Hello..又到我要訴苦既時候..首先我只係講出我依家既心情..唔激昂架..唔好用激動既心情睇..可唔可以慢慢咁睇呀?

一直以黎..你地係唔係都覺得我''疑神疑鬼''成日唔信人''呢...點解我解釋左好多次..都係冇人信我?冇人肯信我~唔通你地就唔係疑神疑鬼?我冇成日唔信人呀..有幾多次呀?其實你地咁樣諗我..只係一個原因...只認為自己係啱既..認真咁諗..我都反思過..有幾多次我真正唔信任你?我地講好左唔會彼此欺騙..亦都知道我真係好鐘意某個人..既然係咁..唔通我真係做唔到唔懷疑佢?我講過..有時所謂既唔信任..係開玩笑..係試下你既反應..我講過好多次...邊個信我呀?冇一個人肯信我..包括果個曾經話唔會呃大家既人。有時話人地唔信你既同時..可唔可以諗下..你有冇完全信過人?如果有..我頭先講既野..點解唔信?如果冇..咁你自己都做唔到..仲點解義正詞嚴咁鬧人?我承認..我試過唔信佢..就因為果次..一次..知唔知有d野本身好小事會越描越黑架...一次唔信任..就講成''疑神疑鬼''咁都唔信你''?我依家唔係為我辯護..我知道我亦有錯。但希望有人諗清楚係唔係真係成日都唔信人囉..點解d唔好既野就有人記得..不過邊個記得我講過''我一早知你冇鐘意佢啦''呢句話?我講過唔止一次..咁樣仲唔係信任既表現?只不過係你只記住唔好既野..唔記得我講過代表信任既說話..知唔知咁樣我好辛苦架?或者睇到呢度已經有人開始想鬧我..不過我希望佢可以再認真睇一次先鬧呀...好多時候..種種巧合加埋..就造就一個''疑神疑鬼''既我..記唔記得承諾呀?永遠唔呃大家既承諾呀...我可以遵守..因為我對某人始終冇變過架..我知佢都有遵守...但佢係遵守既同時..又認為我冇遵守..但我依家講..我一直都好信任你囉..唔知咩原因會造成我唔信人既錯覺..我本身唔想解釋..不過..我唔想繼續比人誤解..比人誤解好唔好受~

當所有人言,誤會,衝動加係一齊既時候..人會好容易被諗錯..好似頭先咁..一個fd又話我唔信人..但係就係琴日..同樣既事情發生係佢身上..我話我有講某句話..我講真架!不過佢唔信我..完全唔信我..但係頭先..呢樣野發生係我身上..佢第一句就話"點解成日以為人地呃你''   代入角色..2件事一模一樣..點解我可以唔計較..佢就即刻話我唔信人?點解只知道人地既缺點而且不可原諒..而人地一直默默原諒你卻懵然不知~自己錯,唔係錯..人地錯,就一世標簽我''唔信人''..有冇人理解呢種心情呢?

其實我一直鐘意果個人..認真講..佢都做錯過唔少野..但你知唔知..每次你做錯..我要用幾多時間原諒你?幾個鐘..我就乜都唔記得曬..因為咁..你會認為你咩都冇錯..而每次你做錯..我好快就原諒你,而且再加上我道歉先。知唔知點解我明知唔係我錯都要道歉..因為我真係好鐘意某個人呀!你地想像唔到架..我寧愿所有野都係我錯..我都唔想鬧交..我都唔想冇左佢..佢真係好重要架~所以係我心目中..佢一直都冇錯..而係佢心目中..錯既就一直係我..

睇完..鬧我之前..可唔可以認認真真..攞少少時間..細心體會每一個字..我呢篇野唔係要感人..唔係要激動..唔想要鬧任何一個人..我只想有人理解我..有人知道個中原因..唔再有人標簽我...我唔係冇錯架..但我唔係你地所諗咁架。我寧愿平平凡凡..就算佢唔再鐘意我..我咪唔出聲係後面望住佢背影囉。我一直鐘意既人,我一直當老友既人..明白嗎?我眼淺..又有水模糊我對眼喇..我想新既一個學期..大家都係明白我既人..唔要仇人..唔要冷漠..唔要誤解呀。

琴晚果篇太夜...凈係感想,都冇記錄日常生活..所以今日要打多一篇~

今朝早呢..講都唔信...7點幾起身,,跟住突然間好掛住- -....真架..唔知今日搞乜鬼...個感覺超掛住,超勤苦...搞到訓唔番...

所以就咁起左身啦...依家終於冇咁掛lu...起左身就係度睇漫畫...睇睇睇睇睇到10點...開電腦...

見到奶媽上..同佢一齊去攞書...估唔到真係有書攞...但我地乜都唔知~

多得周美怡琴日提醒我...不過好奇怪點解琴日提醒我既時候仲好溫和...跟住突然間就爆粗..唉

如果冇去攞書唔知會點呢@@@

我諗周美怡睇到呢篇野(或者根本唔會睇)既時候...已經係聽日啦

周美怡始終冇同我講一聲byebye囉..冇錯!我就係咁唔重要..以前都係咁啦..何況依家~

不過我係度對佢講聲byebye啦..因為再見既時候..好可能係番學果日啦~好彩既話,番學途中會撞到..唔好彩..就上到課室先見到lu

佢話唔想見到我..唉,諗深一層..日日見住我好好受咩...不過冇計格..邊個知咁都會同班..以前日諗夜諗既夢想就係同班...但係依家居然真係會實現...不過已經冇曬意義咁姐~

下午..同肥陳仔去借英文書..唉,講起就煩...仲有40幾頁數學..ERS未郁過...閱讀約章登入唔到...但係時間之神呢,,凈係比2日時間我...而且今日已經過左一半..得番日半..點做得切呀

我下午借書..而周美怡呢..下午就好玩得多..係絕對唔會記起我既...仲要玩到唔到11點唔走添哈哈.我都好想同自己鐘意既人去玩呀..(又發夢喇)。have a good time 啦!!

就算係以前..我同佢感情最好既時候..如果我同另外一大班人同時約佢..佢都一定會同一大班人去玩...事實唔知係唔係咁..反正我都係求其諗下姐..唔好介意..我諗..佢根本冇一秒鐘重視過我~~~XD

琴日真係發生唔少野呀...但係我覺得..點解有d野..好小好小既事..都要唔講得..都要呃住先~咁樣,唔係咁好囉

其實周美怡咁樣鬧人..我自己覺得..至少應該道歉~唔知啦唔知啦

好好地咁玩夠佢啦..咩都唔理呀...最好就梗係同鐘意既人2個人玩一日啦...以前有人承諾去濕地公園格...不過,承諾..一早消散不可兌現~哈         唔理..總之我道歉先點都ok啦掛~番學果日...真係好想見番以前既佢囉

頭先攞完書番...番黎果條路..唉..超多回憶..果張曾經係度傾計既木凳..曾經''哩''入去果個圓形果度..仲有睇下燒雞翼果張圓凳..一齊打羽毛球果塊地..第2次機會果個''兒童sir滑梯''..好多好多..但點解全部都要係我屋企附近~睇見d野而諗起以前既只有我...

啊..係喎..呢篇野係我第100篇日記呀..唔驚唔覺過左咁多日啦喎...咁有紀念價值..唔可以寫咁多灰色既野

暑假仲有5日半..come on,,一齊開開心心過埋佢..呢個暑假..雖然係我最唔開心既暑假,但我唔可以就咁比佢打倒囉...

每一日既行程都好滿下..主要因為旅游- -如果以前既話..實會因為唔捨得所以唔去...><不過依家呢個時勢..散下心囉

番到黎如果打游記一定會好長...如果可以..睇下去到可唔可以搵電腦打下先~

琴日換左頭像同埋背景歌...首個超有feel呀..把聲又好聽..個頭像..可以話係發下夢啦..唔知幾時,先可以咁有feel咁互相挨住喇~

出發之前..好想打電話,聽下佢把聲...不過如果咁做一定會比人鬧既..我都係熱愛和平好d..

係喎..順便祝劉佳希今日去海洋公園玩得開心!!老友呀嘛..不過千奇唔好成日昆我..- -

好啦..到此為止先~

-------------------------------------------------------------------------

下午同肥陳仔去買老番...本身話借英文書既,點知講下講下變左買老番

行左好耐呀...不過我乜都冇買到...只不過係果個商場度坐...其實,果度都有唔少回憶架...

係巴士度又諗到發呆..諗起果陣一齊坐bus..跟住係商場度買波子汽水...

對於我黎講,..全部都係好珍貴既回憶呢..好似某fd所講..呢d就係我既寶物啦

不過呢d回憶對於人地黎講..唔知又係咩呢..?可能一早唔記得曬lu..

我係唔會唔記得既..跟住我地番沙田..去沙田圖書館...

當時我地都有去沙田圖書館..亦都係好難忘呀..第一次係外面主動拖...可惜亦都係唯一一次- -

記得果次仲調轉衫著添..好淤~結果借左1本英文書就番屋企...依家剛好7點啦

佢可能未番到屋企啦..或者同其他人玩..係佢最開心既時候呢~F3分班..唔係同一層..佢地既感情始終會慢慢慢慢淡既..可能今次係佢地最後一次一齊出去啦..我諗佢一定好唔捨得''佢''姐..好好珍惜可能最後一日啦~

頭先番黎..係火車站度..我望住個天..哈,,我發現左d野..好似係流星咁喎!!!我超興奮囉..果舊野超清晰..我諗唔係好遠..拖住好長既''尾''..紅紅地既..一定唔會係飛機囉..飛機點會有''尾''喎

我拿拿林許左個愿..哈  都係果d愿望啦..

今日唔知點咁..好似周圍都睇到回憶...好懷念

<<<好可愛!

過左12點啦...可以用''琴日''黎稱呼....

琴日的確超唔好既一日呢..好唔開心...~我明明已經好好咁同周美怡講野,估唔到得到句爆粗姐~

仲要係好粗好粗...我唔知點解呀...一時間接受唔到...周美怡都會講d咁既野!!

不過我將呢件事話比人地知...個個都話覺得周美怡爆粗唔出奇...唉..可能我睇得佢太完美啦掛...~我唔敢相信佢爆粗囉

下午..準備還書...問一個朋友一d野..點知嘈起上黎...唉...我真係唔想同人嘈呀..個個都係朋友就係最理想囉

其實我同佢都有d共通點..所以嘈左陣..就開始好認真咁傾起一d野...傾到我唔記得還書同食飯...因為呢個話題對我黎講..比果2樣野緊要得多~我地傾左好耐...我可以話係訴苦啦..交換下往事(不過都係我講得最多)..講到好多地方..個鼻都有d酸酸地..因為以前,實在太美好..超令人懷念..跟住又講左d野..我知道..原來真係有人明白我...至少有佢掛

呢2日打左好多發泄既野..如果睇到之後引起不安既情緒...係度講對唔住...其實我唔想打果d咁既野...因為我始終鐘意某個人呀~慘...

而且係打既時候...不知不覺間..雙眼已經被淚水模糊...哇哈哈..我就係衰眼淺~

今日周美怡提醒我攞書..但當我問佢一唔一齊去攞既時候..佢話..聽日唱K唔得閑...

但係估都估到,你地係下午出發既...而且我知佢聽日都要去攞書...

係呀..佢又呃左我..不過都好,佢搵藉口..冇直接推我....哈哈...希望下次再叫佢一齊既時候...唔會搵藉口啦~

係喎,過埋今日.我又要走....唔知周美怡會唔會同我講byebye呢...

不過聽日咁好玩..仲點會記得我喎...我諗聽日佢會玩到好夜...而且好開心..因為,,有好多人陪佢..有人陪佢

我唔知開心定妒忌..為佢開心..自己覺得開心?或者人地咁開心..人地可以同鐘意既人一齊..自己要咁唔開心咁孤單..

我諗佢10點應該番到屋企啦掛..玩到樂而忘返..怪唔得之感情咁深厚..比以前同我,仲要好唔知幾多倍...我諗今日都唔洗旨意佢同我講byebye架啦~

唔好咁灰...都話灰係我最大既缺點..明知事實係咁..都唔可以灰!

雖然有排見唔到佢..但我希望呢個代價換到既...係番學既時候..一個正常..好似以前咁既周美怡...

------------------------------以下係感想篇...唔鐘意唔好睇------------------------------------------

冇錯啦..依家又係12點幾...夜深啦...

知唔知,越夜,就會越掛住一個人....而我都有一個掛住既人...可以話我始終咁鐘意佢~

近排佢變左...變得好交關...完全唔似原本果個佢....

硬係咁...要我先認錯....唉...鬼叫咩咩..

今晚我有好多回憶...雖然係度訴苦,不過諗番起以前d野...都有微微一dd溫暖既...

如果唔係果個誤會...或者依家大家都會好開心好開心....不過好似某人咁講,天注定既...

緣分又係天定...所有都係天定...我地冇辦法去扭轉架啦

好懷念,攬住人既感覺...超幸福...依家變成咁好心痛- -

不斷懷念..因為冇得想念...好掛住你...呀

無論點..我都係咁鐘意你架!!

依家既周美怡..如果睇到..千奇唔好緊張唔好嬲..可以咁諗:我鐘意既都唔係''你''∼^ ^

今日都係一個唔係咁好既日子啦...~因為我..真係點忍都忍唔到啦....

用密碼覆蓋果篇野,密碼1...鐘意睇就睇下啦..

我覺得好失望..對某人...我覺得我已經做得好好..亦都忍受夠啦...

我唔想再為左咁而令自己繼續辛苦落去....

不過..我始終唔會好似d好衰既人咁,抗拒一d自己唔鐘意既人...因為就算我幾唔鐘意佢..我都唔會完全唔理佢既...

以前曾經諗過..就算佢係一個無盡既終點站...我都會慢慢坐車,等待到終點站既一刻..我會一直慢慢等...

可惜..終點站已經變左,就好似一個已經腐爛既蘋果..我諗,我係時候落車lu....你,開心啦?

無論如何..至少同班...唔會對人好差....就算你幾唔好都好..

多謝你比左個好開心既學期我...亦都多謝你既陰謀..多謝你既欺騙...我學左唔少野...

呢個暑假係我咁大個仔最唔開心既暑假..你都係我咁大個仔見過最差既人..諗下諗下..真係有好多''第一次''呢

29號我走lu..我知你唔想見到我..特登將呢個好消息話你知....奈何遇到的,始終是那副嘴臉~好,醜,惡,

人就係咁啦..唔到最後,都好難睇透一個人.....或者我真係太容易比人睇透...所以比人玩都唔知

幾唔鐘意都好..開學,無可避免要見面,要怪就怪個天..或者怪冥冥中果段抵死既緣分...

唔會唔記得你架..傳說中傷的我最深果個人...以前同我一齊好開心果個人..已經,係我心入面..埋葬左好耐..

以前好可愛果個人呢..走左去好遠既地方...永遠永遠都唔會返黎..我依家掛住既..我想攬既..亦只有果個人~我永遠都會咁鐘意佢,我個蘋果..係唔會變質架..永遠都係咁話