10 Mar,2016 <陰,落山風>
DAY 6 : 0830-1015 民宿早餐> 1045-1050 南灣 > 1120-1150 恆春 > 1205-1500 海生館 > 1525-1555 食野 > 恆春閒逛 > 1700-1725 福安宮 > 1920 機場還車 > 機場食野 > delay onboard
今日主要既景點係海生館,所以時間會好鬆動,這間民宿是包早餐,其實都係好簡單既早餐,食完早餐就係民宿周圍行下,這民宿有3棟不同特色既房間,有一個自己既花園,自己既停車場,有得洗衣服,我住左最近海既那一棟,面對著船帆石那舊大石,其實景觀沒之前那2間開揚,不過整體都好舒服,房間亦很大,最喜歡那一排既窗,最不喜歡晚間只有藍光燈......食完早餐周圍影下相,又上房HEA下,大概10:30才Check out。
                         
出發前去左船帆石那檔車仔檔買左2個地瓜,打算係海生館既時候食。呢檔地瓜真係好好味,好後悔早幾日冇食,只食左一次><.....下次去一定要再食
 
買完地瓜就去左南灣睇下,因為落山風,今日好大風,亦天陰陰.....隨便拍幾張照片又再去程
去海生館既途中會經小杜包子,所以去左小杜包子買個飽先,呢個時間來完全唔洗排隊,剛好門口有位,車可泊門口,之前網上有人介紹車可泊對面停車場,但我當天見到對面已經變左個地盤,唔知會起咩,所以小杜包子附近暫沒有停車場了,只能泊係唔阻到人既位置。一個包都真係好大個,所以我地只係試左一個,試了最普通的肉包,都有d肉汁,都算不錯,但又唔會話一定要再食個種,可能我本身對呢類包興趣不大。
     
繼續行程先去恆春先,因為昨天漏左北門未去.......所以專乘再去埋北門先,北門同樣可以行上去,見到個婆婆係度放狗,同左婆婆傾左陣計,又同佢隻狗隻玩下,見到佢隻狗,又令到我地好掛住自己隻狗,狗狗好熱情,傾左一陣又出發lu......
        
眨下眼就去到海生館,停車場都幾大,今日可能平日,冇乜人,之前雖然係hot墾丁買左票,但都要拎張票去窗口換正式門票才可入場,係窗口職員會順便問揸咩車,比埋泊車收費卷用於離開時付錢。
   
今日真係好大風,好彩都係行室內,基本上成個海生館都冇乜人,間中會見到d台灣學生,我地都好慢慢咁行,其實主要都係行2個館,我覺得海生館唔算好大。不過我地慢慢行都行左3個鐘,我地又住坐下又行下咁。又睇下3d咁....真係慢慢遊。
                                                  
本來打算係海生館食野,但唔太岩食,最終又去返恆春古城搵野食.......去到古城又冇乜心水食乜,即刻睇下旅遊書先,最後揀左個旅遊書有介紹既老店食面,呢間店真係好耐歷史,個面都唔錯,好便宜。
    
食完面就係恆春古城周圍行下,其實古城並不大,我地行下行下都差唔多行左成個古城,蝦子餅都差唔多熟哂,因為車又行過幾次。
    
行到咁上下就開始出返高雄,我地見仲有時間,又走左去福安宮望下,去到都係望下外面條手信街,有d店舖都關門了,係出面隨拍左幾張相就走lu......
     
去到高雄先叫做多車d,係入左機場範圍先記得要入滿油先去還車><.....我地係恆春出發時已入滿了一次,但出到機場都用左少少,所以要再入多次,搞到又要兜返出去搵油站,好彩好近已經有油站。最終第一之入左nt637,第二次入左nt124,總共入左nt761,用左咁多日,真係好抵。還車前要先聯絡租車公司,因為入指定既停車場要找他們出來插咭開閘,還車程序都好快,職員簡單check下架車,跟住就照返份野,收取nt24公路費就完成還車程序。由租車公司行去機場都好近,行過去5分鐘左右。
    
好快就完成check in寄行李,就去過關了,話咁快就要返香港了,真係有d唔捨得,估唔到高雄機場都咁靜><....行左陣duty free就去食野.....冇乜野行,唯有食下野先。上機前食個牛肉面,都幾好食wor......
上機時見到外面下雨了,整個旅程都幾好,係最後2天都有落山風大風d之外,其他日子都非常好天.....好曬.......今次班機都好少人,我地後面完全冇人,大家都坐得好輕鬆。食完飛機餐冇耐就落機了。
  
|
