少走,加上下雨天有少少塞車,已經有d趕頭趕命,其實本來由天神去返博多駅個邊係唔遠,跟住行行下先醒起要入油.......係日本還車前要打爆個油缸.......完全唔記得,搞到即刻用GPS搵油站,好彩最後都趕得到去還車,還車過程都好快,車行好快望下架車就OK了,過去咁多日真係辛苦哂3位車手........

還左車就去食飯了......今晚餐飯都冇定向.....最終去左板急上面個間笑樂牛雜火鍋,之前都見多人分享呢一間,一於試下.......去到又好彩唔洗點等就有位......終於唔洗再揸車,幾位車手忍唔住要啤一啤.....

我地叫左2個鍋,跟住叫左其他小食.......有個韓式煎餅好食,串燒都好食,係D牛腸其實好"un",我地好多個都咬唔開.......真係有d唔識食,牛腸鍋試過就算了.......

食完飯就慢慢行返酒店,我地酒店隔離都有個幾層既商場,估唔到都幾多野睇,百貨公司咁,大家又有戰利品......
行完街跟住仲買雪糕先返酒店,返到酒店都超多野要食........仲有下午係門司港買既生果要食
但係個桃比我預期失望,仲諗住係街市既地方買會好好食,點知冇乜味,水份亦唔夠我之前係aeon超市買既多,有個朋友話,合埋眼食都唔知自己食緊桃,因為完全冇桃味........我食左一半都頂唔順比埋蝦子餅食

今晚要執好行李了,明天最後衝刺,會係博多駅呢幾個商場行街.....跟住就出機場了