由於下午整左個沙翁,咁有兜炸油又唔想用左一次就倒咁浪費,所以晚餐又搞搞新意思試新菜

一直都好想試整松子魚,今日終於一試,不過就冇買到松子,只用青椒黃椒做陪襯

今次第一次煮,成品都算唔錯,黃魚好滑,不過魚可以炸耐少少,汁唔夠"結",有改進既空間,有機會再試整先

今次仲試左蒜蓉炒蕃薯苗,又幾好食wor

黃花魚先洗淨,切開頭部,旗的位置

再慢慢2邊起肉,切到去尾部就停,不要切斷

2邊肉起好後就切走魚骨

放蛋,鹽,少少麻油,白醋醃20分鐘

炸前將魚沾滿生粉,任何一個部分都要沾滿足夠生粉

先拿著魚尾,肉向外,將油慢慢倒在魚身上,先定形,大概幾分鐘左右先將魚放入油裡炸