| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 10 月 1 日 星期一  |
國慶節喎- -  |
分類: 未分類 |
啱啱過左12點啦..祝大家國慶節快樂...哈哈 一年一度既國慶節又到啦...一齊劈低唔開心既昨天...今日係星期一,但係放假呀~~雖然放假係見唔到佢,不過佢見唔到我會開心既話,,,我都好樂意放假既!! 上年國慶節我先剛剛插班1個月,插班生生活真係幾難挨架...好彩我人緣都唔差既(男仔方面)∼老實講咁大個仔過左10幾個國慶節,不過國慶究竟有咩值得慶祝呢- -可能我唔夠愛國掛-0- 傻更更咁就一年啦...時間真係好快,本身連自己屋企范圍都會蕩失路,依家都熟曬lu....本身香港咁大一個朋友都冇...依家都有唔少啦 諗下諗下,以前班同學仔依家都應該高中啦喎..都已經好少聯絡啦~佢地放7日,我地放1日...點解咁少架- -
頭先先剛剛沖完涼..濕曬頭髪...頭髪又長啦..唉- -趁夜晚冇人知..偷偷地咁掛住佢~鐘意一個人,都係要偷偷摸摸-0- 頭先問人:''佢''咁憎我..我係唔係應該憎返佢? 人地話:最緊要對得住自己個心 冇錯呀..要對得住自己個心...我個心根本就唔想憎佢...何必特登發掘d野去憎佢..點解要特登講說話激佢呢?唉..我諗要我憎佢,根本係冇可能既事掛- -然而我唔憎佢...佢就超超超超憎我...
諗過好多好多辦法去令自己忘記佢...試過諗佢d衰野等自己憎佢啦....或者狂打機啦...又試過不停搵人傾計...仲有終極方法..試下鐘意其他人~不過最後都係全部失敗失敗~ 我諗真係要好似可嘉咁講,要用時間沖淡先得啦...
AA..死啦- -我發覺我仲未問到中文既功課...~聽日先算啦~
--------------------------------------------------------------------------------------------
下午5點22分...我諗係時候要問清楚中文有咩功課啦~~...
今日都幾好既...又試4條友出左去打羽毛球...好攰呀...買左2次野飲~第2次我仲買左牛奶添...有益身心- -
有時覺得肥陳Ok乞人憎...雖然有佢係度打羽毛球好似好玩d...但係佢一d都唔認真囉(其實唔知係唔認真定係唔識打- -) 打一下都要嗌到湯豬咁..又尖叫又高音,頂佢唔順- - 今日似乎就咁就過完啦~真係簡單平凡喎~3日既''長"假終於搞掂,聽日就返學啦...唔知會點呢-0- 有d期待,又有d驚..個心1516,唔返學唔舒服咁,,,
後日..唉- -...好憎!!!
要快d熟返d同學先得..依家問功課都ok難...問奶媽,10年後先應你(甚至唔應)...問嘉俊,佢同我一樣咩都唔知...BB唔係成日on...問''佢''..直情明明知都唔肯幫添,勁 其他人都係差唔多情況啦- - 搞到我成日同可嘉吹水有時一時衝動問功課- -好彩次次最後及時發現~-0- 依家好鐘意Gyakuten Saiban~好好玩,一玩就連果d野都唔記得曬~~全靠佢我先挨到今日咋...
人地話失戀傷得太深好容易會變左唔鐘意女仔(姐係變左''同志'')...希望我唔會啦-0-...不過我個人好反感''搞基''呢樣野...真係好核突囉- -...無啦啦打左咁多...我個腦真係好多唔同既諗法~~
|
2007 年 9 月 30 日 星期日  |
一切,都係被利用既結果~  |
分類: 未分類 |
今朝居然10點幾先起身...琴晚發左好多恐怖既夢..
琴晚同佢傾左一陣..本身氣氛都幾疆架...好彩我識得控制下自己...慢慢d氣氛都好返少少....我地係度討論果d問題,我發覺唔講我自己都唔知我係咁傻囉.... 成日話我''放唔低''....其實放唔低先係正常架!!! ''你唔鐘意我..我就唔鐘意你'' 講真,有幾多人做到?2個人分開..梗係有其中一方仲未忘記架啦....都唔明佢咁執著做乜... 如果你一唔鐘意我..我就可以即刻唔鐘意你....咁既男仔,,你都唔會要啦係咪先!所以我依家就算繼續鐘意佢,都完全冇錯囉 依家佢變心我已經唔計較啦...我會繼續對佢好好... 人真係一種好抵死既生物喎~ 以前我講過''你唔鐘意我..我就唔鐘意你'',結果依家..反而越黎越鐘意佢,,,,以前佢都講過''我諗我忘記唔到你啦''...結果依家..忘記我就好似計一條小學數咁..超容易... 對比好大呀可? 佢咁容易就變心...除左花心之外..我仲係度諗...唔通真係要再鐘意一個,先可以輕易忘記上一個? 就算係咁,我都唔想鐘意第2個啦..我唔係花心既人^^...人花,我唔一定要跟住花呀嘛...
---------------------------------------------------------------
頭先玩逆轉玩到攰...訓左陣...醒番果陣又諗到d野...突然之間真係好嬲!! 點解佢成日都要話我煩呢?我覺得真係好無奈囉!!好似中秋果晚咁..應該係最近一次佢話我煩啦掛....佢話我打左好多次電話比佢..唔該大家一齊諗下啦!! 第一次,叫佢一陣係北區公園度等 第2次..問佢地係邊度 第3次,問洗唔洗幫佢地買月餅罐 跟住全部都係咁...我想問..咁都叫做煩?咁都叫做無聊既問題?唔問點知你係邊呀?唔問點知你地洗唔洗要月餅罐呀?用腦諗下啦唔該...我打果d電話全部都係有原因先打架!!!行下行下失散左梗係要睇下你地係邊架啦...咁又話煩...幫你買埋月餅罐又話煩....- -凸
我真係理解唔到d人點諗野囉...到依家仲係認為分開係因為我做得唔好...如果認真咁諗下...我地分開最大既原因係因為佢鐘意左第2個..係因為佢變心對我唔住咋!!!!唔通呢個唔係最大原因咩?但佢就將呢個原因隱瞞囉...跟住就話因為我成日懷疑佢..因為性格不合而分手....全部都係為左掩飾佢變心既事實!!好恐怖呀我覺得..咩叫人心難測呀....根本只顧自己面子...就要話係我錯..話我煩。講曬佢啦...自己變心就變心啦..仲要等全世界都誤解我...等劉佳希佢地都以為真係因為我做得唔好先會分手....你地話..即刻鐘意第2個...唔係變心係咩? 仲要周圍唱我唔信人...周圍唱我煩...為左掩飾佢變心...就要犧牲我呀?點解到最後我都要比你利用呀!!之前利用我做代替品我都算啦...點解仲要搵我黎做幫你掩飾既替死鬼。 唔過都過左去...依家除左班男仔,,佢d''姊妹''全部都以為我唔信佢所以先分手...根本冇人察覺到其實係佢既問題.. 好成功呀..自己仲可以保持聲譽..可以光明正大咁鐘意其他人,,而我..比你利用完之後..得到既,只係人地既誤解同埋罵名...我得到既,只有比人冠以''煩'' ''唔信人''既稱號~咁樣..你好滿意啦? 我一直咁鐘意佢..無時無刻都諗住佢..當我冇曬利用價值既時候,下場..竟然會係咁
|
| 2007 年 9 月 29 日 星期六 |
| 好想可以恨佢呀!!!!!! |
分類: 未分類 |
今日7點就起身...跟住勁火呀!!世界上真係咩人都有囉!!!!!
真係好嬲囉...今日見佢on左..佢''忙碌''..我同佢講有野問佢...佢先好唔耐煩咁應我.跟住我問佢係唔係要去camp..佢話''唔去啦..得未?'' 睇到呢句我覺得好莫名其妙囉...咩事呀?又激親佢邊度呀?問佢係唔係去camp咋喎..!!!我未見過d咁唔講道理既人囉...真係好難相處呀!!!跟住仲離譜...佢話做功課唔得閑...跟住我唔知中文功課係咩呀嘛,咪問佢囉...問功課咋!!!佢話''咁多字唔想打..浪費我時間...就係唔想幫你呀''...我一睇到真係o曬.. 可以做到咁既世界上得佢一個囉...完全唔講道理 問佢功課咋!功課呀!!!我依家唔係問佢肯唔肯嫁比我喎...係問功課之喎!!!!!!!究竟咩事得罪佢真係唔知囉....一時一樣...花心到死....以前明明話做返好朋友和好如初...依家又咩事呀? 唔通佢凈係係佢小學同學同埋某男仔面前先會係個乖乖女? 我知係佢心入面我完全比唔上佢2個...不過至少當我同學既話...講下功課唔洗死掛? .唔單只冇理智..根本唔知咩叫承諾...唔知咩叫冷靜..
真係唔知要我話幾多次...究竟要我點做呀?唔通真係要玩到出火先肯罷休? 好過分呀咁既人!!! 都唔知點解我會對一個咁既人死心塌地...佢係全世界最過分....我諗我就係全世界最蠢果個 如果我可以變心..即刻當佢仇人永遠唔理佢....就算任何代價我都愿意架....一路咁鐘意佢..只會令自己辛苦
-------------------------------------------------------------
好啦..一陣去打羽毛球~打打打...希望可以快d唔再care佢d野...快d忘記佢
打羽毛球時間到啦...但係我搵唔到鎖匙..勁慘- -屋企得番我一個..唔鎖門點出街喎...搵左好耐好耐...原來書包穿左個窿..跌左入去- -嚇得我..跟住同佢地打左一陣就去食冷面啦..跟住再去seven買野飲..(依家我地出街買冷面再買野飲好似變左指定動作咁@@) 跟住去我屋企樓下果度繼續打..肥陳都黎埋...好好玩~ 好耐冇係我屋企樓下打羽毛球啦..對上一次就係同呀邊個邊個一齊打lu 肥陳都唔知識唔識打既..屎到死喎..打既時候仲要大聲咁叫..笑死~ 果然呢..做運動真係可以暫時咩都唔記得...以後要做多d運動啦~本身好努力咁keep住嬲佢既情緒...不過對住佢..d火始終留唔住,,不過依家仲有少少唔開心~
好啦今晚又係死亡筆記夜...係喎..仲未問人中文有咩功課..我真係唔知中文有咩功課呀嘛- - |
| 2007 年 9 月 28 日 星期五 |
| 要放3日假..寧愿返學 |
分類: 未分類 |
今日好唔開心呀!!!!!!!!!!!!!!!!!!!!
話左忘記佢架嘛...點解始終都係控制唔到呀!!!真係好冇用呀...~
今日第1日E day 亦都係第一個勁唔開心既E day....
首先一入去..我地坐好位..男一堆女一堆...而我始終忘記唔到果個呢,佢特登背向我坐..我明既,佢唔想見到我呀嘛...
跟住我就好專心咁整果把扇..唔去望佢~呢個時候..某一個人入左黎...仲要特登坐係佢隔離~...
我自己同自己講...要忍呀,,,話左忘記佢架嘛...啱啱先起步點可以咁快衰架!!! 但係見到佢地有講有笑咁...好羨慕,,我忍唔住望左一眼....但估唔到,,呢一眼~真係好傷~如果可以翻轉頭...我諗我唔會比自己望~ 我見到佢塊面好紅...真架..好似化左妝咁....耳仔都紅埋?點解無啦啦會面紅?我唔敢再想像落去...凈係突然覺得,,好恐怖,好驚訝..再加上無限既傷心~~~ 其實佢依家既心入面,究竟係佢...定係佢?或者2個都有? 我唔敢諗...因為我知道我冇權去諗~...
上堂之前..同林嘉豪傾佢同欣欣d野~...原來我地都有諗過d好荒謬既野....原來林嘉豪都有諗過娶呀欣欣架~跟住佢問我有冇諗過娶''佢''...我話有-0- 不過佢即刻就同''佢''講''陳俊安話大個娶你喎''....佢聽到即刻有少少唔開心咁講左一句''又係咁- -''....唉,死仔豪...呢d秘密既野都隨便同人講~~真係勁想即刻同呀欣欣講林嘉豪想娶佢囉
頭先同奶媽一齊放學...好似完全忽略左奶媽..sorry~ 因為我成日都係度諗果d野...我係度諗..就算我幾努力,佢始終都係咁對我,咁倒不如特登講d野激嬲佢,等佢憎我..咁好唔好呢~ 的確係咁唔錯既idea...不過,我過到自己果關咩? 我想像唔到同佢連講句野都唔得果陣..我會點
國慶呀..咁啱係星期1..意味住我有3日見唔到佢啦....究竟係好定係唔好呢~ 聽佢講呢幾日會好忙...唔知會唔會係要去見果個小學同學呢? 頭先同佢講左一句hi就扮離線..講左幾句就冇應我,..係唔係唔肯應我呀-0-~
3日假點用好呢...我諗一定會掛住佢掛到''痛不欲生''~~頭先合仔話''好多男仔都花心架啦..有冇新目標先''...我係度諗,如果我可以花心d..都幾好架~~!
|
| 2007 年 9 月 27 日 星期四 |
| 今日都ok啦~ |
分類: 未分類 |
琴日我話過講果句話...今日冇機會講~不過就算講佢都係未講完就逃走既...算啦...唔講lu
依家返學都係比較枯燥呀~不過有一個佢同我都開心既事...就係因為我要等埋合仔一齊返學..所以我諗我地都唔會係返學度撞到啦~因為自己一個人返學真係好悶..我又唔想行得好快...
今日d堂我ok鐘意啦..唔洗帶好多書呀嘛~英文堂照常出cat...不出我所料,個miss企定定郁都唔郁..根本就係比機會我地出貓~不過我都咋咋帝帝錯左3個~哈
今日堂生物似乎唔係咁搞笑喎...啊sir要加油啦- -最尾堂呃錢ok好玩啦...起碼我都諗左好多好多~~不過全部比人講曬- -
平平無奇既一日就咁過完...好似冇同佢講過野添~都好既...佢依家咁憎我...
開左個新blog...諗住有個新開始...不過,突然發覺呢個blog有好多回憶..好多好多...我唔捨得。知道我呢個blog既..好似就係可嘉,奶媽,俊俊同埋kaikai(越少越好)..好啦我決定左..灰既日子..就係度打...開心既日子,就係新果個度打...咁好唔好呢~不過你地都係睇左呢個blog先啦..因為我既生活,都一定係灰多既~
要灰既就係唔知點解佢憎我- -變心既唔係佢咩...我一路都好鐘意佢..冇對佢唔住架- -所以我覺得係我同佢呢場短跑裏面..我已經贏左啦...你地話係咪? 知道左佢變左心..其實我真係好傷心架~佢講過唔變架! 不過開心又咁過..唔開心又咁過~以後梗係盡量要開心d啦...我都話,唔可以比一個變心既女仔咁容易就影響我架!!
係打緊呢個blog既時候...我張''老爺''凳終於都爛左啦...嗚嗚嗚~不過舊既唔去,新既唔會黎~
係時候,要買過張凳啦.......... |
« | 22 | 23 | 24 | 25 | 26 | 27 | 28 | 29 | 30 | 31 | ... | 50 | »
|
