今日7月26號啦...時間好快呀..聽日就係某人生日啦..

咁難得佢生日..真係好想好想同佢一齊過生日架..最衰又唔得..真係超級失望喎...........

今日就去買禮物..就算同唔到佢過生日..都希望有少少時間可以送禮物同傾幾句啦..（希望有半個鐘就好啦)

本身話去海洋公園既..因為劉佳希番鄉下而結束。因為如果只有我,佢根本就唔會愿意凈係同我去..

所以同佢一齊過生日..玩一日..根本係冇可能的...可以話係夢想

但我真係好想超想勁想可以同佢一齊過生日..因為係我識佢既第一個生日..好似比較重要d

下午同奶媽一齊去買禮物比某人..買左都幾貴下..突然就諗番起以前禮物既一件事..

其實我都估到今日要失望架啦...

但唔知點解始終仲係好嬲..點解可以完全當我冇到既?

乜都係''唔知''...咁我真係唔知究竟心入面係點諗...唉...我真係慘+不幸+孤單既化身..

今日我媽咪生日..諗住橫掂都係失望..不如叫媽咪請假留係屋企..夜晚出街食飯...

但我媽又唔肯請假..始終都要番工..咁又係..我媽份工可以話係坐係度就有錢收..梗係番工啦..

我屋企人生日都好求其..除左我爺爺..以前我爺爺生日就番鄉下請N咁多親戚去酒樓食飯..次次洗好多錢架..

舊年因為我落黎香港讀書..所以我爺爺就冇番去..不過都係會請姑媽姑姐及一干人等去食飯..

是但啦...失望并不是絕望...希望今日有奇跡..啦

依家下午啦..奇跡?byebye啦...

冇可能有奇跡發生係我身上架...

我完全冇心機做其他野..我好努力..換番黎既只係一對漠視and冷淡..

講d開心d既野..劉佳希係鄉下居然上到網喎..仲留言左超多野比我..搞到我部機超窒..又話超多靚仔..我唔信佢夠膽去識人囉..仲話空氣好,人都靚d..好鬼假,不過佢又話8月10幾先番..咁耐,有冇搞錯架..(本身話2個星期架嘛)

唔開心既野我Del左啦..後日佢佢佢生日..好想陪佢過生日呀

今日..都冇乜野好講..實在太平凡啦喎...

琴晚同前晚同大前晚都發埋d差唔多既夢..夢到差唔多既人...d夢都好開心呀...

唔經唔覺又星期2啦..唉..咁又冇曬d好既日子啦...

電腦冇野玩..NDS又唔可以係老豆媽子面前玩..所以琴日又試狂down電影..擺落psp度慢慢睇...

不過發覺多得滯睇唔曬...而且自己一個睇好快就會訓著...

依家唯一可以期待既..就係老豆話去番禺水上樂園玩...同埋等劉佳希番就去海洋公園玩...

不過2樣都好鬼遙遠...其實我真係有好多想法架..會令到我日日都有節目...可惜既係得個諗字..都冇人陪我實行..

最衰都係天時..地利..天時姐係話成日唔得閑啦..好忙啦...地利姐係話好遠啦..要用好多錢啦..等等等等

算啦..期待聽日把啦。下午等媽咪去左番工..又係NDS既天下啦!!!

今晚都有少少失望..希望聽日得啦...

今日星期一啦..不過我老豆冇番工..好似話放假...

不過就算佢番工..我諗都係失望多架啦....

唔知講乜好...總之慘啦...諗諗下..依家都差唔多2點啦喎..

劉佳希搭10點飛機(佢話既)都應該到左啦..唉..我同佢都係咁慘..暑假都冇人陪..

大家一樣咁可憐呀..希望佢快d番啦..不過我諗依家我地都唔知相隔幾多Km啦..

每一日都唔開心..絕對。失望既野實在太多...多到煩...

今日~仲冇琴日咁開心..有d野..可能係我心多啦..或者,想像力太好..

好多野都係向壞既方面諗..但如果我向好既方面諗..最後得到壞既回報..咁咪仲慘...冇野好講啦..

我依家開緊冷氣呀..真係好冷好冷喎..

今日我嫲嫲生日呀..(提早左慶祝..因為要就我老豆放假）~~

一大班人出去飲茶..鳳爪都ok好味既..~~順便去扭蛋..扭左隻好樣衰....

番到屋企即刻開冷氣(同埋電腦）..睇左2集終極一班..又down左d野..

其實依家都冇乜野好玩架..日子好似好冇意義咁..

哈利波特成本字典咁厚呀..嚇死人..好彩我呢d讀書人係唔怕厚既..等中文版先啦..

今晚又有哈利波特喎..不過係播過N次既哈利波特神秘的魔法石....哈利細個果陣真係超得意..雖然佢依家仲大過我..

今日又22啦喎..聽日23兼星期一啦..唔錯啦..借漫畫,堆滿床...

今晚又去食飯..嫲嫲生日..我一路開住電腦出街..

點知一番到屋企..發現上網果舊野比人禁熄左..姐係斷左線..

一上番網..上msn...又發生d唔開心既野啦..∼∼

劉佳希留左言比我..佢聽日要番鄉下啦..2個星期咁耐呀.....

聽日10點鐘飛機..應該開唔到電腦同佢道別..我諗佢今晚都係好難得先可以上msn留言...

諗下諗下..突然有d唔捨得添..少左個傾計既人..同埋睇佢個blog..覺得佢幾慘..

其實佢可以話係我最friend既女仔朋友啦..感情都ok既..所以..真係有d唔捨得..

不過算啦..又唔係生離死別..2個星期後又可以再傾過..可以一齊玩啦..

希望你挨2個星期..開心d啦..總會有人等你既 Happy everyday!!