今日色彩:灰~其實日日都係咁灰..日日都係咁唔開心架啦~學吳嘉俊話齋,都係因為一個人姐- -

性情大變呀~今日d態度差到不得了囉..首先講下物理堂啦~我求其咁排隊...鬼知會同佢一齊坐既咩!真係咁啱先會坐係果度囉!仲要個miss拍曬台咁要我坐佢隔離...你估我控制得到咩...完全係咁啱咋!初初坐係果度..的確係幾開心既~不過睇下佢既態度先啦...我又好似變左佢殺父仇人啦~咩事呀?成日都係咁..一時一樣~對住某個人又唔見佢咁冷漠~

話我問埋曬d野唔關我事~係,,的確係唔關我事...不過我都唔想咁著緊你呀..我都想好似你咁無情即刻忘記你....不過我得咩- -

我始終咪又係超著緊咁問~驚你唔知幾時會鐘意其他d人~依家係唔關我事...不過...唉..依家,我真係好掛住你囉!

中午去圖書館~因為佢近排幾乎一小息就會去圖書館..原因呢?唉...唔知唔知原因呀!!!去圖書館只係一個藉口~我係為左見佢先去...佢就唔知為左咩啦~跟住佢唔知要背d咩稿..睇佢個樣應該好重要~我咪過去關心下囉..不過又比佢話一餐~我想過去講一聲''加油''就走架啦..咁都唔得??我知我既鼓勵相當於垃圾..不過就算係咁..你回應我一個微笑~我都已經好開心啦!洗唔洗即刻走開喎!我諗當時如果我係其他人..佢一定笑得好燦爛~~~~我係佢心目中..真係咁唔重要牙?

放學果陣..同佢講byebye姐..佢就話''睬你都傻呀''..前幾日都仲肯講byebye格..你話佢係唔係變得超快呀- -雖然佢係笑住咁講果句話...好似係講笑咁..不過有少少''少女藏刀''既感覺囉~原來同佢做朋友都仲係好辛苦架...

我想約佢放學..約佢星期6日...佢全部都話唔得閑~嗯..我信佢既~或者佢真係唔得閑呢...下個星期先約啦~

或者真係我約就唔得呢- -唔好話係''某個人''出馬約佢..就連吳嘉俊約佢中秋出黎..佢都制啦~我諗如果係我約..一定變左''唔得閑''姐~我唔要咁既''優待''呀!!!又話朋友..一視同仁得唔得!!!!

中秋又話可以見到一個好想見既人...男仔?我同吳嘉俊俊仔都係咁諗~不過究竟係邊個男仔呢- -中秋..如果可以同佢2個人一齊過...咁呢個中秋就真係咁大個仔最開心既一個中秋啦...

同嘉,俊行左超耐~行番我屋企既時候..我地見到張靖文喎~佢係度等周美怡...唔知佢地搞咩呢~不過橫掂周美怡唔想見到我..我就梗係即刻走啦!果陣我諗..如果我係其他人就好啦!!   本身我地想周圍蕩架~但係唔知可以蕩去邊~  無論去邊..只要有佢係隔離...就算唔講野..都會好開心架~   而只要佢唔係隔離..我就會望住睇下~發呆..掛住佢,連佢地講野我都聽唔到- -  我究竟做緊咩呢~

唔知佢依家係邊呢~點解佢可以咁開心過每一日~可以見到想見既人..可以同想見既人傾計...可以好爽快咁鬧關心佢既人~....但係呢d我全部都唔得喎~頭先同佢傾左陣..佢又好激動啦..點解佢學唔到好似我咁靜靜地傾計呢...激動得多對身體都唔好啦~好希望佢可以靜靜地同人傾計..好似對待其他人咁對待我!!不過佢開心既話~ok鬧死我啦~

行程一定要堆滿~一有空余時間~就變左諗佢既時間..咁點得呢~..無論任何時候始終牽掛住佢~唉..男仔呀男仔~個個都係咁既- -

琴晚真係唔知好玩定好笑呀..我第一次發夢嚇醒左~梗係發惡夢啦...

我夢見佢錫左''某男仔''一下~跟住''哇''咁就醒左啦~其實一d都唔恐怖- -不過都係5點鐘醒左~

近排日日朝早都撞到合仔..唔洗咁悶自己一個啦!~

PE堂測脈搏我104下..2次都一樣..太勁啦- -第一次PE都會想訓教~琴晚真係好唔夠訓呀><

跟住黎文碧堂~去無啦啦講佢仔d往事- -我即刻訓著..唔知有冇發開口夢~跟住醒返~我始終都係好學生呀嘛

英文堂''太不象話''了...全堂傾計..完全當菠蘿miss冇到..係度傾鬼古..筆仙碟仙咁..唔知中秋果晚夠唔夠膽玩呢∼

中午啦..d飯都係咁啦..難食到死..有d掛住以前嘉,俊,may,我4個人一齊食果陣d情景~

係啦..今日我坐左係佢隔離一陣呀..佢冇趕走我喎..好好人呢~坐係佢隔離,有少少好似翻番以前咁...好懷念既感覺...奶媽話我果個位好好玩..唔怕悶...不過我覺得全班冇一個位夠奶媽個位好囉~我坐果度不知幾開心呀~真係開心好多架

好景不長~中午成段時間唔見左佢...唔通#¥%……&×...冇野冇野~臨落去電腦堂既時候..我見到佢微笑喎..不過一見到我就即刻苦口苦面..好灰添><...仲有我中午見到佢自言自語...練習緊表白咩- -~不過好得意呀佢個樣

電腦堂咪又係訓教~今日真係好攰下架~放學見到小肥陳~好耐冇同佢一齊放學lu~不過都好耐冇同''佢''一齊放學啦..唉..佢都係鐘意同人地一齊放學多d啦

返到屋企打下機啦~睇到佢上msn..咪搵下佢囉..點知好似有少少激嬲佢~我諗如果係其他人搵佢..態度一定唔會係咁~仲會即刻應人添---唔知點解..係學校既佢同返到屋企既佢似乎有少少唔同...係學校至少有講有笑呀(好理想既世界呀)..但係返到屋企即刻脾氣好似好暴躁..雙面人格咩~唉..無論點呢..依家有講有笑..我覺得好好啦~可以一直keep住就好啦~

試左2日~完全忘記似乎係冇可能既事..慢慢黎下..陳俊安小朋友~

琴晚,...成晚都訓唔著呀..成晚都諗住佢..點解要咁傻呢~

今朝返學撞到佢...佢都好似仲係好冷漠咁~唉..算啦...慢慢黎

其實我今日..我覺得已經算好好架啦~我唔知佢覺得點..又或者佢根本未滿意..又或者佢仲係勁憎我

終於可以同佢講返笑~咁咪好囉...其實做朋友,我都應該心足啦...(不過人地都唔要你啦..唔做朋友仲可以做咩呢)..~只要佢覺得開心..唉..我冇所謂架啦...

今日問佢係咪日日都同某人一齊放學~...佢話''係又點唔係又點''...咁姐係係啦~點解佢始終都係咁呢~真係咁想見到佢?如果係一般人..都應該唔會咁做掛..佢地日日見~佢一定好開心啦..

如果比佢見到我打呢d野..佢又會鬧我..所以我都係輕描淡寫姐..冇講任何野呀!..

我唔知依家仲想點呀-0-..我諗依家已經ok啦掛..雖然佢依然係經常性唔理我~不過今日肯講byebye...依家算唔錯啦

放學前係個班度等可嘉...睇到2幅畫..我問佢''邊個畫架''...佢諗都唔諗就話''唔知''..後尾我知有幅係梁曉霞畫既...佢有可能唔知咩

連咁既問題都唔肯答我..有冇搞錯呀~人地同你講野就開心都唔肯走..我就..唉唉~

放學之後同嘉,俊2個~去M記吹水...吹下吹~返到屋企就一齊online game..自從同佢一齊到依家...我都覺得online game唔再重要..我都冇玩好耐啦~電腦既用途只係一心一意同佢傾計...不過依家..唯有用返online黎麻醉下自己..唔好再諗咁多關於佢既野啦!!

後尾見到佢on..叫佢..冇人應~臨走既時候佢改左咁msn名:零距離接觸....唉,唔知佢同邊個零距離接觸啦~不過令到佢咁開心..仲有邊個喎~佢依家好可能有鐘意既人..係佢..定係佢?真係唔知呀..想知,不過..好似已經冇去知既意義..

人生有時真係幾灰架...為左一個女仔,連我都搞到多愁善感啦...~我不嬲都以為我係超樂觀既人呀...原來,唔係囉~

我估下佢依家鐘意邊個先~不過對我黎講係一個唔錯既打擊..都係做好心理準備好d..

我唔可以就咁''死''架!

今日既日記..我諗會好長,用紅色呀.我最鐘意既顏色..血流成河既顏色~..今日放學之後既時間..就好似過左一年咁漫長..咁辛苦

放學之前..詩詩叫我放學留底..我諗我知道係咩事啦...所以放學鐘就好似喪鐘一樣...如常響起

我地去左一個房..希開始同我講...其實返學咁耐以黎~我同希都覺得我已經做得好好啦...知唔知日日對住自己鐘意既人當朋友係咩心情...知唔知比一個鐘意既人放棄再討厭係咩滋味喎...希佢地雖然有好多野都旁觀者清...不過呢d心情..佢地未試過..又點會明呀...

我好孤單..明明仲有好多朋友...但係一冇左佢..我居然發覺冇左佢我等於咩都冇...原來100個朋友都比唔上1個佢..

頭先..我居然係佢地面前喊左..冇錯,咁大個仔,同學面前..就算點想喊..我都死忍..絕對唔會比佢跌出黎...不過今次,點解我要放鬆個閘..點解佢會流到出黎呀?詩詩話男兒有淚不輕彈呀!~點解係都要露出自己軟弱既一面..比佢睇喎..~好憎自己呀!好冇用呀...好傷心..不過咁又點?係人地面前..始終都要笑住咁講野..就算強顏都要歡笑架啦!

人人都知道我仲好鐘意佢..我都呃唔到自己..上次果個女仔打電話比我..上次旅游...我都以為自己可以忘記佢...不過原來都係自欺欺人架...我始終忘記唔到佢...記憶力咁好做咩呢..我寧愿依家我係老人癡呆..只係記得過往一齊開心既回憶,完全忘記頭先發生既事..咁幾好~最後我同佢講..我始終好鐘意佢...佢話我講廢話...係呀..係佢心入面..呢d只不過係好似係垃圾桶度攞上黎既垃圾...廢話。不過係我心入面..就好似  魚..唔可以冇左水咁重要...我都唔知點解..第一次體驗到所謂''愛情''果種力量~無論點...就係鐘意佢..好似一個承諾咁~希話我遲d話唔定會鐘意其他人...有可能嗎?就好似可嘉鐘意細豆2年幾..佢都想忘記細豆...不過,有可能嗎?男仔既愛..其實一d都唔膚淺..一旦認定左鐘意既人..佢地唔會咁易變架~我..就算周美怡唔鐘意我...我就當我係一個雕像..默默守護佢就ok啦...見到佢開心..我就算點辛苦,都要忍呀!

其實我都知我地2個入面..點都要有一個人承受呢種痛苦...如果要佢承受..我唔忍心,,,既然係咁..''偉大''又好..''攞黎衰''又好..辛苦果個人..我黎做...希望佢可以做一個開開心心既人..只要仲可以望住佢,就足夠啦..其實同班,對我黎講,都係一種福氣呀!

其實我都唔知自己講緊乜架..究竟我要用幾多時間先可以忘記佢..我答唔到..至少1年我諗走唔甩架啦...天堂地獄,只差一線...如果同我分開..對佢黎講係天堂既話...咁我愿意永遠係地獄..條件係只要佢可以永遠留係天堂..琴晚佢話我比左佢個電話人..話我係唔係黐線架...我覺得有少少小事化大既感覺呀...佢話佢呀媽會鬧佢...唉,鬼叫我著緊人..一睇到呢句..即刻沖出去打電話比果個人..叫佢打電話比''佢''講對唔住..話以後都唔打...打完電話之後先鬆一口氣..我係度諗..我係咪好傻呀..真係要咁著緊咩><係呢度插段個人既話啦:我好鐘意周美怡..不過覺得佢屋企人就有少少唔妥囉!!一個女同學打電話問功課就會鬧個女..我覺得咁樣唔多妥囉..一樣係女仔..而且出發點係問功課...咁,仲有可以鬧既地方?仲有..聽人講..果陣我鬧佢..佢媽就叫佢以後唔好理我...講唔講道理架...分清邊個鬧人先好唔好?唔通我會無啦啦鬧你個女咩..我都唔捨得鬧啦!..仲有佢個妹..果陣d粗口我諗係佢打既掛...跟住佢嬲到諗住打電話當面鬧我...哇..有問題既..你粗口鬧人先架喎..依家我比人鬧完還拖..你都可以話係我錯?諗清楚邊個鬧人先都好掛...聊天記錄我都未Del..其實有曬證據,我唔講出黎咋- -依家發泄下囉...點解佢屋企人係咁架...全部都未搞清楚就諗住鬧我..比人用粗口鬧果個係我呀..我媽見到都完全冇出聲...點解佢地會咁架..我覺得..好野蠻囉。...呢d野..我除左打係blog度..仲可以點講呢..唔想當面講..唔想佢唔開心.唉

我其實一d都唔偉大..或者係對我以前做過既野..作一d補償~嗯嗯..以前所有既野..都可以話係我錯..我真係愿意全部承認...佢係我心目中..始終都係完美既...以前我做好多錯事...依家當係一種乘大10倍既懲罰..我,都算罪有應得掛..我好想佢咬我一下...狠狠地咬...我既皮膚..有傷口就一定有疤痕..咬我,至少可以留個紀念比我啦....好想再一次感受佢既氣息...不過我都冇機會再享受啦...今日,,就好似811一樣..再一次由高處跌落..再一次粉身碎骨..連個心都碎埋..∼

星期6日果2日..我曾經以為..佢對我仲有好感...不過諗下諗下..只不過係我一廂情愿..我對''佢對我仲有好感''呢個夢想...已經絕望啦...絕望..姐係絕無希望..就連淡淡既一絲希望..今日都比人奪走~依家既我..睇到前面根本冇路..行返屋企既時候..又再一次''落雨''.我係空殼,行尸走肉..冇思想冇靈魂..游游蕩蕩~任我係世界上灰飛煙滅,都冇人會知,冇人會理架啦~

對唔住呀..雖然行尸走肉既一句對唔住..冇實質既野...不過...至少仲有心..一路行...又再發現過d曾經好快樂既回憶..佢地都係度笑我呀...不停咁嘲笑..鬧我...好怕見到佢地...我依家唯一既作用,係要將最愛既人當做好朋友...我驚我一見到佢地,就會破戒..任務會失敗~唔可以架!!!

要忘記一個鐘意既人真係好難呀~不過如果好似摘樹葉咁易...自然就唔會深刻啦~~第一次咁鐘意一個女仔...第一次感覺到咩先係刻骨~無論以後會唔會鐘意其他人..佢始終係我心入面占有超重要既地位...兜兜轉轉,最鐘意既..都係佢~

哈哈..今日講左d咩呢...咁多野講,實會比人鬧係廢話啦..佳佳係呢個結局係best...我?我唔覺得呢個係best...不過只要''佢''覺得咁樣開心..我都會開心既..大家係朋友..冇錯,只係朋友~以前既唔開心..如果可以既話..當失憶..全部都唔記得啦~你都唔鐘意我啦..我帶比你既傷害,都唔算係傷害啦...當係一個老友既無心之失..口快講錯..咁咪幾好...我依家就只不過係暗戀你既一個朋友..一直鐘意你..就算永遠鐘意又好..一年之後唔鐘意又好...都只不過係暗戀姐~暗戀係好辛苦呀..不過,冇辦法格

就算你將自己既開心建筑係我痛苦之上..我諗我都會欣然接受~..到最後...或者我地,,,,真係有緣無份掛.

點解又要咁對我呀...唔通真係好好玩咩!!!!

啱啱先覺得關系好返少少..依家又要搞到咁疆...有冇搞錯呀!!!!!!!

我以為唔洗再日日愁眉苦面啦..點知都係要搞成咁...

一個電話姐..唔係男仔...問功課姐..又唔係做乜野..洗唔洗搞到咁大呀...我唔想咁呀..

我講左對唔住咪得囉..我真心認錯架嘛..我唔係隨便亂講架喎!!我話左冇下次..對唔住..咁就得啦..

點解係都要搞到咁大..係都要小事化大喎...知唔知真係好辛苦呀!!!

佢話凈係問功課..熟下d同學..有罪咩?佢問到..咪比囉...有乜咁大件事呀...點解係都要小事化大呀...

如果你唔鐘意..我聽日咪同佢講叫佢打比我..唔好打比你...咁得啦掛....

我真係唔想搞成咁呀..啱啱先好番d..

我講過好多次..我唔係流浪狗呀!!我唔係要既時候就好d..犯少少錯就要踢開果種呀!!!!

究竟要我辛苦幾耐呀..如果可以..比個時限我...我唔要遙遙無期都係咁呀...

我都想真心真意一齊游水呀...