今日又係如常咁既一日...老豆放假...然後8點起身,食早餐..玩一陣NDS.....好平常好平常既開始....

本身約左BB黎我屋企一齊玩...後尾諗下諗下..不如出街好過...

然後一齊出去打機啦....玩呀玩...咁就4點...然後吹陣水...搞到天黑先返...

估下''佢''今日去左邊呢..?其實我唔應該理埋曬d咁既野,,因為完全唔關我事.....但係越係唔諗又越要諗....唔知點好lu..

如果比喻成一個沼澤,我諗我依家已經陷入好深....好多人試過,都掹唔番我出黎呢...

好驚有d野真係會發生囉..係夢入面發生過N次...但係現實入面,就算只係1次,我都接受唔到

今日可以講係一波三折囉....但係,始終都係星期5...又要放假,究竟我應該開心,定係悶悶不樂?  好矛盾啊!!!!!!!!!!

原來某人已經向佢表左白...我一知道呢個消息....我好驚...究竟佢既答復會係點....

雖然佢話拒絕左...但唔知點解,好似拒絕左之後,佢地2個仲親密左咁既....唔知唔知...我凈係想多d了解佢d野....佢地唔明我心情...比著你有一個超鐘意既人,有人向佢表白,你會唔緊張咩??

中午係圖書館..撞到聶...然後無啦啦就同佢傾計...問我今日做咩喊...- -凈係話唔開心就算了~..佢仲話''喊之嘛,有咩咁核突姐''...不過我覺得係人地面前喊係超唔好囉...不過今日忍唔住姐...

點解我緊張佢...問多d野...就要比人鬧.............我真係真係好鐘意佢呀.....有人同佢表白..唔通我可以一碌木咁企係度? 內心又幾驚,幾慌,得我自己feel到...

突然間覺得好孤獨...連林強都訓教唔同我傾計了...干脆,索性喊鬼左佢..橫掂中史堂唔重要..

考試攞到果條朱古力...本身想送比佢食架..不過唔知佢要唔要呢...可惜冇機會啦....  若果可以將自己開心同唔開心,都同最最鐘意既佢分享...哈哈..我諗我會開心死的..^^

可笑既係..佢唔信你真係鐘意佢....

哈哈..輸左...又比人戰勝了........好失敗呢....

今日係星期4...時間過得好快呢......上堂好悶呀...死強掛住訓...完全唔同我傾計...隔離位又悶...

好羨慕好羨慕我既西南面...好開心呀.....講真........我都唔知有冇機會好似佢地咁開心...不過99%都係冇架啦..~~

睇到佢地咁開心...我又開始白痴了....

跟住就放學啦.....

今日佢話佢冇扮off...    不過上個星期6定日..先有某人同我講啱啱同佢傾完....但我冇見過佢on....咁,都唔算係扮off?

哈..不過我依家應該抱住''冇所謂''既心態...冷靜冷靜.....唔好再白痴.....當係自己比自己既一個任務....

只要有計傾,有句byebye....都好滿足啦...   雖然見到佢地親密咁講笑...我心入面始終有d唔開心...不過希望好快冇啦....

就快聖誕...到時唔知會點呢....估計都係自己架啦~~~~~- -

世界上真係有好多好多虛偽既人...佢地全部都有一個特點,就係扮好人.....

但扮始終係扮...只要細心分析,你就知道佢係幾不堪入目....性格差無論點都係性格差..就好似一d人花心,就算死果日,佢都無法真正專一...

如果要我凈係鐘意一個...其他人望都唔望既話...我做得到~~但係有d人就做唔到....因為佢地個心入面,有一個,兩個,甚至3個鐘意既人....實在太誇張了....(舉例姐...冇針對某人)

唉..講返今日既事啦...今日上堂依舊地悶...不過我都好少東張西望.....不過睇見某人同佢隔離位有講有笑...勁開心咁....心入面覺得好羨慕...如果我都係佢果類人,都唔錯架.....

越睇,就越覺得不安....唔知呢....可能佢地晚晚都傾計....可能佢地上堂好開心....又可能每逢放假都會約出街拍拖....

如果係其他人..我唔會咁諗,但如果係佢既話,咁樣做,唔出奇....

今日最尾堂,又見到佢望人了....哈哈...或者人地真係情不自禁呢.....

一個唔得,就第2個..絕對唔會真心地等候...心中能容納很多人...呢個,就係所謂既做人處事既法則?

不過我,   絕對唔會認同.....       感情,對得住人,都要對得住自己呀嘛...

牢騷發完...今日冇同佢講過半句話,連放學都避開佢...滿足啦?

今日係陸運之後一日補假...老實講....咁既一日假,,真係要唔要都罷...

好想狂打機...浸入機海中...但係今日,只係我地學校放假...想搵人打機都難....

於是我搵左件更有意義既野做----睇書......一本好好睇既書..我細佬琴晚睇完..聽講個故事好悲傷..講一個變左狐貍既細路...冇人理咁流浪...~~

哇,一睇就知係好孤單好凄慘既故事啦....啱曬我睇.....跟住狂睇狂睇..d文筆又好,勁有共鳴....

跟住就要諗食..呀媽買左鵪鶉蛋..話比我整茶葉鵪鶉蛋喎...不過轉眼間又霸左個煲黎煲湯...- -叫我點整....-0-

好肚餓...細佬出左街,屋企又得返我一個...次次都係咁...

依家唯有期待佢返黎果陣會買雞翼比我食啦...^^

琴晚睇冰河世紀2睇到1點鐘先訓...好攰好攰呀..發夢果陣,居然夢到自己上山汁石頭- -打暑期工(= =)  起身果陣無奈到爆

係時候做功課,聽日又正式返學...加油啦~~對於果樣野,我諗我得掛....奸爸爹