今日陸運會呀..~~不過計我話,,不如返學好過啦!

首先一早著住整齊既勤社服返學...一開始條路冇人架..嚇到我死...行到龍豐先見到廖萬石d人~...去到運動場..仲差1秒就遲到啦..好彩都趕到..一入去既見到佢~我都估到佢一定會返學架啦^^

跟住排隊排左N咁耐..一解散,,即刻搵合仔借衫..我話左今次一定要越社呀嘛..跟住遮遮掩掩..終於成功左啦!~環繞謙社望下...佢就坐係後面果行..又話唔係坐謙..唉,我又比人昆左啦- -不過算啦..依家咁咪仲好...   中午,lunch..同班友仔一齊去果度街市食野...~而佢,唔知佢去邊度食lu..又唔肯講..不過唔洗講都知佢同邊個一齊食啦,咁好機會點會放過喎-0-

食完野..飽死...跟住就又返去再開始越社活動啦..唉..越社有好有唔好..最唔好既就係連去廁所..去小食部都勁勁勁麻煩囉!!搞到我完全唔郁得...不過都都好落力咁嗌''謙社!!謙社!!''完全當勤社死既..哈

諗返今日都幾白痴架..望呀邊個邊個望左NNNN咁多次呀...望極都唔厭既咩- -見佢好似唔係咁開心咁..又見到佢食藥..~~佢都間唔中周圍望架..不過唔係望我,而係唔知搵緊邊個咁囉~唉

今朝一齊分享可嘉d茶葉蛋..正呀..好似d鹵蛋咁..~下次我都要整得咁正先得!!散場果陣佢地打籃球..我唔想打..自己孤零零行返屋企啦~係籃球場出面見到佢(當然仲有其他人)...哈..佢就梗係開心啦...算,唔理..沖返屋企~...

咁就過完一日有好有唔好既陸運..下次成11月,有排啦...今日,都係唔好既多...~聽日返學啦,不過我全部功課都冇做..

都係鐘意返學多d..話曬今日差唔多一句說話都冇講過~~好攰呀..又嘈..趴係度訓又驚條褲突左出黎喎..好似走難咁.. 快d到聽日啦!

頭先同佢傾左一陣咁啦..d態度..直線下降呢- -估計打緊blog..佢今日,梗係食飯既時候最開心啦..放學既時候我諗都ok開心既..  有時都羨慕佢架..~成日都咁好..我就差得遠啦~~問功課又唔答..~ 仲有我老豆..叫我教佢上網..我話開機..再禁2下IE..佢話''咁求其架..根本唔想教我!''我o曬..仲要點詳細呀!!!呀..搞到我有少少嬲啦...

頭頭碰著黑呀..係喎..仲有3日就咩咩咩啦喎..~真係要買- -?到時先算啦..

琴晚..差唔多1點先訓呀~~睇完死亡筆記就玩逆轉..係爆機既時候...真係鬆左啖氣....但係,以後..都唔知仲有咩game可以寄托...

跟住大字型攤落床..突然果一刻..oh my god咁勁掛住佢~~冇啦冇啦..好失敗呀,,臨訓教果刻都要諗佢..好彩太夜訓,一陣間就訓著左啦- -

今日唔記得幾點起身lu..求其整左d野早餐~開電腦燒碟....燒燒燒燒燒燒~結果用曬成個上晝都未搞掂...~期間,梗係見到佢on啦...我諗住即刻走出去睇電視分散下注意力咁啦~~點知都係忍唔住望左一眼..仲要見到佢話病左添-0-  病左咁大件事..唉..不過我問佢邊度唔舒服佢點都唔肯答我...我真係咁唔重要咩=-=可能佢聽日返唔到學~又見唔到啦~希望佢聽日可以返學啦,,今日就好返咁就好啦! 講下講下..我突然講左句:可唔可以去你屋企探你呀?    ∼傻既都知冇可能啦- -不過我都仲係問左..好白痴呀= = 跟住想同佢傾下計咁..因為可能要後日先見到啦..好慘..點知一話想傾陣計..佢就即刻話出街啦。病左都仲出去..如果係睇病就話姐~~~如果我問佢出去做乜..一定會咩咩咩既~~- -

今日好悶呀..一日留係屋企~~燒完隻碟居然有畫面但係冇聲既..玩野- -整緊茶葉蛋(又整..哈哈),希望唔難食啦~~~lunch都冇食呀..好唔舒服呀..胃痛..但係屋企都冇野食,唉...結果到依家呢..都係有少少擔心佢~~雖然唔知咩病,總之病都係唔好架啦- -

下午..好肚餓呀..就快餓死啦(不過餓死都冇人理啦)..忍唔住試下d蛋蛋..冇乜味- -算啦..對比琴日同埋上次既上次..又好左少少啦..跟住就好無聊咁唔知做咩好..4點左右啦..我細佬啱啱做完功課..所以我逼佢出街..去商務買書~行下行下..居然比我見到''佢''...哇,勁有緣呀今日,,咁都撞到~不過我都冇HI佢..佢都唔知見唔見到我啦~擦肩而過之後..~偷偷地向後望左一眼...好似ok精神咁...應該好返啦掛..聽日應該可以見到面..嗯嗯,冇咁擔心啦~~~跟住去商務..發現帶唔夠錢..我已經犧牲埋我果2張廿蚊劵架啦..咁唯有去還細佬果d漫畫啦~~行下行下..見到張廿蚊係地下..多謝上帝呀!唔通今日真係咁好運?哈..跟住即刻返去商務..Buy左果本小說...勁開心..雖然好薄..不過都應該可以分散我唔少既注意力啦..~  今日下午好開心..一路行一路笑..應該唔算係傻笑既-0- 利用果張''不義之財''..我同細佬買左杯野飲,,然後就返屋企lu..

今日既下午都算唔錯啦..希望今晚唔好有d咩唔開心既野發生~~希望聽日陸運會可以見到佢啦~....

今日7點鐘就起身..好多野諗~不過,我都冇辦法啦

星期6啦..好掛住琴日..不過琴晚...唉..唔知呀!!其實我都唔知自己諗咩,好矛盾,覺得所有野都好煩...頭先又同老豆呀媽輕微''鬧''左場交..然後瘋狂搵野做..不過到最後始終都係阻止唔到自己亂咁諗~諗埋曬d冇可能既野- -究竟我幾時,先好似可嘉咁''自由心,自由身''呢..細細個點解會咁開心..一d煩惱都冇~可能真係因為細細個冇感情束縛~掛  

今朝佢on左..但我唔可以成日搵佢架..就算感情係冇理智..我都要夾硬攞理智出黎~我唯有以打blog分散注意力啦...睇到佢on..感受佢存在..其實都ok架啦~ 情緒低落呀..好灰呀..你地成日話我日日都咁灰架啦-0- 啱呀..原本我就唔係果種樂天型..所以同你地一齊打波..或者做其他野既時候..我係咪好少出聲呢~我覺得唔出聲..係隔離聽你地講野..有時會覺得好舒服..··不過又唔係自閉,只不過唔鐘意講野姐~

唔知點解..其實接近''佢''既時候..我有一種勁舒服既感覺..唔知點講,總之係有一種好好既香味...- -  (其實我係咪傻左呀?) 唉呀唔知呀唔知呀..所以我就話好想要隻狗仔...有得攬..雖然屋企有細佬陪我,但唔通我去攬我細佬咩= = 好想要一隻狗仔呀!!>< 

今日篇日記一定超級無敵長..順便講下琴日d野啦...琴日中文堂我篇文好唔好彩比miss讀左- -好醜呀- -雖然佢都有讚我..不過我覺得讀文係一件好醜既事..最憎就係咁架啦~仲有後面個壁布..唔評論啦.. 唔好介意我成日重復呢句:琴日真係好開心呀..!

今日有咩好做呢?下午話就話同2條友仔一齊整茶葉蛋...不過最後都係我自己一腳踢~整好左就出街啦..試下個網..打下羽毛球咁啦...好求其今日就過完啦~~都冇咩特別野發生...

跟住返到黎..試下d茶葉蛋..雖然都係冇乜味..不過對比上次好左好多啦..下次要加油先得!!玩下逆轉..睇下書,,今日真係冇左啦..聽日冇活動..算啦,就留係屋企啦~

星期1陸運會..我諗住越社架啦..~但係''佢''今日同我講唔係坐係謙果度,點形容呢..有少少唔開心啦..其實我越社有60%為左呀邊個邊個..40%因為好多fd都係謙..依家冇左60%..不過凈低40%,都係要越社既..唔知比人捉到會點呢-0-不過我咁醒目..唔會比人捉掛~ 今日要諗既野夠多lu..都集中唔到精神~諗下果樣又諗下果樣~-..唔知佢今日有冇出街呢?應該有掛(話唔埋係去圖書館呢)  不過點都唔會撞到架啦~  今日過完..如果真係好似佢講咁..坐謙果度見唔到佢既話..仲有2日先可以見到-0- 算啦..2日姐,挨下挨下就過去啦...

今晚,又睇死亡筆記?哎呀係喎..頂,講起DN..唔記得去商務買果本小說添...好想睇呀...而且一定要買黎收藏..fans呀嘛..聽日如果我媽肯嘔d錢出黎既話,就聽日買啦~~  今日問我坐係後面果個女仔(超級Jay fans)攞左幾首周杰倫既歌..唔係咁好聽~以前我都ok鐘意周杰倫既~算啦..以後又多一個人可以問功課..

希望今晚唔好再發埋曬果種惡夢啦- -..

突然發覺今日星期5..心情好灰好灰..好唔鐘意放假...

不過講真今日都仲係唔錯既><不過今日去左1次圖書館咋~~因為又要搞中史..講起中史,問佢借佢死都唔肯比我,孤寒啦- -好彩我隔離果個有做..攞黎抄左~今日d課都冇搞到我眼訓...跟住唔知咩堂,有一個吉位...不過都費鬼事坐果度啦~人地都唔比..哈哈~  借筆芯又話唔得- -好彩問隔離借左~講下講下..隔離果件又真係幾好人咁喎...

算啦..今日有幾個開心位..好開心呢~~~不過可惜聽日就放假..好想繼續返學..一個星期放~~半日假就夠啦!= =  不過最衰放學既時候都冇講byebye..開始灰...

走出校門..3日後先再踏入啦..唉..又係等3日..個個星期都係等3日..下個星期又秋祭又係3日..呢個月洗唔洗咁爽呀~灰囉!2日假期..做咩又唔知..又冇人傾計..凈係靠打機咩~~一日打機都會厭啦~ 睇片又冇人陪~-0- 唉..

今日放左學同班友仔去左MMM記..見到個小朋友..唔識形容- -勁搞笑~~~仲有見到一隻白色狗仔..哇..勁得意~其實我係一個好有愛心既人呢- -成日幻想如果有隻狗仔係屋企就好啦..得閑攬下唔洗咁悶呀嘛..不過呀媽唔會比養狗架= =寵物既野..金魚又戇戇居居咁..貓我又唔鐘意..雀仔驚佢kiss我會好痛..狗仔就最好啦..由細到大我都好驚大狗,特別係鄉下d狼狗..驚到跳起~不過對於d好細果種狗仔..真係超級超級鐘意~~~(戀狗狂- -)

聽日又整茶葉蛋(暫定活動)..唔知會唔會好似上次咁難食..今晚,好唔好睇電影呢~夜晚睇片好有feel..就算冇人陪都ok既..不過怕黑眼圈變左''安安''- -

琴晚係2個月紀念日既夜晚..同可嘉傾左一陣心事..佢突然之間就唔鐘意細豆..好突然..都唔係唔好既..因為次次買咁貴禮物..我都覺得太誇張...

唔制呀..聽日放假啦..唔要唔要唔要!!(成個細路咁- -)算啦..星期6日..應該點都會有一陣傾掛..我諗