我以為今日係好好既一日呀...點知原來有樣野叫衰收尾囉..

朝早又撞到佢..不過佢今日居然行隔離果條路呀..唔知係唔係唔想見到我呢- -灰灰地咁就番左學啦~

好平平無奇既堂呀~好似係唔知咩堂..要落樓梯...我係度叫周美怡...周美怡係度齋笑- -唔應我~不過佢笑都好過冇啦~(好鐘意睇到人地笑呀!)~中午..好似好好玩咁...4條友係度揀餐..前面個死女包超嘈囉..又抄我揀餐..跟住終於趕走左佢..同低B清講野~幫佢揀餐...仲玩埋曬d無聊魔術呢- -一眼比我識穿啦~本身諗住叫埋''佢''一齊玩既..不過..(驚佢唔鐘意囉)...

終於到last既一堂''呃錢''...我個位好好彩咁可以望到佢..我見到佢成堂都超開心...成日笑下笑下咁~不過,要注意..我唔可以好似色狼咁成日望住人架!!跟住就放學啦~好慘呀..我諗住同佢講byebye..佢依家仲係唔肯應我呀....

佢係3C面前徘徊呢..肯定等人等到入曬神啦.....等邊個呢~唔洗問我都知架啦- -..跟住我地為左等程可嘉行上行落..果然,係樓梯果度..撞到佢拖住鄒鄒~千奇唔好以為佢等既係鄒鄒..其實佢另有目的..哈哈~

最後搵唔到程可嘉啦...我就同吳嘉俊講周美怡一定係圖書館..然後吳嘉俊問左我幾個問題..我都冇答~吳嘉俊就話:我比你去一次圖書館你都唔會答我架啦- -.....入到圖書館,真係見到周美怡同鄒鄒係度細聲講大聲笑~唔通講緊某個人?唔理咁多啦..幫吳嘉俊擺左幾本書...然後見到佢地入左去入面再傾...走既時候..我見到黃宇滔...冇錯啦...等到啦..佢終於等到啦~我直接走啦~我幻想緊周美怡好開心咁笑既樣- -......佢既陰謀又一次成功左..唉..我勁灰啦~..周美怡日日放學都係咁架啦..你估佢真係為左去圖書館咩..

跟住陪吳嘉俊買LFO..跟住買左杯野就返屋企lu~冇野諗..唔好諗咁多~呢樣野都唔係第一日架啦..

今日係樓梯見到周美怡既時候~我同佢講byebye點知隻手收唔切..掂到佢塊面...跟住佢就話''有冇搞錯''咁樣..希望佢冇嬲我啦...

今晚應該收唔到某人既電話掛...我媽琴晚有少少嬲咁話左我一餐~...

希望聽日唔會灰啦~雖然有好多野我都未知道..知道左之後,我會唔會勁灰呢...有時都係扮無知算啦..可以見到面..已經好開心啦~

咁多灰色野..講下開心野啦~..今日雖然錯手..不過好似博左佢少少懵~ok開心啦^^

今日原來係好開心既一日呀~估唔到喎- -

首先早上啦..我同佢傾計傾左半個鐘呀...開心~原來今日我地2個都諗住去游水,而且原本既目的地仲要係一樣添!!...我地差d就可以見到面一齊游..可惜佢班fd無啦啦全部唔去..搞到佢要轉去上水游~就係咁..冇得一齊游啦><  唉..諗住今日都見佢唔到架啦..但係係我出發去火車站既時候..經過菜肉樓既時候..咁啱佢落樓..我見到佢,佢唔知見唔見到我~跟住就去火車站等啦- -2條死仔遲左3個字..等到我死咁滯...行黎行去..又撞到佢...不過我都係dup低個頭,行開算啦~今日見左佢2次..都已經好好啦

游水啦!!!我帶左我細佬張學生證呀!!!要比成人價20蚊- -好貴...入到去~初時覺得好深~其實好淺- -不過我都要彈下彈下咁行~終於要學游水啦...係佢2條友仔夾攻之下..我逼不得已又潛水又游水..好多年冇潛水啦(上次去番禺齋玩水..冇游過)..好快就冇氣...跟住比佢地捉左去深水既地方..好深呀..掂唔到低..好驚恐><好彩扶住..不過佢地又要我放手,潛水...好啦..表演左陣放手潛水..跟住去sir滑梯(d滑梯都幾無聊下~一d離心力都冇..反而最後落水果陣差d浸死我)..跟住又學左陣游水..哈哈..終於學識少少啦..下次游都唔洗咁魚啦...不過玩下玩下突然腳抽筋~佢地幫我''腳底按摩''..再玩左陣就走啦~不過右耳入左水..依家都仲係咁..好唔舒服呀

返到上水時候落左少少雨..我地3個就周圍行下街先啦~無聊得滯唯有食冷面...食完之後..我感受到咩叫''無所事事''囉

行下行下見到成日打電話比我果條女仔~仲好開心咁hi我添- -不過我冇理佢..笑下就算lu~

跟住去seven飲野..比人鬧''自由斟唔好斟思樂冰,唔該''..跟住吹水...搞左好耐...終於食飯啦~但係程可嘉話唔鐘意搭台..又走左去天平果間~食完野..傾左陣...最緊張既話題最尾先傾- -..算啦..唔講咁多..返屋企先~

自己一個一路行一路諗左好多野..今日真係好開心既一日..仲約左人下次一齊游..雖然唔知會唔會放飛機,,不過點都好...好耐未試過咁開心啦..我諗,如果以後個個星期都可以好開心咁過就好啦- -

聽日返學~我發覺仲有中文功課未do..拿拿林do先...

琴晚我終於忍唔到啦..我發覺忍住唔同佢講野真係好辛苦架..就算keep住同其他人傾計..就算點努力去打機...對眼成日都不由自主咁望住佢個msn...我控制唔到...我失敗左..同佢傾左陣...

終於..佢冇再鬧我...不過原來..佢有佢果個小學同學既電話同msn..仲日日都傾計呀><"哇呀呀..我個頭好痛..我唔知做咩好..雖然佢地冇見過面..但係晚晚都係度傾計..我唔夠膽想像落去...傾緊期間..我問''你真係好鐘意佢呀?''..好似有少少激嬲佢咁...我都唔想呀..只不過果一刻..我心情好復雜..好亂,不停做d小動作..個頭好似就黎爆咁...

唔想再左住佢..順便都比我休息下啦...我同佢講左byebye...琴晚..好短時間好似玩左場大長跑咁..

下午去游水..本身唔想去..不過,學人地話齋..一個人留係屋企..咪又係亂諗野~去去去..邊度都去..唔諗佢,我就唔會孤獨..!

今日係超唔掂既一日呀...早上起身果陣已經覺得對眼超痛..超眼訓...跟住一日都係咁...

唉..我諗原因都係因為琴晚...某新識既同學呢..無啦啦12點打電話比我話好悶..要傾計><''  short架?就係咁..我訓得超好..突然比佢嘈一嘈..騷擾曬...我份人唔嘈得架嘛..一突然強逼醒左..第2朝唔洗做人啦- -

今日朝早都好悶喎..同程可嘉吹水啦...純潔既吹水吹下吹下變左....-0-..唔講咁多..

跟住就好無聊好無聊咁打機...本身CC話去佢屋企玩..不過最後都話唔約- -好啦..下午點過呢

好唔容易支撐到2點..我終於頂唔順啦...對眼真係好痛呀..跟住就休息下咁啦...(姐係訓晏教)...主動訓晏教呢d野..我咁大個仔未試過超過5次- -今次居然頂唔順要訓..唉....

咩話!!!仲有10日就係中秋節啦喎!!.中秋節咁又點~..

琴晚呢..我做左件好偉大既事呀!..我睇住''佢''on..我都完全冇搵過佢...唉..差d控制唔到自己架啦~我覺得我近排多左同人地吹水...就算邊個都吹餐飽。原來..真係有d效果架..晚晚都不停keep住搵人傾計...就算見到佢on..我都可以比理由自己,唔好搵佢..如果唔係咁..我驚我真係會好傻咁同佢講野..然後又比佢鬧.....好啦..就係咁..眼白白睇住佢off左啦...琴日..一句說話都冇同佢講過lu...

睇到佢off左..就好似我同佢之間既橋斷左..佢將我留係橋既另一邊..好孤獨既感覺添!唔知點形容..我又開始諗起佢..諗起佢,先覺得自己孤獨~...唉...一時又話頂佢唔順..過一陣又即刻掛住人...我都幾容易''變心''架喎- -

今日放學個天灰到不得了~點解次次都係咁架....次次我灰天又跟住灰...唔通連個天,都鐘意我呀?- -

講番琴晚先...琴晚我忍住唔諗任何野...齋打機...打打打.要打到咩都唔記得~...點知9點幾既時候...電話響起了><''我細佬聽電話,電話入面好大聲咁話''唔該搵安安啦''...唔知點好..即刻搶電話...佢話我細佬把聲同我好似- -....係啦..呢個''佢''就係坐係我前面果條友仔囉..一日一電話- -...今次都係問下功課姐..問下問下~佢居然突然同我講其他野..跟住我就傾落去...傾下傾下居然傾左成個鐘T_T佢真係勁多野講..我齋聽- -...攞住個電話搞到手都痹埋...多得佢唔少- -狂講佢d愛情故事..又話佢條仔點對佢點對佢,又話依家果個男朋友冇曬feel..又討論下邊個靚仔d- -仲有一點我覺得超搞野..佢呀媽居然話要同我傾計...- -服曬....跟住11點左右終於話要沖涼,收線...未試過同一個女仔煲咁耐電話粥囉.....就係咁,我終於可以入去房同人msn傾下計啦~

琴日人緣大爆發!?本身林強問我功課..點知傾下傾下...變左煲msn粥...狂討論追女仔果d野...不過講下講下..有時,真係幾灰...學佢話齋..我地都係感情路上的可憐蟲呀~msn粥煲左一個鐘...成12點啦...訓教...就係咁,就到左今日

番學既時候見到周美怡...嗯嗯..要忍住,唔可以再陪佢返學!!望多兩眼好走啦~

早上d堂都ok咁啦~..不過DT堂果個習作真係超麻煩囉

跟住周會..一開始個話劇都幾好呀..幾搞笑..個主角好''王祖藍''feel...搞到我d視線比佢吸引..冇成個傻仔咁望周美怡~

不過周會下半part真係悶到我暈囉..差d訓著+發開口夢~唉..今日成個人都好攰呀...冇曬精神..望住佢..突然好想衝過去攬住佢....不過諗下好啦~人地會搵降龍十八掌+乾坤大挪移推開你...再kum你一巴架- -跟住好啦放學啦..見到個灰色既天..有種好想喊既感覺..返到屋企..飲左包牛奶(要保持身體健康呀嘛)...

今晚做咩好呢~應該話,星期6日做咩好啦...好唔習慣呢d冇人陪既日子~

唉..好唔開心呀..訴苦時間...盡量減少灰色~：

6點幾..同某fd傾關於佢既野...越講我就越覺得...佢究竟想點呀?未折磨夠我?我已經當佢朋友...呢幾日一共講過幾多句野?喂..咁都仲唔滿意呀...好蠻不講理囉...分開就分開啦..點解連分開左都仲要令我咁辛苦呀!!我努力當佢好朋友..努力完全唔同佢講野...呢d唔係佢希望既咩?依家反而話我怪?有冇搞錯呀~究竟我做錯咩得罪佢喎...唔要我..ok..我復原...話我煩..ok..一句話都唔講...唔想一齊返學..ok..撞到佢我都係望幾眼姐...每一項要求都好痛..不過我都忍住痛盡力去做..我唔係奴隸呀..咁樣做仲唔足夠..仲要雞蛋挑骨頭..知唔知好辛苦呀...諗下人地感受洗唔洗死呀?放過我啦..琴日我又新增一個約定:我唔會成日搵你msn...計埋以前果d...我覺得我做足啦...我尊重你..你都要尊重我呀....雖然被拋棄..但我唔係流浪狗囉...

我既理想世界:全部人都同我好fd..同周美怡唔鬧交..亦都唔會面左左..見到面既時候..會打招呼..唔會拒絕同佢講野...大家都會笑..唔會灰...

唔通呢個理想世界真係咁難咩...讓步..我讓左好多步啦..邊個讓比我呀