其實我一出世煩惱就未離開過我la...可能因為我成日做d乖仔唔做既野啦XD

次次做錯左都要汁手尾..唔係就比人鬧死...所以好多煩惱牙...

不過人越大..煩惱就會倍數增長....尤其係果d問題...

係呀,,..人大左就梗係有架啦...唔通一世都冇鐘意人....不過以前唔知,原來呢d煩惱係咁辛苦架...

我覺得今日同佢相處得好好牙...因為佢肯理我...

一個人肯理你...對其他人黎講..應該係一件好正常既事..好普通既事,,不過對我黎講,已經好開心架啦...

不過依家又彈左d少少既煩惱..就係呀miss啦....其實由得我同佢2個慢慢解決...或者以後一路保持咁樣既關系...都好好牙

我諗''佢''都會同意格...

我唔洗miss講既''幫我地''...因為miss無論如何都一定幫女仔既...無論幾咁無私既miss..心入面果個天枰都一定會向女仔果邊傾側吧

我驚佢越幫越忙..最後收場仲慘淡過依家(依家已經夠慘啦T_T)

神呀...佛呀...觀音菩薩牙...識睇中文字既話...幫我挨過呢d難關啦...求下你地啦

今日係第一日返學...12月啦...又要打tie喎...又唔識打喎...唉...

今日,哈,,,果然,,其實我始終都係鐘意佢呀....

好廢...覺得自己好廢...少少野都做唔黎.....一路都係一個好冇用既人...學業係咁,打機係咁..感情都係咁...

可以話返學既時候每一天都有新的打擊...但我都好努力好努力咁一日一日挨過去...

不過會唔會有一日,真係堅持唔到落去呢....

自己真係好軟弱呀...成個女仔咁..郁d就喊..郁d就唔開心....

以前不是這樣的...

堅強其實好容易做到...不過有時橫掂冇人見到...任自己軟弱一下也沒有什么大不了吧...

呀媽唔係度既時候就打機..放工番黎就睇書...其實我已經盡量麻醉自己了...點解佢依然係我個心度唔肯走呢..~~

><

今日星期日啦...唔經唔覺d時間就咁去左...唉....

到今日為止,我有5日冇同佢講過任何野...係咪好犀利呢...不過聽日就要返學...我真係好唔想好唔想見到佢呀!!!

如果佢可以掉班咁就好啦...

聽日開始又係魔鬼的日子...如果冇左佢,我諗會開心好多...真既....

呢d咁虛偽既人...見到一面我都想死...好驚見到佢呀.!!

4點啦..我咩功課都冇do過...係時候加油....

希望下次考試會好d成績....希望聽日唔好出咩大件事....一切正常就好....

話咁快大家又一齊踏入12月...一年最後既一個月...

回想返今年2007...係我呢個超平凡既學生仔身上,真係發生左唔少野...

有開心..有傷心....總之甜酸苦辣咩都試過啦....

好鐘意諗返以前d野...其實成日諗以前係唔好既,不過控制唔到自己...算啦...間中都要任性一下

舊年既今日,我仲未同果個人傾過一句野..大家只不過係普通到冇得再普通既同學....其實,咁樣都好好...至少我唔係為佢而煩惱

由細到大都冇乜煩惱既我...今年似乎破天荒咁多左好多...

點解好好地一心一意既女仔真係咁難搵呢....唔通好似恐龍咁已經絕曬種?又唔洗好靚..又唔洗好叻...只要一心一意對人好就得啦...

不過呢..其實做人都唔好成日怨..你怨佢又點?憎佢又點? 唔通個天會可憐你,比一個好女仔比你?

當佢冇到咪得囉...事實上,我根本冇任何需要要同佢講野...

我已經好真心咁去對待人啦...好想可以搵到個同樣真心對待自己既人..唔好好似''佢''咁虛情假意囉...好假...

遲早會遇到既...

哈...今日無啦啦話咩人地學校陸運會...so唔洗返學...唔可以話好好既,,不過依家諗下諗下,放假其實都冇壞姐

係學校...我又會見到d唔想見既人...好憎佢地...超級憎....如果我有死亡筆記既話,我會考慮佢地個名出現係筆記上面....

今日好舒服,幾個月黎都冇試過咁舒服....一覺訓到10點鐘...而且發夢都冇夢到某個人....

如果可以真正忘記佢...我諗我依家一定會好開心,,,因為諗起以前冇鐘意既人既時候,,對比依家...負擔輕好多...

唔洗擔心有人會離開自己...唔洗擔心有人玩弄你既感情...唔洗擔心人地會係你背後玩手段....

有拖拍唔係最幸福,,,反而自己一個樂得清靜....所謂既拍拖,只不過係一場勾心斗角的游戲...有一日會令你好痛...好傷好辛苦

依家先醒悟係唔係有d太遲呢?醒悟之後又係唔係能夠做到呢?

世界存在太多可能性...或者聽日,我會鐘意另一個,又或者..繼續咁鐘意某個人....話唔埋的..

不過,我強烈反對後者...

有d人..真係唔係一個英文單字可以形容...

算啦....再提果種人又有咩意義?呢種人根本唔值得為佢傷腦筋吧...