..=彩色..灰色or黑白~..
新年快樂..~~希望考試考好d...生活開心d...
Near0423 : 個人主頁 - 相簿 - 訂閱  [ QOOZA - 論壇 - 登入 ]
Near0423
暱稱： M A WHY
國家： 香港
地區： 北區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•肥姐死左?
•....
•74話
•73話
•72話
文章分類
•全部 (250)
訪客留言
最近三個月尚無任何留言
好友名單
尚無任何好友
自訂欄位(一)
尚無任何內容
站內搜尋
RSS 訂閱
RSS Feed
2007 年 9 月 4 日  星期二   雨天


2007-09-04 感動 分類: 未分類

今日第2日啦..好悶好悶呀...真係好似一年前咁,如果佢仲係我身邊就好啦...- -

不過今日終於開始同隔離d同學仔有少少交流...少少咁多,好既開始啦..因為係女仔..如果係男仔我諗easy d掛~

個黎文碧講野真係悶到抽筋囉...好似日日上中史堂咁..今日佢仲話講鬼古..好似講笑話咁- -所以我得閑無視一係訓下..一係望下佢...打發下時間..再係咁我會抽筋的.....

臨尾去禮堂聽人講野..居然訓著左呀我...好勁..仲發緊夢添...可想而知佢講野有幾悶- -

放學之後同奶媽一齊食lunch..行左超耐先搵到位@@跟住我返我屋企攞閱讀約章果d野..跟住再去圖書館do..跟住又返我屋企畫畫...(仲要上色..激死)跟住送奶媽走.跟住返屋企睇漫畫..跟住再出去還..跟住番黎睇細佬打機..再同佢商量幾時交飯錢...終於可以開電腦打今天的blog啦...好攰..不過好過冇野做啦~係屋企,冇人同我傾計既- -

頭先突然掛住佢...明知過左6點..明知佢唔會返工...我都仲係即刻衝左出街..然之後係咁跑係咁跑...不斷搵佢既身影...不過最後梗係搵唔到啦- -係我傻左姐~跟住為左比個理由點解出街...所以又借左本書~哈哈...突然掛住呢d野真係好難頂..好辛苦呀...不過聽日都仲有得見..仲可以有意無意望下~今日佢都係冇望過我既..而且我同佢講byebye..都完全冇應...佢好憎我la~報告完畢

今日吳嘉俊事件終於解決啦..真係用英文名...不過我都係叫吳嘉俊好d...遲d熟左先叫英文名~另外一個吳嘉俊睇上黎都幾nice呀...

又要講下奶媽..佢就好啦..可以同周美怡坐(我恨都恨唔到)..周圍又係男仔...而且''奶媽''呢個名已經家喻戶曉...好羨慕佢添...可憐我周圍女仔..只可以遙遠地同吳嘉俊傾計(David果個'~')...不過奶媽同周美怡好似冇乜野講咁..佢地應該好熟格..如果一定要同男仔坐..周美怡一定揀奶媽或者吳嘉俊的...點解仲係咁悶咁既?唉~

聽日卒之都Day1啦..係唔係應該努力學習呢..不過有''佢''..一定會分心既~目標係全班前3就算啦..全級是但啦~

今日都冇見過佳佳喎...N耐冇見啦~係喎..今日揀DT&家政..佢地一定揀家政啦...頭先無意中睇到周美怡blog既個人資料..明明寫住興趣係設計與藝術格..點解唔揀DT喎...

呢個星期都係1點放..不過下星期我要開電腦就困難少少啦..周美怡就盡情上msn啦..冇人會嘈你啦~哈哈..不過我盡量打blog...唔可以打破我日日打既習慣既..blog已經好似''佢''咁,成為我生活一部分啦~哈哈..I L U
發表時間：2007-09-04 06:42 PM  [ 訪客留言(1) ] [ 編輯日誌 ] [ 分享至FACEBOOK ]


2007 年 9 月 3 日  星期一   陰天


2007-09-03 感動 分類: 未分類

今日9月3號,又一個學期開始啦,哈哈哈哈哈....

不過其實係唔係真係咁開心呢- -?今日我同佢一句話都未講過..佢都冇望過我..佢都唔知我有返學T_T

本身我地都坐得好近下..點知死人Miss一個調位...我地就天各一方啦...

又係角落頭..唔想次次都角落頭呀..係果個角落頭都望唔到佢...所以我,舉手話調位...哈哈哈哈

奶媽就好啦..調左去同佢坐.佢地好有緣呀....我都想呀...所以我諗住調過去同佢坐..點知得到句''唔得''....好痛呀~

不過果陣我已經舉左手..唔通又話''都係唔調''咁咩...所以咪求其同前面果個調囉~起碼都同吳嘉俊近d呀...~

不過..比好多女仔圍住呀..本身BB班已經夠多女仔啦...感覺超唔好呀!!!相對周美怡同我一樣..好多男仔圍住...><'...唉,危機啦.同男仔坐..一個月之後..好驚佢會...- -不過我依家呢個位都勉強望到佢..都心足啦~

今日奶媽一炮而紅啦...個個都知佢叫奶媽喇...呵呵...不過奶媽成日講錯野...搞到好似我同佢''搞果味野''咁...- -好無奈...而且依家奶媽同佢坐..我望佢既時候..唔知d人會唔會以為我望奶媽...救命呢@@

總之今日好慘啦..要隔開咁遠..慢慢忍一個月..可能會近d掛...到時又識到d人..唔洗咁悶...樂觀萬歲!!

依家佢又唔上msn啦..掛到死掛到死...明知聽日可以再見格..都仲係咁。...或者因為一開學,又諗返以前放學傾msn果d野...

冇野做冇野做..悶到死悶到死..點好呢點好呢..

今日可能會去剪髮..唉..記得上次剪髮..雖然佢一開始覺得好怪,不過後尾我地都仲好好感情呀..不過今次可能冇咁好lu..哎呀,我又係度回憶...暈低...

冇見半日已經咁..如果第時放星期6日假..咁點算呀- -..

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

夜晚同呂sir傾下計咁..佢問我係邊個..我話周美怡..佢就好有興趣咁同我講野..跟住我話其實唔係..問佢記唔記得果次鳳溪10周年同周美怡一齊果個係邊個..

佢恍然大悟''好似係男仔喎''然後我話''男仔唔得咩''跟住佢超激動咁話''男仔做咩整個女仔相!!!''...跟住好耐都唔應我....

如果我話我係女仔佢一定會慢慢傾啦...''重色輕友''呀sir...連周美怡都唔放過..跟住佢問我地係唔係拍拖..哈哈,點講好呢..只係算單戀掛~

聽日見啦..(如果佢見到我既話- -)

<<<真係好可愛^ ^..

 
發表時間：2007-09-03 03:38 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 9 月 2 日  星期日   陰天


2007-09-02 驚訝 分類: 未分類

HI..今日9月2號啦...係暑假最後一日啦...有d唔捨得...不過我都好鐘意番學既...以前就更加..依家都ok

好早就起身啦...次次發夢夢到人...就一定超早起身...有冇搞錯

一早起身真係超忙..開左電腦上msn之後..就即刻開始do book report...一路做一路等...成12點先搞掂..跟住call細佬出去買小M記..我趁機休息下~食完M記..肥陳就打電話黎啦..冇錯啦..一本數學一個下午點做得曬呢..所以我去旅游前就約定肥陳今日下午黎我屋企...齊齊抄!!

落去見肥陳既時候剛好見到我爺爺嫲嫲..所以我地就一齊上去..一去到即刻入房抄..好多呀!!!邊抄..邊繼續等~

冇幾耐我老豆都番埋..跟住電視有波睇..肥陳有少少忍唔住要出去睇..不過最後都冇去~

抄呀抄呀..抄到4點..終於抄完..鬆一口氣呀...咁多!跟住輪到肥陳抄..順便比幾隻game比肥陳...

跟住我無啦啦禁左10分愛...肥陳話幾好睇..又比左佢..不過我down左咁耐都未睇呀~~十分愛英文係 ten marks love- -

唔知點解..次次見到肥陳..佢都話''好掛住欣欣呀''...跟住我又話..''我都好掛住欣欣呀''..哈哈...其實我都唔係掛住佢..~

搞掂曬..肥陳走lu..冇睇咁耐漫畫..所以我都順便出去借啦!要離開電腦啦..始終都係等唔到呀- -

借完漫畫..返屋企lu...係菜肉樓左近我又撞到周美怡..本身以為佢今日會唔返工添...

好耐冇見啦..終於見到..好激動..個心跳啦跳啦咁..~同佢講下野..d語氣好似好左唔少..都冇粗口...安樂曬

每一次見到佢都好緊張..又會''心跳加速''喎...講野都唔敢講...我驚會口窒窒咁....><'

跟住無聲無聲行下行下..佢突然間開口..話''黎文碧做我地班主任喎''...就1句..感動得一塌糊涂...佢會主動同我講野呀.!!不過唔係感動既時候..黎文碧做我地班主任咁過癮..我以前串過佢喎...死啦..F3會唔會打直入打橫出呀-T_T

繼續默默咁行..行到街市果度..我發覺佢好似見到fd咁..所以都自動自覺走開..佢一定覺得我好左定呢...雖然byebye都冇講..不過見到佢笑..都是但啦..^ ^然後一路望住佢消失...我就真係返屋企lu..頭先一直有樣野想同佢講..不過唔夠膽呀T_T

劉佳嘿話..我一路係咁..係因為未有人吸引我目光喎...不過我諗..就算聽日開始番學..我都唔會忘記佢....我對眼又唔係大...只可以容納一個人咋~

肥陳仔同埋劉佳希...今日係最後一日同班同學啦..聽日開始就唔係同班啦...不過,值得慶幸..我同佢始終都係一班...可能肥陳仔and劉佳希同我冇乜緣分啦-0-~聽日番學..想同佢一齊返既..不過佢又話約左張張~..算啦..第一日返學呢d野...的確要約比較重要既人...排隊排到北京都未到我啦-3-

要好好珍惜最後既今日呀..聽日個班又有一大堆唔識既人...就同一年前差唔多..不過,今次我有大把人陪...如果有埋''佢''就最好啦- -傳說中既班主任...唔同曬關系既佢...話唔定有d唔適應呢...~橋到船頭自然直..哇哈哈哈...今晚要早d訓...咁樣又可以發耐d夢啦@@

今晚又有森之愛情喎..真係幾好睇架..果陣1516有對森美小儀..不過,我都係鐘意周美小怡多d      XD!!
發表時間：2007-09-02 06:39 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 9 月 1 日  星期六   雨天


2007-09-01 熱情 分類: 未分類

哈哈..我番黎啦...啱啱落機..幾攰下~剛好係周美怡放工既時候喎..

今次真係要講聲安全降落囉..頭先搭飛機果陣見到閃電..係飛機上面閃...架機震下震下....- -

今次旅行總算玩完啦..不過唔算好好玩呢..點解就係人都知啦...就算去旅游..都掩蓋唔到果種痛呢..~

講番今日..9月1號啦..我d同學仔都已經開曬學啦喎..高中啦...眨下眼又3年啦..時間好快呢

舊年9月1號我又係第一日係香港番學..今日係相識一周年紀念日..不過好似冇乜野咁~冇人會記得我架T_T

後日番學..聽日last一日啦..唔知點好...期待左好耐番學..不過真係到既時候...有d抗拒...可能因為已經冇人可以比我掛住啦T_T

一番黎上msn見到周美怡留言..3句(其中一句係打錯字改正番)..哈哈..諗起上次我番鄉下既留言..好似少得好寂寞..不過算啦..好過留言幾句粗口囉...

眨下眼又到9月..第時到4月既時候..我諗我會懷念以前懷念到超灰...希望4月慢慢黎呀~

嗯嗯..今日假假地都係我同某人相識一周年紀念日啦...我諗你依家都訓左啦..11點9啦...

我好掛住你呀..晚晚都夢到你喎..就好似日日都見到你咁..唔想醒.(不過呢d野凈係可以係blog呢d冇人睇既地方打..如果係msn度打既話一定會彈番幾句粗口架..嗚嗚T_T)

咁又一年啦..好似好短咁..不過我對佢既感情已經好深啦...如果可以揀..一定會揀返└═＊◆唯獨你叫我始終牽掛═╮呀!....~
發表時間：2007-09-01 10:18 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 8 月 29 日  星期三   晴天


2007-08-29 滿足 分類: 未分類

依家已經係12點半啦..本身諗住周美怡上..有好多野同佢講...不過可能琴日玩得太開心..未訓醒掛

算啦..就算佢上..都唔會同我講byebye..更加唔會唔捨得我..係咪?只不過係我唔捨得佢姐

琴日本來應該出發架啦..點知臨時改期..今晚晚機..再改我就真係唔洗番學啦- -

依家已經執齊野lu..仲差既..就係周美怡一句byebye..不過我諗都係冇架啦~

琴晚梁曉霞話周美怡sd左封e-mail比我..不過我冇收到..唔知點解。希望真係可以和好如初啦~

今朝同劉佳希傾計..其實簡簡單單一句對唔住已經可以解決問題..我同佢永遠都係老友~我諗佢依家都明白我唔係果種''成日唔信人''既人...梁曉霞都明白...不過,周美怡始終未明白..好多野佢都未明白

琴晚周美怡個msn突然搵我..我好開心..以為佢真係主動搵我..點知我搵佢,7272後面3個字係咩...佢答唔出...跟住即刻打電話比周美怡啦,原來佢搭緊火車..好明顯呢個msn唔係周美怡上既..佢究竟係邊個?仲係一個迷..不過可以知道周美怡密碼既人...關系一定非比尋常~  不過呢件事我知道左周美怡冇玩到10點...唔通佢一d都唔珍惜一齊既時光?應該玩耐d掛..

下午3點零鐘出發..今晚周美怡返工既時候..我就搭緊飛機..各有各忙...有d''各自飛''既感覺...不過我唔捨得佢..問多10000次都係唔捨得..唉..好想見下佢...因為..今次係我地第一次一個星期冇見..        

仲記唔記得第一次一齊配眼鏡..放學坐係果張凳度傾計...係我屋企一齊整powerpoint...成日一齊去圖書館...一齊去東門玩...上課挨埋一齊....調位果陣超唔捨得...仲有好多第一次...全部都係好珍貴既回憶...就算結果係點..起碼曾經有過呢d回憶呀~我唔知呢d回憶係人地個心入面算得上什么...或者根本唔記得曬lu..我唔知呀,我凈係知..全部..我既寶物..    哈..我都話我好幼稚架啦

打字原來要打好耐..依家都打左成半粒鐘啦喎- -..準備走啦..真係要走啦...好唔捨得呀...點解?冇得解..

9月又黎lu...諗番起舊年今日我幾緊張呀...諗住班入面個個都識左1年..而我插班生就一個人都唔識...我好怕果種感覺。不過以前小學有個同學6年級先插入黎都試過啦..人地有5年感情..佢就人生路不熟咁插班...好難受...不過時間過..乜都過去啦。依家我冇野好怕lu..依家呢班有大把識既人..有老友..有我只可以當佢係老友既人...

今年9月1號唔知我番到香港未呢...好好懷念以前咁多個9月1號..其實除左佢..我仲有好多野好懷念姐...其實我小學第一個識既同學...亦都係一路fd左6年既好朋友..冬..好好人架佢...唔驚唔覺..我地都識左10年啦..不過自從小學畢業..4年冇見過佢啦...我既老朋友..唔知依家點呢..應該仲記得我掛~仲有吳文軒..呢個勁呀..幼稚園識既..到依家10幾年啦..可惜中學唔同班...and關凱文呢..唔記得左佢個花名...深刻印象呀..幼稚園識佢..小學同班..仲要係鄰居..我媽同佢媽熟到不得了...超有緣..上次番鄉下見到佢..靚女左咁喎...其實佢不嬲都幾靚既...都係識左10幾年啦喎...如果中學都同班..真係可以話青梅竹馬啦- -

唔回憶lu..我一回憶以前d野就超感動..好掛住以前細個...唔會鐘意邊個邊個...唔會討厭邊個邊個...無憂無慮..只係早上跟爺爺飲茶..攞4隻鵪鶉蛋一路番幼稚園一路食..番到去又係玩..跟住訓晏教..放學..番屋企,,玩玩具...日日如是..但係超開心..邊有咁多野好煩..去旅游就去旅游...冇唔捨得既人..一教訓到天光..唔會掛住人掛到好辛苦...細個,真係最開心既時候....而長大左..就會有最幸福既時候...不過呢d所謂既最幸福..都係一瞬間..因為你永遠唔會知道..你身邊既人聽日會唔會變心..係咪?..

聽見出面有有隻蟬..記得細個有一次番鄉下(農村果隻鄉下)無聊得滯訓晏教..出面好大蟬聲,農村係咁架啦..訓下訓下..突然有隻蜜蜂走左入屋..我超驚啦..跟住合埋隻眼..扮訓教..諗住佢唔會針我...點知佢成日唔肯走..嗡嗡嗡嗡咁..好似越飛越近..我突然諗起唔知邊個話過蜜蜂睇唔到白色野..跟住即刻用一件白衫包住自己..好緊張好緊張...緊張到就咁就訓著左~醒番就好開心...細個果陣..真係好小事都可以開心一餐架~我好想一直都咁開心過每一日..當然上到小學就開始好難做到...所以我成日盡量保持好開心咁既心境..童年過去啦...唔可以反轉頭架..留底既..都係好多好多好多回憶..有甜有酸有哭有辣..好感動!

今朝同劉佳希傾計..搞到我又乜乜咁...哈哈...不過佢話食早餐..一陣再傾...依家一點幾啦...佢買左幾多早餐呀- -狂食雪糕可以開心d..不過我鐘意飲可樂..飲可樂都會肥架...暴飲暴食..

準備出發啦..唔買手信架..其實搭飛機..隻耳好辛苦架...嗯,走啦,老友..走啦,豬兜- -byebye
發表時間：2007-08-29 01:14 PM  [ 訪客留言(0) ] [ 編輯日誌 ] [ 分享至FACEBOOK ]


« | 28 | 29 | 30 | 31 | 32 | 33 | 34 | 35 | 36 | 37 | ... | 50 | »