我琴日居然冇打~唯有今日2合1啦~~~~~
琴日係一個好傳統既節日..中秋節~不過其實冇咩feel...今年中秋我一個月餅都冇食呀~
琴日中秋返學..都ok既...最衰既係佢始終都係成日搵形容詞黎話我..好似琴日物理咁,難得坐係佢隔離喎...借把間尺用下姐...佢話我自私/.\ 其實我都好想知借間尺同自私有咩關系- - 不過是但啦..我點都嬲唔落佢既~
跟住無無聊聊就落禮堂..哈.....佢做司儀!?我梗係要支持下係咪先....其實我覺得依家d周會越黎越低能...次次都想訓~~不過今日佢做司儀..我都係,聽埋佢講完先訓-0-...其實我覺得佢講得好好架...把聲又好喎...不過同佢講佢唔信之嘛~
就係咁返到屋企..傾下BBQ d野..講真呢,真係超超超唔想去~可嘉去都係為左吳康怡姐~~~但係我去都唔知為乜..幫可嘉打氣,進攻~!- -後尾可嘉話唔去..感覺甩難^^ 放學之後佢都有上過msn..不過d態度就\./.. 好彩我語氣好..慢慢同佢講...果陣可嘉仲未話唔去BBQ..所以我咪想叫埋佢去..雖然BBQ勁無聊..不過有佢就唔同啦。不過佢同果班女仔唔係咁fd..我都估到佢唔去架啦- -我寧愿推曬其他所有人都想同佢一齊過中秋呀...不過佢好似..好似好''嫌棄''咁...佢叫我比電話佢既時候..真係好開心呀- -不過到最後都係冇得一齊玩..
夜晚冇去BBQ改去北區公園煲蠟...不過入面d路..錯綜復雜~死啦-0-不過原來可嘉約埋佢一齊...我就好開心諗住可以一齊玩喎- -點知唔知邊個話聽到佢隔離有個男人聲..男仔?會唔會變人狼架- -跟住原來行下行下就差唔多分開行...跟住買月餅罐啦...佢話想比返錢我...唉唔知呀,我唔想計得咁清楚囉..佢咁樣一句~氣氛疆左少少....好想可以同佢一齊玩呀..但係有一次電話入面佢話冇人理佢地...凈係得我理就唔洗理..咁樣~完全冇諗過我會點,不過我都冇點..係有少少灰姐 琴日除左吳嘉俊冇手提...其他人既手提都比我借過2-3次- -我打左好多電話...有少少對d老友唔住..不過佢地都唔會介意既..~不過打得多電話..佢又話我煩- -真係唔知點好~唔通唔打...唔可以一齊玩..聽下佢把聲都好掛-0- 最後佢走..又話要比返個罐我...好嬲呀..所以咪過去攞返佢地d月餅and罐...掉左個罐..攞走月餅..~最後同佢講byebye都唔理我..我諗佢依家一定好討厭我~唔知呀..不過我始終都係打個電話問佢有冇事...冇事就好~今個中秋節..都唔可以話衰曬既...至少可以見到佢啦~不過佢隔離果個男仔(男人?)....佢好衰咁話個男仔靚仔過我...跟住我上下睇過個男仔...雖然我覺得我唔算靚仔..不過至少都好過佢好多掛- -(不過只要唔係佢BF就得啦..理得佢靚唔靚仔- -)
唔講啦~呢個中秋都幾開心咁啦~睇住佢走左之後..我地就周圍''蒲''...去下711去下某公園咁...最後又返北區公園..又去天平~行到腳都斷啦...d蠟燭真係可憐..仲有1半未用過..都話唔洗買咁多架啦~~跟住係度玩真心話游戲..問我鐘意佢d乜- -點答呢~好似樣樣都鐘意-0-後尾林嘉豪走左...4條友一齊傾左好多無聊野...到最後去左M記..一個餐4個人..d薯條瞬間消失..佢地就打機...我就發呆..諗緊d野~最後就去彩園果度睇下有咩走鬼檔..不過d走鬼檔全部都係賣粥粉面飯既~不過果陣都已經2點半啦..有d眼訓..我同合仔就走lu..去到彩玉樓好低能咁望住人地間屋..冇開燈..咁又係,梗係訓左啦..之後返到屋企..我有d做賊既天分喎..返屋企開門沖涼全部冇嘈醒到屋企人...跟住好舒服咁訓~完全冇發夢~
今日我諗都係見唔到佢lu...佢又話要做功課..就算唔洗做,都唔會比我約到啦-0-雖然佢d態度係好差...不過希望佢可以唔好嬲琴晚既野啦~琴晚個月亮真係ok圓喎~must趁機許個愿..好啦...琴日中秋過左啦~...
----------------------------------------------------------------------------------------------------------------------
我一路以為自己係個樂觀既人..點知..原來唔係..真係唔係呀
梁曉霞..大家一齊插班..大家都係佛山..其實都好有緣啦... 周美怡..一齊坐過2個月..有好多快樂既回憶...好開心好開心...好多人都話始終都係2A最開心..原來係真架...始終忘記唔到lunch可嘉..嘉俊..may同埋我4個人一齊食飯...忘記唔到吳嘉俊搶佢支筆放入衫袋果個經典動作...忘記唔到一齊去東門既開心....我全部都忘記唔到
其實究竟係佢地心目中...我係點?我知佢地曾經好憎我..比佢憎我...比最鐘意既人憎我~林強鐘意朱..佢地仲係好朋友...可嘉鐘意豆,佢地都係fd~曉霞鐘意唔知邊個男仔..佢地都算係普通朋友....而我同佢,,實在冇辦法比較..佢地唔會明白比鐘意既人憎會係咩感覺,切膚之痛?
我想同佢好似林強同朱咁...明知一方好鐘意另一方..但係就始終係好朋友..
依家我地好似一條迷離既線..我鐘意佢~但佢就鐘意第3個''佢''~''佢''又可能鐘意一個人..其實大家都知道冇可能可以連上..但始終係度等,等冇可能既終點站到來...但係就明知前面無盡頭..究竟係咩咁有吸引力呀...將人玩弄于股掌之中...任你幾痛苦..幾掛住..就係唔理你~線..呢條線..我處於最底層...最唔值錢既沙石...向往閃閃發光既黃金,,,不過黃金會理會隨處可見既沙石嗎?向往更好~想得到更好...又有邊個會回頭望望呢
其實以前一齊經歷過唔少野...人地記唔記得都好..自己記得就得啦~不過自己仲有一份衝動..唔想見到佢同其他人一齊...其實咁樣..正常掛~我唔要繼續強逼自己去忘記..根本係無效果既方法,越想忘記,越係忘記唔到..係班度哈哈大笑..其實翻開我本字典...里面根本冇一個笑字~全部都要假扮,偽裝...以為好左..點知一見到佢,傷口又會裂開..裂成一個彎既形狀~唔通,呢d就係笑?苦笑咋~ 苦中作樂..難呀~ 去圖書館係為左見佢~就同佢既目的一樣..都係為左見自己果個''遙不可及''一面.. 佢真係好憎我啊~佢一見到我就會嬲..莫名其妙咁嬲~嬲d咩呢..其實佢自己都可能唔知..啦
人生就係咁架啦..邊個會比你一世彩色咁著數?上帝呀..佛祖呀..都一定會係你匹布上面狠狠涂滿一塌灰色~灰色涂上既時候...人應該點樣面對呀?點解世界上一定係得唔到先覺得好...得到既野就好似泥一樣冇人會珍惜.. 我真係一個唔適合拍拖既人~仲以為無論點..有鐘意既人一定會幸福~ 依家想唔講再見都唔得~夜晚聽到雷聲扎醒..會諗起邊個?
好鐘意你呀~唔敢保證forever...但心永遠都係真既..
|
