依家逢星期二晚明珠台都會播一套叫 Human Planet 既紀錄片,

拍得非常之好, 好驚訝原來有好多人類為左生存都用盡渾身解數,

無所不用其技, 相比係自己真係好鬼冇用, 有時遇到少少挫折就放棄,

 又或者自怨自艾,  身在福中不知褔. 好在依家知道都未遲,

 一於要改好佢, 如果唔係第時囡囡有樣學樣就麻煩啦~

套紀錄片其中有一節係講一條村既人發現個海有鯨魚出沒,

 佢地即刻幾十人出動去捉, 睇既時候覺得好殘忍,

 唔明點解條鯨魚好地地冇搞你, 做咩要去殺死佢 ??

 不過原來佢地每捉到一條鯨魚, 就足夠條村所有既人生活幾個月,

 而且佢地一d都唔會浪費, 鯨魚所有既部份對佢地黎講都係有作用,

仲有佢地一年只係獵殺6條左右, 絕對唔會影響到生態.

 睇到呢度, 我就諗佢地殺鯨魚其實同我地殺豬殺牛又有咩分別?

d豬牛何嘗唔可憐? 可能d鯨魚仲會幸運一d, 因為起碼佢地唔會浪費生命,

 幫到真正有需要既人, 而我地呢? 殺完佢地可能冇食到已經係堆田區,

佢地既犠牲真係唔知為左乜, 所以呢個節目真係好值得去睇,

希望每個人都會有醒覺既一日, 珍惜身邊所有你以為垂手可得既事情,

 因為原來對好多人黎講都係得來不易既.