去墾丁旅遊都是住民宿為主,當然都有規模較大既沙灘酒店,但價錢相對比較貴

而我自己就較為喜歡住小型民宿

墾丁既民宿有幾百間,真係眼花撩亂,係選擇民宿既時候都花了不少時間,因為我地自駕遊,首選是有泊車既民宿,其次就是揀選海景
有其他網友就建議要選有升降機的,但小型民宿相信較難有這設施,畢竟要有一部升降機應該都不便宜,最終費用都是轉嫁消費者身上,房價應該會相對地高。而有網友建議要找有牌經營的,但是我相信很多墾丁既民宿都未必有牌,其實我地都係住1,2晚,冇牌應該問題也不太大,有牌當然是好,但選擇相信少很多,墾丁既旺季,民宿都是頗爆的,所以我地都冇指定要找有牌民宿。

由於我地出發既時間是墾丁既淡季,所以都會以海景房為主

我都是去以下幾個網站去搜尋墾丁民宿既資料,我個人比較喜歡看墾丁民宿網,資料較詳盡
HOT墾丁旅遊網
墾丁民宿網
悠遊墾丁

一般與民宿聯絡,都是靠電郵,電話,微訊或WECHAT等方法
而下訂方面可匯款,PAYPAL,支付寶等方法, 而PAYPAL有機會收取手續費
一般民宿都需要付一定既訂金,但有時都需要付全數

在我努力搜尋資料下,最終挑選左10間......無錯.......係10間去再作選擇,不得不承認有選擇困難症,好似間間都好正咁

最終揀左頭3間,無錯....係3間,因為真係選擇唔到,蝦子餅又難得話唔緊要,每日一間囉,佢都唔介意3日搬行李,咁梗係揀啦,而且3間都係船帆石,其實都好近,而且我地都係得一個喼,應該都唔會好辛苦。

<以下價錢以台幣計算>

*岩手飯店 (船帆石區) 3F面海二人 $2300
好多年前打算去墾丁已覺得呢間酒店外型好特別,估唔到今年去真係選了這裡,選了最高層望海,個浴室係有大玻璃望住個海,仲可以望到天空,訂金用paypal下了$500,手續費$40

*聖亞旅店 (船帆石區) A棟4F面海二人$1650
這間酒店就是在岩手隔離,同樣都選了最高那間面海二人,都是有個面海浴缸,其實同岩手間格差不多,而且好抵,所以會住一晚,訂金用paypal下了30%, 即495, 無須手續費

*迦南美地 (船帆石區) 尼斯海景二人 $2400
本來只決定住2間,這間是後期無意中找到,一看見就愛上了,就因為咁,最終決定3晚住3間唔同既,超喜歡這間房既一排玻璃窗,同埋鐘意佢有一個area係自己,有個小花園,很特別,這間包簡單早餐,用paypal付訂30%, 即$720, 手續費$36

船帆石夏威夷 (船帆石區) 3F面海二人 $2500
其實呢間都係岩手同聖亞既隔離不遠既位置,望同一個海景,但民宿設計就較簡單,沒太特別,價錢又貴少少,所以沒選

海南島精品旅店 (船帆石區) 3F/5F面海二人 $2600
這間係船帆石夏威夷隔離,外表好新淨,算時尚,望同一個海景,室內有不同風格設計,如日式/法式/峉里風情,但房價較高及要付全數為訂金,所以不考慮,因大部分只要求下訂一部分

伯利恆民宿 (船帆石區) 面海二人 $2400
與岩手一條馬路之隔,是迦南美地既分店,喜歡這裡既白色小屋風格,同迦南美地個feel幾似,所以只能2選1

放空間 (鵝鑾鼻區) 3F面海二人 $2500
民宿附近好像沒有其他民宿,比起船帆石那邊冇咁熱鬧,但其海景都不錯的

好望角渡假村 (南灣) 面海二人 $3000
本來已決定其中一晚住這裡,因南灣個景都很靚,尤其喜歡食早餐那個海景位置,但網上見到分享話比較殘舊,而且房間設計都是較傳統既酒店房間,而且價錢較高,所以最終沒選了

亞飛衝浪 (南灣) 面海VILLA $2880
一直都有留意亞飛衝浪,他的房間都很有特色,但就是地點不太適合我,他雖然有間位於南灣,但那段南灣的路是比較沒近海邊,前面有很多樹,而且價錢都偏高,所以最終沒選

蝴蝶旅店 (南灣) 3F海景二人 $1920
這間是比較便宜及位於南灣既民宿,但由於海景2人房不是對著正面海,只有側面,而且在網上看見有人分享隔聲麻麻地,所以最終放棄

其實本來都想揀一間係南灣個邊,但睇下睇下又鐘意船帆石那邊個海景及酒店(較有特色),所以最終揀哂船帆石區

網友介紹左以下3間,係不錯,但是out budget!!!
靜觀行館 (船帆石區) 2F面海二人
墾丁夏都沙灘酒店
墾丁凱撒大飯店