9 Mar,2016 <晴,有風>
DAY 5 : 0925-1015 鯊魚咬吐司早餐 > 1030-1050 船帆石 > 1100 check out > 1115-1130 砂島 > 1140-1300 鵝鑾鼻 > 1305-1340 最南點 > 1350-1405 龍磐公園 > 1425-1440 風吹沙 > 1455-1515 lunch > 1600-1620 後壁湖 > 1625-1635 出水口 > 1645-1655 貓鼻頭 > 1710-1755 白沙灣> 1820 迦南美地民宿check in > 1930-2045 墾丁大街 > 回民宿
今早民宿都是沒有早餐,所以又自己去搵食,今日食左一間係台灣來說稍為貴一點既早餐,係墾丁大街裡面,如果跟香港相比,就不差太遠,2個人食左nt394。
    
食完早餐就行左去郵局寄名信片,郵局在貴族世家牛扒附近,寄完咭先返民宿check out,今次經大灣路返民宿,大灣路在墾丁大街既外面,可以望到海,有一排民宿在這段路,不過民宿與海既距離就沒有船帆石近,如果自駕遊的話,絕對推薦住船帆石,如果不是自駕就住大灣路會很方便,又可望海,去墾丁大街又近,又較墾丁大街裡面既民宿寧靜。
   
住了在船帆石幾天,也沒認真在這裡行下,趁未check out,就係船帆石行下,影下相,船帆石對開有幾檔車仔檔,有咖啡,有地瓜,有生果買,還未有機會試,明天一定要買地瓜試試。
  
又見到另一架好得意既車
拍完照就check out lu, 由於最後那間酒店其實都只是向前行不遠,所以先去交待一聲我們已到,今晚6點左右回來取房。跟住就向砂島出發。
         
砂島現在是受保護,不可再落沙灘,沙灘上的主要成份是貝殼,珊瑚碎屑等等,砂島的貝殼沙含量是97.7%,除左遠望砂島外,其實這裡的水也很清,還有個砂島展示館介紹貝殼砂。睇完貝殼沙就去鵝鑾鼻公園,這裡有個大型停車場,泊車費nt40,入場費每位nt60,這裡地方也頗大,可惜沿海的海檳棧道維修封閉了,很可惜,雖然今日都有點風,但這裡太空曠,所以都好熱,影下燈塔就行去親吻石,沿路都好多樹木,感覺像行山一樣,看完親吻石再向上行會到觀景臺,休息一下就走回頭路離開了。
                       
離開鵝鑾鼻就向最南點出發,其實鵝鑾鼻裡面本來有條很快捷既路可行去最南點,但唔知點解係封左。咁就雖有揸車再過去,去到那邊再泊車場nt50,泊車後沿指示牌行,會先到一個最南點觀景臺,再繼續行才會看到第二個指示牌去最南點,由指示牌行到目的地大概都要10-15分鐘。去到完全冇人,可以盡情影相。
       
看完最南點就向龍磐公園出發,昨晚上山玩煙花時完全看不清條路,今日才可看清,去到龍磐公園算係咁多日以來,最多人既一個景點,因為有幾架旅遊巴既旅行團。上到來既時候就天色麻麻地,有d灰灰暗暗,同埋勁大風,但就唔係好凍,只係勁大風,大風到唔係好企得穩,反而昨晚晚上上來一點風也沒有,相信是因為有落山風到。
    
睇完龍磐再睇埋風吹沙,都係好大風,但崖底竟然有pair情侶,著住泳裝,一來唔知佢地點落去,二來今日咁大風,著住3點式真係會覺得凍,佩服!
      
睇完就去港口吊橋食lunch,想食返轉角食堂,但去到時坐滿座,咁我地冇等了,轉食另一間,食左牛肉面,牛肉湯,魯肉飯,幾好食,不過最後都係去返轉角買杯野飲。
    
跟住就出發去後壁湖,由吊橋去後壁湖大概30分鐘,會經過出火,恆春古城,馬場等等。我地來後壁湖只打算遊覽,沒打算係度開餐,本來都想試下海鮮,但蝦子餅話得2個人,食唔到咁多就唔試,其實後壁湖唔大,地下有幾間海鮮店,另一邊有間買手信,如果唔食野真係好快行完,可能已經到下午茶時間,所以連最出名既輝哥都冇乜人,完全唔洗等。後壁湖既漁船都幾得意,全部清一色藍色。
               
下一站就去出水口,由後壁湖過去好近,出水口除了看好特別既出水位置既水係淺藍色外,原來這裡都是浮潛勝地,在這裡都可以望到遠處既貓鼻頭,雖然望到,但我地都會過去睇。
   
貓鼻頭這裡泊車nt40,泊好車先經過外面有條手信街,買食物為主,我地試左"那個魚",我覺得似椒鹽九肚魚。上貓鼻頭要行少少斜路,再行少少樓梯先上到觀景臺,這裡都算人多,睇左一陣就走lu,見仲有時間,我地就去埋白沙灣,因為都好近。
     
去到白沙灣開始日落,呢個沙灘既沙都幾幼,原來這裡是拍"少年ip"最後一幕既拍攝場地,係度睇日落都係好靚的,我地係度影日落自拍都玩左好耐。
             
玩完就返民宿取房了,18:20回到民宿,又係民宿休息下先去搵食,這間民宿最好就是有自己的泊車場,唔怕冇位泊。同埋有三棟唔同特色既房,我地住最近海黃色那棟。
    
今日終於係墾丁大街掃街當晚餐,一邊食一邊行,又外賣返民宿食。好滿足!
         
最不喜歡這間民宿既燈光是藍燈,不明白為何用藍燈
   
今日好早係酒店休息,明天行程都好hea,因為本來後壁湖,出水口,貓鼻頭,白沙灣係明天才去,但今日已去左,基本上明天主要景點只有海生館。
|
