今日要咁平凡就有咁平凡...不過都幾好既...~~琴晚玩到1點先熄電腦呀- -但係今朝9點就起左身...如果今晚都係1點先訓既話..就連續3日凌晨訓啦- -

今日冇食早餐..冇食lunch...凈係食左一包蝦餃咋- -跟住見''佢''on,..一hi佢就即刻off左..灰左一陣..唉~~

下午2點鐘出去打波..不過好大風- -...打左一粒鐘到..又試出去shopping~首先梗係買野飲啦..然後去左買炸雞翼...哈哈,好耐好耐冇買過果度d雞翼啦..雖然啖啖都係油..但係都幾好味既^^之後又去食冷面..最後去埋MMMM記~一路食野一路討論一路望靚女...本身都想坐耐d架...點知突然肚痛(梗係啦..又雞翼又冷面又M記- -)...跟住即刻急急腳返屋企lu~~返到屋企禁爆個門鐘都冇人應...我細佬去左剪髮- -頂頂頂頂...等我入到屋果陣,已經唔痛啦- -

今日簡簡單單咁就過完..雖然全部功課都未做過..不過都過得既開心....如果日日都可以咁平平凡凡就好啦- -要平平凡凡..唔要平平煩煩呀!!!~2日冇見過佢啦...~唔知佢依家點= =我諗佢一定會去圖書館啦..跟住又會見到小學果個同學..   唉...唔好諗咁多啦~

聽日呢..一定會好忙啦~不過終於放完3日假..都值得開心既...其實作為學生,應該勁憎返學格~唔知點解我會變成咁..有d野影響我..改變緊我- -   遲d話唔定會變死讀書果類人= =不過如果要我凈係努力讀書唔玩,係冇可能既..哈哈   但係依家都係學業為重啦...今個學期要稍微努力少少呀!!~  順便..(真係順便)..掛住呀邊個邊個~

哇..成2點啦~~~我仲未訓...聽朝一定冇精神啦- -   除左掛住呀邊個邊個之外..咁夜我做咩呢?係啦..頭先就係剛剛睇完''哈利波特鳳凰會的密令''....想睇好耐架啦...不過以前d畫質太差所以忍住唔睇...今晚比kai希講兩講就又搵左一次...今日d畫質ok喎~~所以一不做二不休...橫掂聽日唔洗返學,死就死啦...

其實我係哈利波特fans黎架..集集都有睇..書都睇埋(勁厚- -'')..今集哈利我覺得ok咁啦...可能夜得滯冇好比心機咁睇...劇情都知道曬- -其實睇下佢d布景姐>< 哈利仔越大個樣越低能..唉,冇眼睇...細細個果陣好Q呀...~~11點幾睇到依家,2點幾lu...今晚幾好呀...好易滿足架咋...希望今晚發個好夢啦~

--------------------------------------------------------------------------------------------------------------------------

咁又早上啦..10點半先起身呀我...果然太夜訓係唔好既- -

跟住開電腦..msn度見到''佢''應左我..原來佢真係扮off...   唔知佢琴日幾點走呢~不過就算我留係學校,都唔會有機會一齊放學架啦

唔講咁多啦..今日休息日呀,,,琴晚睇哈利睇到2點今日肯定會好眼訓...不過留係屋企又有咩做呢...除左打機,就凈係發呆..依家連打機途中都會發呆架..越黎越嚴重啦><  好彩今日可以自己整茶葉蛋食..唔知好唔好食...不過橫掂冇人同我分享.. 

呀媽今日返半日工..搞到我依家就要食飯啦(10點10咋)..咁早食唔落呀..

-----------------------------------茶葉蛋誕生---------------------------------------------------------

再報時2點1個字...我既茶葉蛋終於都誕生啦- -整左好耐...唉...一開始將雞蛋落去滾水果度..搞到d蛋殼全部''六''爆曬,,好大陣蛋味><好彩我後尾照足食譜..慢慢do...後尾又落唔夠茶葉..索性全部茶葉倒曬落去!跟住又落唔夠水...唯有臨時再煲過= =然後狂落花椒八角..勁多鹽同糖..終於係歷史性既時刻2點鐘完成我第一煲茶葉蛋啦!!!聞落去好香..我諗都仲要浸一陣等佢入味...不過算啦,我忍唔住啦!!試食ing....d蛋出面果層''衣''已經變曬色..但係入面d蛋白完全冇變色-0-..食落去得一個感受..''圾''蛋...

不過算啦..第一次..浸耐d可能會好味d呢~~好想同佢一齊食呀..不過冇可能架啦@@夜d自己一次過清曬佢..哈哈~

-----------------------------------------------------------------------------------------

唉..發生左件唔多開心既事...唔知邊個將我個blog比左其他人..有冇諗過人感受架..算啦..橫掂我都唔知係邊個..不過希望唔好再有咁既事啦- -

今晚我煲茶葉蛋面臨被''垃圾桶''既危險...唉..都怪我落得太多水啦- -唔緊要,下次奸爸爹啦...咁就一日啦..勁勁掛住呀邊個邊個...搞到機都冇打..部腦仲中毒添- -頭先先搞返點...好煩呀今日..

終於返到屋企啦喂~今日話開心咩?的確有野開心...話唔開心?真係有好唔開心既事發生...

上午直接飛左唔講啦~~中午照常落圖書館..因為吳嘉俊要借一大堆書~~搞到借爆左可嘉同埋佢自己張卡..最後仲要勞煩埋我添^^呢個中午同''佢''講左ok多野..好開心呢~就算圖書館d野吳嘉俊都知..但係我都仲係想問佢多d...我都好想做圖書管理員呀..不過人地唔想我左住佢地呢~

之後就係中文堂,寫左篇無聊文,然後又到ok搞笑既bio堂- -唉...最後一日又係咁冇左啦

臨走既時候..我同佢byebye...佢凈係做左一個動作- -   不過我都好開心架啦~

開心既時間硬係過得特別快~又到環校跑...環校跑唔係d咩唔開心既野...唔開心既,係因為''佢''姐~~暫時唔講住...環校跑其實都幾好玩架...同Miss舉住班牌影左一張相(我諗影得好樣衰下)...然後又見到kai希..佢個班牌爛左(其實佢個班牌整得好求其..好易爛)...今日真係幾好玩架..2A班贏左...3B班唔知點..冇睇到~因為我睇到一半就走左lu...唔想再留係學校啦!!  唔知點解..今日放學既時候又好地地...一到環校跑就''變面''...成日走開..如果可以靜靜地同佢一齊睇咁就好啦~~佢又話我煩..依家成日都話我煩架啦...都唔知邊度煩囉...其實我都係想得到一句byebye姐~我知我好傻,一句byebye有咩咁重要呢?但係其他人既byebye就算講唔講都冇所謂...不過對於佢,一句byebye對我黎講好重要啦...  不過佢連一句byebye都唔肯比我...好啦...所以我未睇完就走左lu...臨走既時候都唔知佢去左邊..諗住出門口啦~好似突然有d重要野提醒我咁..無意中傻更更咁走左入禮堂..見到個大屏幕,仲見到佢添-0-  咁都比我見到佢..唔知係好彩定係唔好啦...我好灰咁行過去...係佢耳邊講左句''byebye''...咁就走左啦..唔想煩到佢,講到一句byebye都足夠啦...唉....

跟住同2條友仔去MMMM記..食左d野..就返黎啦~~我媽又鬧我係出面食野唔返屋企食...

不過有一樣好既係..我媽真係記得買茶葉蛋既材料喎...正...聽日就自己整~自己食...冇人分享既~~   聽日又放3日...有冇搞錯呀...成日都放假..玩野咩!~又有3日見唔到佢,佢就一定係開心..而我真係唔知應該開心定唔開心呢~~~呢幾日,成日都間唔中諗住某個人..如果佢可以同我一齊讀書就好啦~- -... 

究竟點先可以解決所有野呢~ (用死亡筆記?)...哈哈...我份人,真係好鐘意妄想喎~3日,又會亂諗出d咩野呢...如果日日有野做就好啦~~!!一路打機..唉...一路掛死佢

不停咁落雨呀今日...搞到我朝早返學條褲濕曬啦...~~~唉...

頭先一返屋企就發現老豆係屋企,原來佢今日放假呀...死得啦...要開電腦變得好困難添~好彩我一返到佢就出去買餸..趁依家佢唔係度...打埋blog先~

今日同琴日一樣都幾平平無奇架喎- -我既人生唔通真係一d驚喜都冇?- -早上體育堂玩跨欄..好無聊囉~跟住中午落圖書館搵書...搵呀搵..終於比我抄到2分鐘既講稿啦...今次落去圖書館真係有緊要野做~冇其他目的呢-0-    跟住係普通話堂..我第一個出去講..梗係特別緊張啦- -鬼叫我1號仔咩...我覺得ok大聲啦..不過佢地話我好細聲喎- -仲舉左張紙上面大大隻字寫明''大聲''...笑死我-0-短講咁就搞掂啦~~~~低B清講得最好啦~不過隔離d人成日話低B清鐘意我- -跟住又話呀邊個邊個勁有氣質,怪唔知得我鐘意佢咁話喎...

跟住上左堂低能電腦堂就放學啦~本身諗住今日同佢一句話都冇講過既...不過去廁所搵下可嘉既時候見到佢..講左句''byebye''...今日就係講左一句byebye∼...去完廁所出返黎..佢話奶媽有袋野未攞~我咪過去同佢講下囉..點知都未講完就刪窗~

今日終於過完啦..原來都冇乜野姐- -

講下講下..我老豆就返啦我諗..唉,....今晚再打埋佢啦~~

------------------------------------------------------

現在報時9點17分左右~~比我入左房一陣...搵d野抱怨先

首選梗係果個咁既lunch啦...大快活(定大家樂?)差到死...日日都拖延我地食飯...今日又係咁..玩野咩...搞到我同呀周美怡都冇C餐..頂佢個肺- -仲有呀,d餐差到嘔奶,得一隻雞中翼加一件冇汁既豬扒...15蚊勁唔抵囉...我去食茶葉蛋好過- -

聽日呀媽放假.叫佢買材料,我親自炮制茶葉蛋...正呀~~不過佢記得買先算啦

係喎..聽日環校跑..希望我唔洗跑啦~~做觀眾夠lu....順便希望聽日都落雨~

今日早上有少少雨..冇帶遮,驚驚地架- -好彩唔係好大雨姐- -...咁樣落一落雨,又諗起上個學期某一日我淋到落湯雞咁,好彩係隧道遇到某個人..先一齊行返學校...果陣好開心呀~

講返今日..好平凡咁喎...不過個書包真係好重..唉- -  今日超勁啦我,...中史世史各記一個欠交...一日2個,唉....實比我媽鬧啦- -

今日真係好攰呀..中史堂訓..世史,訓..中文,都訓~~唔知係唔係唔開心搞到體力消耗超級快~~....今日都冇乜同佢講過野....算啦..個心唔變都變左啦...到依家仲爭論誰對誰錯...仲有咩意義喎~  國慶果日同以前個老友仔傾計...幾開心呀...仲比左d相我地睇...好多靚女呀(唔係講笑,冇化妝,不過真係好得)....無啦啦又諗返起以前d同學...好懷念呀~

聽日...勁憎!!!   今日上中文堂果陣諗到一樣野..我諗係得我一個諗到咋- -不過唔知要唔要講...睇定d先啦~放學果陣同嘉,俊去買野...本身諗住買冷面..不過原來唔記得帶銀包- -唯有返屋企玩逆轉啦~頭先接左個電話...我老豆今晚返屋企食飯...不過我諗我應該會諗到好多藉口開電腦既- -哈哈哈哈

依家問功課真係好難好難呀~~!!唉~d餐又難食..上堂又悶..是但一樣我都有排抱怨啦..總之心情唔好啦~!  好鐘意返學呀..討厭放假..對放假有陰影