近排天氣都麻麻地,成日又濕又落雨,搞到難得假期都唔可以去邊度,上星期既活動就因為落雷雨而取消,今個星期日難得起身冇落雨,即刻捉蝦子餅起身陪我去郊遊下.......
由於事出突然,所以都係簡簡單單近近地揀左三門仔行馬屎洲,貪佢路程較短又比較易行
我地差不多2點先入到三門仔,係大埔火車站搭20K小巴,去到總站落車
去到搵左間士多食個LUNCH先開始行,去到鄉村地方,總是喜歡找一間士多吃碗餐肉面
食完行入d有一間類似小小博物館,展覽了漁船出海捕魚既資料,睇左一陣就出發了
沿路入村,會見到第二個公廁,公廁旁有條路開始上山,沿路也有牌指示方向,好易搵
一路上山,沿路兩旁都會有好多仙人既屋企,行左無耐就會見到馬鞍山,大埔,大尾督等美景......
遠望觀音像
對面是科學園
右面是八仙嶺
對面是馬鞍山
山上真的風涼水冷.......天氣雖熱,上到山上都有點風,好舒服
其實沿著整個山頭都是仙人屋企......開始走下山時就可見到通往馬屎洲的路
由三門仔行去馬屎洲需時半小時左右,出發前查詢左潮漲時間大概18:48PM, 所以今日應該足夠時間行
過左呢個石灘就到馬屎洲自然教育徑,行馬屎洲可行教育徑或沿海岸既石行,我地去程全程行石路,回程行左一陣教育徑,但教育徑就完全冇景睇,同埋比較潮濕,所以最終行返出石路
貌似菠蘿,但D葉長滿倒刺
雖然個灘係好多石同貝殼,但水其實幾清
遠望大尾督水霸
今日用左2.5小時行左6公里,其實有D人係環島一週,但因為環島需要綑邊走,
我地沒有經驗亦不夠時間,所以去到圖片最遠個點就回頭了
|
