今日唔想打咁多囉...真係有好多白痴既人係我身邊氹氹轉...煩死..~烏蠅大曬咩?

今日呃錢..係某人最開心既日子...首先今日全部堂都可以同同位好開心咁增進感情..然後eday更加係重頭戲...仲特登調位對正人地...咁樣望人就唔洗搵藉口~~2堂我諗...都望左幾十次掛,,然後積極地搵機會傾計....

寫完呢件事..好啦,今日星期5...ok啦...係頭先同合放學果陣做左件嚇親佢既事...~今日果塊膠都ok喎..雖然整得唔係好靚....

雖然返到屋企通常係冇特別野發生既...不過今日就唔同..有野發生~~不過唔係屋企既事,都唔係''佢''既事...所以完全影響唔到我心情...

算,就咁..打完

琴日都可算係多重打擊...不過最激氣都係居然有人懷疑我扮關心''佢''囉..

仲有調位既事...唉...成日一諗到就覺得好煩...好唔鐘意...尤其係今日中午見到果件事....希望係我亂諗啦^^

今日同佢相處得幾好...只不過真係時好時唔好....中午去圖書館果陣突然見到佢出黎....自己知自己事,我一見到佢就會變到有少少不知所措...所以用手推左佢一下= =咁又比佢嬲左一陣...好彩解釋返都冇事....

不過頭先果2堂野...整果d''章''...我幫miss整,跟住就即刻整左佢果2個先...跟住佢黎攞..我遞比佢果陣佢竟然用不滿既眼光望我....都唔知點解...我都係想佢快d攞到唔洗等咁耐....少少野都唔比做咩?~

試卷終於派完啦..成績係史上最差...由細到大我都未試過有一科唔合格架-,今次居然有一科唔合格..其他勁差...唔知點交代好....唉...勁衰囉..考試科科都諗住佢...下次要努力d...不過作文居然比miss話寫得好...d人仲話個故事好似真添...哈哈~~可能一路諗住佢一路寫..d感情多左d掛..~~寫到最未都唔知點結尾..所以就諗左佢同我講果句野寫落去...miss都有讀出黎..不過我諗都係冇人留意呢點啦~

唉...聽日星期5啦...e day..幾好玩,不過都有唔好既地方...上次點樣我仲超記得...好驚又會反復上演...

一開blog...咩事呀..粗口?...!!我打blog關你乜事呀..白痴...唔好成日扮曬野啦,,你以為你邊位呀?cheap精一個咋?...依家唔了解事實既係你呀...話我扮曬關心佢...你估我係你呀?我關心人地都要扮咩?死開啦唔該...你知我有幾鐘意佢呀?我有成日煩佢咩?我覺得最煩果個係你囉...有冇試過真係鐘意一個人呀...咁鐘意屌你除褲啦..扮曬野..好影響心情囉....其實我第一次見到你已經唔like你啦...你咁Q煩做咩姐?我又冇得罪你...點解個個都係咁架...煩煩煩....我真係玩玩下咩?認真架..你知咩呀!我最憎人講粗口囉..點解係都要人講粗口...賤精...

總之我再講一次:我鐘意佢..係真既,關心佢都係真既..唔信你就算啦..得唔得?橫掂信唔信都影響唔到我...我係自己個blog度關心下自己鐘意既人都有錯?你冇野呀?  我知,真心又點假意又點..你地都唔在乎..不過我在乎呀..我自己知自己唔係扮關心囉...以後唔好煩住曬..打電話唔好成隻蟹咁話打錯囉..唔該..  我關心佢係blog度打之嘛..比邊個睇呀?話我扮關心..扮關心就唔會係blog度打啦

-----------------------------------------------------------完畢--------------------------------------------------------------

今日真係好唔開心囉..調位..返到黎仲要比d無聊人串..勁低B...

調位..''佢''就開心啦...一聽到某某同某某坐..我即刻唔知講咩囉...完全唔敢想像一個月之後會點..

本身同吳康怡坐..都ok既..點知最尾果堂..一個誤會,又掉走左...依家好悶呀

返到屋企..好激氣囉..今日係咪咁黑呀?比一d無聊人鬧,勁無聊囉佢...連人地個blog都要管?..發泄第度啦唔該...

佢唔鐘意我又點姐...我又冇係佢背後講壞話..琴日呀某龍同我講,我都特登回避''花心''果個話題啦...你以為我好似佢咁成日同班fd鬧佢咩?我冇咁無聊囉...   要人地理解自己感受..自己體會下人地感受先啦..凈係識得爆粗...郁d就粗口只係證明你冇文化..知冇?

理性少少啦..2個都係咁..比d理智好唔好...又唔係冇智商~  就算你鐘意扮關心人..唔代表我都會囉! 

唔好凈係識得爆粗囉..小學生呀?佢唔鐘意我..係呀..佢變心呀..我單戀囉咁?關你鬼事咩..超簡單既一件事,洗唔洗搞成咁呀?

繼續爆粗囉...女仔..

今日壽星係..我細佬...今日我細佬生日啦...又大一歲,不過我呢個做呀哥既,咩都冇送比佢...

不過都冇乜所謂啦..我地一家人邊個生日都冇生日蛋糕或者禮物既...因為個個當事人都覺得"收唔收都罷''...

今日考試真係好差好差..至於原因...唔洗講啦..~~我發現今日有一句野講得好好...不過唔打出黎啦..∼

唉..咁既成績...同埋''佢''....我就快死啦我諗

今日就咁算啦..聽日打長d

經過琴晚既幾粒鐘..我所知道既野又多d...對某d事情又確認d...對某d人,更加失望d...

琴晚情況更係保密啦..橫掂我都唔會唔記得,所以唔打啦..講返今日..今日派卷日呢....不過我預左,一定會考得好差....因為有''佢''呀嘛~英文好慘呀...最衰都係佢..數學,唉= =中文都仲ok(不過派左短文咋喎)....期間見到周美怡成日啤我...直到放學我先知咩事...原來佢以為我係佢張凳度寫''仆街''2個字...佢係咪白痴架..係唔係都屈我..我邊有咁得閑寫呀,係你自己得罪人唔知咋?橫掂有d人都唔係咁like你架啦...依家走黎賴我..賴啦,有拖排大曬咩...我遲早都搵到一個女仔好過你...最緊要係''唔花心''!!!

係度講句:  花心果d全部唔係人!!!

就因為咁..當左我仇人一日...放學解釋返..我諗冇事啦掛..如果解釋左都仲要話係我寫..咁我冇野講...

成個早上,見到佢好似唔開心咁架...不過一到下午..哇..唔同曬..點解?你睇下bio sir 派卷果陣讀名..讀到佢同佢個王咩咩同分,開心到佢即刻笑,然後傳卷果陣呢..攞住人地張卷依依不舍咁同人地玩...''sweet''到死...睇下佢個樣幾開心...仲話冇野~  我諗日日都想去撞佢返學啦...聽日,肯定超開心成日擰轉頭同人地傾計...呢d野,幻想都幻想到啦...

仲有..下午,佢又要當值..大條道理去圖書館為見人地一面...唔好以為又係上面果個,其實係另外一個人黎架...好耐架啦..唔認之嘛,近排又有新歡(上述果個)....唉~   所以比左個卓號佢''花心鬼''....

睇到呢度..係咪覺得我自己好憎果個花心鬼呢~~不過答案係NO...而且啱啱相反..係超鐘意佢....我都唔知點解呀,明明係我既選擇條件入面..最最重要既一點係''唔花心'',但係就偏偏鐘意左呢個花心鬼...所以話呢個世界,咩事都有可能發生...而我,依家可以做d乜?凈係可以睇住佢同時對N人有好感...然後自己默默咁承受佢既冷漠...時間,係咪真係可以沖淡一切?