早上既駁二很少人,很好行,可以慢慢影相

駁二最多就是這些公仔

    

昨天這片大草地是坐滿了人,就像香港星期日既菲傭印傭全走出來一樣,坐滿在地上開party咁,而今天才可慢慢地去影相

行完駁二就過去香蕉碼頭,由駁二行過去十分近,香蕉碼頭地方不大,原來這個碼頭以前主要運送香蕉到日本,每日出口好多香蕉,相信就係運到九州門司港的碼頭,因為上年去九州都有參觀門司港的碼頭,那裡都是以香蕉做主題,那裡就是當年主要是台灣運香蕉到日本的主要海峽,現在又到了台灣這個,感覺很親切。不過這裡的香蕉碼頭就不及日本的那個大,而售賣以香蕉做主題既手信,食物種類亦比日本少。

行完香蕉碼頭就慢慢經駁二走回酒店了
回到酒店都只是11:30左右,1點先取車,所以坐左係酒店大堂休息左一陣,先拎行李慢慢行去捷運站搭車,由鹽埕埔去三多商圈nt40/2. 去到三多慢慢行去車行,去到大概12:45分,但車行內沒有人,上了鎖,那就唯有等一下,可能岩岩行開左,等到12:55都仲未有人返,唔對路,就打電話搵人,打完個電話轉頭就有職員出現,職員應該行開左去買午餐,不過對話當中佢好似忘記了我們今天既1點鐘booking,因為佢一開口就問我有沒有預約..........

來到都係辦簡單手續,給他國際車牌,passport等等影印,用信用咭付車費,因為如果之後有影快相既罰款費用都會在我既信用咭收取。可能佢見自己忘記了我們的booking,原先我地既還車時間是10號既晚上7點,之前訂車時講過如果我地遲還車就會多收半日錢,跟住職員知道我地飛機時間是晚上9點幾,所以幫我地免費extend個還車時間到8:30pm, 雖然我地都唔會真係8:30先還車,不過如果佢有呢個免費延遲,都好丫,起碼到時我唔洗咁趕,驚趕唔切還車而比人多收半日錢。

搞掂手續就去檢查一下架車,架車整體都好新淨,唔係行左好多公里,裡面係皮坐位,簡單介紹左gps點用就出發了,其實佢個gps都好易用,不過有時角位既接觸點就比較遲鈍,成日冇反應。

今次係蝦子餅第一次左軑車,初初佢都有d緊張,不過好快就適應左了,係有時未習慣打燈既方向^^

基本上係高雄去墾丁既路都唔複雜,好快就上左高速,跟住中途會經過d鎮,就會多返少少燈位,但基本上都係一條路,很好行同很易行…………
成段路見到最多就係豬腳

我地行到一半左右就去左間餐廳食個下午茶,對住個海食tea,真係好爽喔!

食完tea就繼續出發去墾丁,可能因為平日既關係,唔多車,冇塞車,好暢順,大概5點鐘去到民宿,由高雄出發時已與民宿聯絡大概到達既時間。去到民宿都沒有負責人,receiption已放低鎖匙,寫左我個名,咁就自己拎鎖匙上房,連房租都係check out時先付。

呢間係H HOTEL,好多台灣人會住,好有規模,但地點真係唔方便

恆春,墾丁經常見到有人踩單車 

係墾丁見到"大埔" ^^

新開既侏羅記公園

明天就會來馬場

這間民宿是3間中最平,整體上都不錯,雖然相比之後個2間係較為舊,但以佢nt1650這個價錢,都很抵住吧!有海景又可看到日落。

今晚住左邊最頂有窗那間,明晚住右邊最頂有窗個間,其實就在隔離

放低行李就諗住出發去關山睇日落,其實去緊既時候已經開始落緊

上到去泊好車nt40,行到門口話要入場費…….之前冇聽過話要入場費,但當時已經見到有人走,我話係咪落完啦,落完就唔入啦,我寧蝕泊車就算,點知蝦子餅話一場來到,入啦,咁就比每人nt60……入到去……落完囉!激死我……都話唔入架啦!!!!!!算到此一遊….影左2張相就走人,去墾丁大街開餐。

今晚就係AMY’S CUCINA開餐,其實食完個TEA都仲未好肚餓,所以只叫左個沙律同PIZZA,食完可以試下大街其他野食。

食完飯行下大街,買下手信,一陣準備去出火……係其中一檔買左NT80煙花……諗住一陣玩,之前聽人講出火個度都有檔口賣煙花,不過會貴D,所以諗住買定先。行行下見到滷味好似幾好味咁,又買左拎返民宿做今晚宵夜。

由墾丁大街出發去出火區都好快,停車場都係得1-2架車,呢度有個公廁,佢地既公廁都幾乾淨,落去觀景區條路都幾黑,要用手機照明,今晚天色唔錯,望上天空見到好多星星。原來而家有個圍欄圍住D火,之前有得燒爆谷,而家已經冇了,連賣煙花既車仔檔都冇,應該已經唔比係度玩燒爆谷同煙花,所以我D煙花冇玩到,留返去第2度玩。睇完一陣就返民宿lu

https://youtu.be/PgMrctHPb8U

架車就可以泊係民宿對面,今晚d位都幾full,如果旺季相信好難搵位……返到民宿包滷味仲係熱辣辣,好勁。坐係露台望住個海食宵夜…..好正呀!雖然佢話係滷味,但又唔知香港個種,辣辣地幾好食。