每次幫女兒沐浴必定會塗上乳液來保護她幼嫩的肌膚, 但用過很多品牌, 不是太過油膩, 就是香味太過濃烈, 直至試用了天然舒護系列的乳液就發覺非常適合, 感覺清爽而且味道清香, 每次塗後也忍不住偷吻她滑滑的肌膚呢~

上星期六同老公去廣華聽左兩個講座,

其中有一個係分娩的認識, 整個講座令我最難忘既就係有段片,

 影住個BB由媽媽度自然分娩出黎, 而且仲影住剪開個會陰,

 我當場既感覺係--------

(1) 個BB出黎既時候好似貞子 

(2)咁大舊野有咩理由可能捐到出黎? 可想而知有幾痛 

(3) 剪0個下非常之矚目驚心 

 (4) 可唔可以唔生

不過當鏡頭一轉, 影住個BB好乾淨, 好可愛咁係度食奶既時候,

我就覺得好感動, 覺得生命真係好奇妙,

 媽媽抱住BB個樣就好似擁有左全世界咁,

當然過後依然係好鬼驚, 諗緊仲有冇私家醫院可以比我開刀生.

但係再諗深一層, 生兒育女係女人既天職,

 人人都係咁, 冇咩藉得要驚, 到時殺到埋身先算!! (安慰自己中....)

囡囡呢排郁得一日勁過一日, 有陣時仲會令到我有d痛,

不過我覺得佢節奏感都好強,

因為每次聽到d節奏明快既音樂佢就會好似係裡面打鼓咁,

 唔通佢鍾意夾band ?

有一晚, 老公如常係臨瞓前同囡囡傾計, 聽下佢係裡面搞乜鬼,

就係呢個時候, 我同佢4隻眼都見住我個肚皮有舊野突左出黎,

跟住由右慢慢去到左, 我當然知道係囡囡係裡面郁啦,

不過睇人地d movie 就睇得多, 係自己個肚咁明顯郁都係第一次,

而我0個刻既感覺就係好似有隻異形係我個肚裡面咁,

一d都唔覺得溫馨可愛, 仲有d恐怖tim, 不過依家諗返起又幾得意,

希望快d可以再見到佢咁郁啦 ^^

依家逢星期二晚明珠台都會播一套叫 Human Planet 既紀錄片,

拍得非常之好, 好驚訝原來有好多人類為左生存都用盡渾身解數,

無所不用其技, 相比係自己真係好鬼冇用, 有時遇到少少挫折就放棄,

 又或者自怨自艾,  身在福中不知褔. 好在依家知道都未遲,

 一於要改好佢, 如果唔係第時囡囡有樣學樣就麻煩啦~

套紀錄片其中有一節係講一條村既人發現個海有鯨魚出沒,

 佢地即刻幾十人出動去捉, 睇既時候覺得好殘忍,

 唔明點解條鯨魚好地地冇搞你, 做咩要去殺死佢 ??

 不過原來佢地每捉到一條鯨魚, 就足夠條村所有既人生活幾個月,

 而且佢地一d都唔會浪費, 鯨魚所有既部份對佢地黎講都係有作用,

仲有佢地一年只係獵殺6條左右, 絕對唔會影響到生態.

 睇到呢度, 我就諗佢地殺鯨魚其實同我地殺豬殺牛又有咩分別?

d豬牛何嘗唔可憐? 可能d鯨魚仲會幸運一d, 因為起碼佢地唔會浪費生命,

 幫到真正有需要既人, 而我地呢? 殺完佢地可能冇食到已經係堆田區,

佢地既犠牲真係唔知為左乜, 所以呢個節目真係好值得去睇,

希望每個人都會有醒覺既一日, 珍惜身邊所有你以為垂手可得既事情,

 因為原來對好多人黎講都係得來不易既.

自從有左bb之後, 好多人問我咁隻狗點算, 又話要小心d,

動物有好多你睇唔到既細菌會影響bb, 當然我知道佢地係出自關心,

不過我就從來都覺得寵物同bb/小朋友係可以共存既,

非必要都唔會拋棄佢, bb當然係重要, 但係寵物都係有生命, 有感情,

 需要我地去尊重,  點解要作出犧牲既永遠都係佢地?

如果小朋友知道父母係咁冇責任心, 佢地會唔會都會有樣學樣呢?

冇人想成日同唔同既人住, 相信寵物都係一樣,

想有一個溫暖既家同愛佢地既人,

所以我真係好希望所有人養寵物之前真係要三思,

唔好因為覺得佢一時可愛而做出錯誤既決定,

 因為可愛既背後係要有相對既付出, 如果冇時間同知道自己冇耐性,

就真係唔好養寵物啦~

養左gaga 不經不覺都差唔多5個月,

 好明顯睇得出佢慢慢適應左呢個家同埋我, bb仲有3個月就要出世,

經常都同gaga講佢要鍚bb, 唔好嚇親佢,

 不過以gaga只係鍾意食,瞓同去街街既性格, 對bb應該冇咩大影響既 ^^