好啦好啦...一定要寫低d行程...留個紀念...
其實呢幾日呢,我去做do 2樣野..第一樣就係旅行散心啦...第2樣唔講lu...凈係講左比一個人知咋...∼
首先第一日22號,,12點幾先訓..6點幾起身...去粉領等左超耐(以為個領隊走左佬)跟住終於出發啦...不過落雨- -
上車就有個導游啦..口才好似好好咁...跟住去左一個''水鄉一條街''..唉,無聊到死,凈係睇金魚(真係好大條)同埋食左碗姜撞奶...好辣
跟住就到重頭戲啦..我地搭車黎到番禺...冇錯啦,就係果個水上樂園!!!有4粒鐘比我地玩..哈哈
換衫,擺雜物...搞掂,落水!!好多野玩,好似滑梯果d咁..不過今日旅行帶住2個細妹..一個9歲,一個10歲...暈低
因為要睇住佢地唔可以玩...佢地都唔夠高~~所以呢,租左2隻水泡比佢地..陪佢地去造浪池玩...
好多人呀...我同細佬入左去深水區..跟住出返淺水區,2個細路唔見左...嚇到我鬼咁..搵左成粒鐘..先搵返(佢地走出左造浪池- -）
因為有水泡,我地去漂流..同2個細路鬥快..哈哈,,點知一個瀑布打落黎..細佬隻眼鏡沉落水中...之後果2日佢都要冇眼鏡咁度過- -
玩完...跟住食煎餃..腸仔,雞翼..仲有一杯可樂...ok,上車...
夜晚都好好玩呀...去睇長隆大馬戲..特別係果個唔知乜野風火輪...超掂!!!!happy到死..可憐細佬冇眼鏡T_T..
夜晚去間低級酒店訓...沖完涼都11點...跟住等個頭乾..玩psp玩到12點半訓教..聽朝6點morning call
第2日..我地黎左中山..本身我都諗住除左第一日其他會好悶...不過...事實係,第2日都好過癮!!!!
超早食左早餐..上車...哎呀..有少少唔記得左添...唔記得既就唔寫啦...
我地黎左養蜂場..好得意下..度度都係蜜蜂..哈哈哈...跟住就梗係比我地試食蜂蜜...然後推銷- -爺爺嫲嫲買左一罐蜂蜜..
跟住我地去果個唔知咩既地方..係一間學校改建既...推銷一種叫石''角斗''既野...''角斗''係一個字黎架...讀''合''
試食左少少野..臨尾d推銷員夾硬逼人飲湯(當然,廿蚊一碗- -''）好彩堅持冇中計!!
跟住就去蘆薈場..介紹左好多好多蘆薈..個導游猛問''d蘆薈靚唔靚呀''....其實一d都唔靚- -
跟住又到推銷時刻..蘆薈牙膏,潤手膏..噴霧..應有盡有...仲話可以醫皮膚痕...所以嫲嫲買左一支比爺爺~
差唔多食lunch..去埋一度食乳鴿先...一入去就話山上面有粒龍膽石..好靈...問我地要唔要騎馬上山...
自從超細個開始..都好耐好耐冇騎馬啦...梗係上啦...不過成團人得我夠膽上...跟住我細佬都上埋...
隻馬好矮,仲要dup低個頭..唔睇路...一開始好驚@@後尾越黎越放鬆..去到所謂既龍膽石..摸摸..
求其許愿''身體健康''咁就落山啦...不過果陣落緊雨..山路崎嶇..加上我要著雨衣...一d都唔型仔...本身隻黑馬都幾靚..
我細佬係後面話見到我隻馬一路行一路''方便''~~
跟住梗係食乳鴿啦..我地6個人個個都唔食..得我食..28蚊一隻呀!好細隻...未成年既....味道麻麻
跟住食lunch啦..例牌8餸1湯...味精冬瓜湯好好飲!!!
下午都好好玩..我地去左一個新開既旅游點睇''民族風情舞''...一聽到呢個名,諗返上次去海南島既''民族風情舞''...我同細佬都覺得一定好無聊好無聊...點知....居然好好睇!!!
有果d火把舞...姐係吞火把之類既...最勁就係將火把擺落''褲浪''度...好型!!仲有刀舞..互劈既時候真係有火花架...仲有用樹葉吹一首歌...好鬼勁...佢比左塊樹葉我..我吹極都冇聲..嗚嗚
我地用果舊手掌仔係咁拍掌...好嘈..不過我都拍埋一份~~最好睇就係唔知咩族既''搶親''好搞笑呀...
果d唔知咩族姑娘落黎請現場觀眾上去玩..請左4件..我都想去架,....不過我未夠年齡''搶親''- -
4個觀眾每人玩''一關''第一關係學唱小數民族山歌...好難唱..好淤呀佢...第2個條小數民族舞蹈...個patpat要另黎另去...好搞笑
第3個學講小數民族語言..點知佢講完一次跟住全部唔記得曬...最搞笑last果個...去食小數民族既''水煙筒''
食完之後個嘴度整左個黑圈...笑死我..哈哈...跟住要淘汰2個喎...凈低跳舞同埋食煙果2個....
跟住有2個新娘出黎...一人揀一個...點知第4個人揀左個新娘..攞開塊紅頭巾...男的!!!...好搞野..
另一個新娘就梗係女仔啦...不過揀到都好慘...要包住新娘走齊舞臺4角''拜親戚''..本身佢地2個有d尷尬咁..不過死就死啦..
抱起之後..個女仔好似好重咁...- -抱得好辛苦...搞掂曬之後...就入去''洞房''(其實係係後面走番出黎)
表演完啦...跟住全部演員出黎..送酒飲...我想試下..佢明明向我走過黎..但係就比左我隔離果個大叔飲...偏心啦...
仲有唔可以唔題果個主持人...d廣東話好搞笑...如意吉祥講左''如意吉嘗''.....品嘗講左''品長''....唔通佢唔識分''嘗''同''祥''?
跟住去果度都好搞笑..叫做''云錦布衣''..入面帶我地玩果個叫咩''啊幫哥''佢d口音好得意...成日話''我學左3年宜家都講得好正啦可''
超得意喎..佢d口音同埋聲線加埋...我覺得我感受到果種超淳樸好客既小數民族feel...超感動...
佢地d口語好得意..一個個人變左一隻隻人..- -細路仔變左''娃娃''好淳樸呀!!!
入去之前..要跳過d竹舞..電視都睇過啦..用d竹夾你隻腳果d舞...佢話係迎客舞..跳左會身體健康..but冇人敢跳..唯有我去啦
我係咁倚跳過去就算...- -跟住佢介紹左d相同埋飾物..全部都係d''啊依瑪''自己整架..獨一無二呢...
跟住我地入左間房..入之前要飲迎客酒...3杯..求其搵3個人飲就得啦...點知又冇人肯飲..我黎!!!不過..老實講...唔好飲...好苦...
最後仲有個大叔飲左..仲有1杯冇人要..好似唔係咁尊重咁囉...不過我又唔想飲多杯@@
入到去呢..啊幫哥話要飲3道茶..冇錯啦..聰明既團友(姐係我)到呢度已經知道佢係推銷茶葉既...
不過佢既推銷唔通其他果d咁重商業味...真係好淳樸呀...太感動啦..形容唔到,所以我推銷埋一份..我爺爺買左幾百蚊茶葉..
佢d茶葉係幾香既...同埋真係好淳樸呀!^ ^
跟住落黎都冇咩野啦..我地就過左MACAO..係一間''希臘神話酒店''訓...好似幾豪華..一入去見到宙斯...man!
聽朝8點3morning call...夜晚冇節目lu...上房幫psp叉電..過去同2個妹妹仔鋤大d同埋U佬..
係咁玩到11點..跟住試下d茶葉..沖涼...訓教教豬...~
第3日啦..如我所料...真係無聊一日...好頭冇好尾呀..嗚嗚...搭車睇12生肖街..點知凈係睇到7個...暈
仲有望海觀音...冇咩特別姐...跟住去媽閣廟,隔離果間手信店買手信..- -唔夠時間入媽閣廟睇下...
跟住落黎係去觀光塔...好好玩架..不過要50蚊一位...洗得太多錢啦...唔上塔lu...係塔下面玩...驚喜地發現ps3同埋xbox360試玩...
正呀...畫面好靚...可惜係哥爾夫游戲..冇興趣...走lu
跟住路過望一望金蓮花..就好似香港果朵紫荊花咁...不過,細好多- -
跟住食lunch..唔係掛?咁就完?冇錯呀...真係咁就玩完啦..第3日真係..唉..
lunch食葡國餐...面..難食,炸魚..差d嘔...雞,擺到冇雷公咁遠..攞唔到...仲有''魚蛋'',一食落口...原來係暑球...@
就係咁..我地就走得啦..有d團友坐船..我地咁多人..都係搭車啦..坐船130一個人呀...
搭車一路上,2個妹妹仔嘈到死...搞到我訓唔到...終於到啦..係羅湖逼左好耐...番到屋企...
完...哇哈哈...打左咁多添...總之呢...今次旅游都幾開心呀..記錄低呢篇野...以後回憶下啦...∼都見識左唔少咁啦..同埋有時都會諗起某人..尤其夜晚...- -
哈哈..打完..好難忘既回憶呀~ |
