現在時間11點...頭先,我做左件好傻既事...

唔知點解我要出去...點解呢?我以為我遲左少少..不過都係繼續等...終於等到佢..見到佢果一刻,真係好開心~不過,亦都只有果一刻開心~佢似乎好想我快d走..我都明佢意思..所以諗住兜去上水廣場果邊~但係行唔夠一步..我又唔捨得..追左上去~  的而且確..假期本身真係好難見到佢..唔通次次都可以好似上星期咁撞到佢?唔想靠運氣先見到呀!去到紅綠燈..我諗..都已經見到啦..睇住佢過埋紅綠燈我就走~佢擰轉頭..見到我仲係度..講左句''知唔知咁樣好乞人憎''..一時間,我唔知應該有咩反應..所以即刻跑返上天橋..諗住一直沖返屋企~唔知呀..其實咁樣唔會乞人憎..只不過因為我唔係某人姐~

出去之前..明知咁做一定會''吃力不討好''...犧牲時間..精力去等佢..換來既係幾分鐘既見面and一句''乞人憎''...都唔知係唔係值得~10點鐘果陣突然間想見佢..都未諗好個人就已經出左去~好似係''無法抗拒''咁囉....我知咁佢一定會唔開心..會憎我既~ 唉  如果頭先冇出去..就唔會憎我..但係冇出去,就冇機會可以見到佢~有時有d野..真係好矛盾呢.. 唔通只係見一陣,就足以令你討厭?

好攰呀..唔想講咁多啦..我諗琴日佢有扮off..或者今日,都唔例外...唔想再打..今日,就係咁完啦..好唔開心呀!!!

----------------------------------------------

唉..我今日本身唔想再打blog...不過d人真係逼到人唔打唔得囉

依家7點啦..我媽要我寫家長信..打電話比''佢''..第一次..佢妹話佢沖緊涼...真係唔知應該問邊個囉...隔左半個鐘之後我再打..打左4次先有人聽..佢話前3次佢個妹cut左喎!!依家部手提係佢定佢細妹架?如果你自己唔想cut佢會cut咩?咩都賴曬細妹咁..跟住搞到人勁燥囉..佢係唔係比人飛左呀?係唔係見到人地拍拖受唔住刺激呀?搵我黎燥?咁唔抵得人地拍拖就追人啦..凈係識得面紅唔夠膽..有時真係好頂佢唔順囉..   佢叫我唔好3番4次打電話喎...依家我想打咁多次架?你自己唔聽咋..  有時諗下人地好唔好?記唔記得星期4仲好地地..傾得幾開心..依家又變成咁..唔覺得有d變態咩?你自己燥咪燥飽佢囉..關我咩事姐?好心唔好成日以自己為中心啦~除左果2個人之外..其他人真係咁一文不值咩?  叫我唔好打電話比佢..係電腦問..搞笑..你成日扮離線鬼知你幾時on呀?扮離線都唔知為乜囉..為左單獨同人地傾計唔受干擾?  妖..我理得佢咩事..總之成日小事化大果個真係佢囉..完全冇為人地諗過..∼我諗如果我係呀邊個邊個既話..佢一定會超溫柔囉..唔食飯都答曬佢d問題添..可惜我唔係..我都唔想係~都話左今日勁唔開心架啦..好彩同你地出去打左陣波咋..如果唔係都唔知會做d咩事~今朝我唔知發咩神經去等佢..依家勁後悔囉~如果我係呀邊個邊個..佢晨早應承一齊返學啦! 超情緒化囉佢..咩都睇心情..仲想呀邊個邊個鐘意佢?發夢啦! 完全唔知點解佢可以咁勁..睇下我對住我勁憎果d人既時候..都仲可以微笑咁對佢~ 而佢?對住鐘意既人既時候先微笑咋..唔想講咁多呀!!以為d關系好返d..點知2日後又變成咁..係咪過分得好緊要呀!!我都已經好聲好氣極度溫柔咁對佢啦...仲想我點?仲要我幫你追男仔呀?唔知話佢雙重人格定係神神化化..一時天使一時惡魔..好難頂

冇野講啦..星期1..點面對?又面左左?唔想..不過有咩辦法?

果然..一定會有唔開心既事發生既...

我又冇得去秋祭啦!!好慘呀!!因為吳嘉俊成日唔夠訓..所以今日就話唔去...我自己一個去會好無聊架嘛..又唔知佢會唔會陪我行..所以都係唔去啦~~唉,就係咁...冇左..我諗呢3日假都好難見到佢lu....仲有要寫家長信咁麻煩!

今日重陽..不過無所謂啦,係我屋企重陽冇任何意義既~~凈係比較注重清明`~清明果個月咁啱係我生日果個月...唔知出年生日會唔會係清明呢~ 可嘉佢地去海洋公園喎...不過其實我都唔羨慕...寧愿做其他野好過..~

依家都就快3點啦...秋祭既同學都應該返曬屋企啦掛..但係都未見佢on msn...仲諗住訴下苦添~~

今日又冇食lunch..唉..依家個個星期都係咁..感覺好似係減肥咁.. 好悶好悶..係屋企,完全冇野做..照慣例未到考試前一日我都唔會溫書既...動畫,睇曬lu...唉..突然之間..唔知點咁既感覺~

-------------------------------------------------------------------------------

哈..我攞左支波板糖黎食呀...冇錯啦..就係上次我地一齊去買果支~我依家先食= =

結果食下食下..食到依家..5點..仲有一半..食左2粒鐘啦- -  估唔到波板糖會係咁持久既物體...買一支食一日..好抵買!!  不過越食越唔想食..雖然有少少浪費食物..不過我都係毫不猶豫飛左佢入垃圾桶..  好甜呀..最憎甜野..

依家諗住出去同細佬一齊買雞翼食...冇lunch真係好肚餓呀...~我諗今日都係見唔到''佢''架啦...~又要星期1見..灰- -

今日一日都冇見過佢on msn呀...唔係又試扮離線掛-0-  不過我信佢..佢應該唔會再成日扮離線架啦~!  頭先突然發現..今日原來係星期5咋..我仲成日以為係星期6...如果今日係星期6就好啦~..   今個星期功課都唔算好多..~真係好想有人陪我一齊做囉...不過我諗都冇可能架啦..~  唔返學既時間真係好冇意義囉...成個人傻更更咁...反而返學仲有些少寄托~不過相隔咁遠..其實有時都幾唔開心架...

唉..今日係咁先啦..~~勁冇意義既一日...聽日佢又秋祭,我又唔去..~哇..今個星期好抵死呀!~好想去秋祭呀><''

今日..is last day呢...

聽日好似係重陽..本身要去秋祭既...但係就..唉...因為冇去唱歌而冇得去...不過聽日照去...睇下可唔可以破例比我地去...因為3日假期如果唔去既話真係好悶架!...

今日..都算係一日好既..不過近排都自己一個返學呀..撞唔到合仔...好無聊咁自己一個- -..今日day7,自己上課室...睇黎文碧鬧人...

今日好少講野呀..唔知點解呢~化學又唔記得帶file..不過今次好正,唔知係唔係突然有野吸引呀sir注意,佢唔記得左罰我..哈哈..平安度過..至於數學堂..成堂都唔知佢講乜- -   今日比人''kum''左好多巴...因為猜包剪X...輸左比人kum一巴..雖然好細力..不過積少成多都幾痛架><

放學啦..依然冇人講byebye呀- -而且搞到得我自己一個返屋企咋...好好好悶呀!!返到屋企冇咩搞...同嘉俊玩下魔獸咁...~跟住玩下玩下..奇跡突然出現~~''佢''hi我喎!~我好開心啦..跟住即刻留底個人任吳嘉俊打..然後走去同佢傾計,最後果鋪梗係輸得勁慘啦...不過冇所謂啦   傾左唔係好耐...半個鐘都冇...不過我已經超超超超超超超超超超超超開心啦...可惜佢5點就要off啦...如果可以傾通宵就好啦(又發夢- -)..傾下傾下..佢突然話:''點似你成日開住電腦''..佢唔講我自己都唔覺..我部電腦放假果陣真係一日開10幾個鐘..其實我打機唔用電腦,聽歌唔用電腦.連睇動畫都唔用電腦,諗下諗下,我開電腦為咩喎~當時腦入面第一個反應就係''開電腦等人囉''其實前一段日子,就算比我等到,都冇得傾計.咁我開足10幾個鐘..其實都好冇意義架~不過咁又點?始終都係忍唔住開電腦..得閑入房睇下咁.就算比我細佬玩,我都要佢順便on埋我個msn.10幾個鐘就只為等曇花一現既幾分鐘,我問佢我係唔係好on居,佢話係~老實講我都覺得自己咁做好傻,不過,又覺得值得喎- -..總之,好開心呀!!希望下次可以再有機會一齊傾計..不過時間,希望可以多dd啦

呀~差d唔記得打...今日係佳佳生日喎...又大一歲啦佢...不過作為gf ...我都冇送禮物比佢...今日好似凈係見過佢一次...匆忙咁講左聲生日快樂就算...本身真係諗住送禮物架..不過佢毛公仔又話唔好...戒指又話我唔識揀...最後都唔知點好...遲d有機會先補送啦~~佳佳大一歲..咁我呢~就快生日啦..(雖然仲有半年咁耐- -)..

係時候講下d沉重既話題啦..我個blog呢..唔想比其他人睇架..其實我都發覺有其他人睇我個blog...雖然呢..我唔知你係邊個...不過我唔想你睇...希望你自己自覺唔睇...好唔好?因為有d野都ok私隱架..唔想個個知囉..你明白啦...唔睇,ok?thx曬~

好啦今日就到此為止啦...果d我親自將個blog交比你地既同學仔..你地係可以任睇唔嬲的- -只要唔好將我個blog求其比人就得啦..~~今日好開心呀!!~~預祝聽日我可以去秋祭啦...

今日點?偏灰啦....

早上返學撞到佢..Mmmm,始終都係唔肯一齊返學呢- -跟住撞到佳..傾左陣..係紅綠燈果度分散~~

今日唔知咩堂既時候..好似係英文堂..我地係度分享細個d相呀- -(實際上得一個人係度分享- -我負責睇)..至於負責分享果個,就係我後面果個女仔..琴晚同佢講左一講...估唔到真係帶左一堆返黎- -唔好睇佢依家唔係好靚咁...原來細個果陣真係超Q囉..聽日話就話要我帶..不過,真係帶?唔帶又好似衰衰咁- -但係我細個又冇人地咁得意- -  (通常細個唔得意大個會靚仔...細個超Q大個左就唔掂)

唯一開心既算係呢件事啦- -唔開心既都有少少既- -不過見到''佢''好返好多..都ok放心咁啦- -不過放學果陣..突然想陪佢陪到5點然後一齊放學...~不過其實諗都諗到一定唔得啦...人地去圖書館當值喎- -一陣可能會有人同佢返屋企..如果我出現,大概會變得多余...

既然係咁..還返件冷衫比人..就係咁就返屋企啦- -好悶呀一路上...好重既書包..好灰既心情

返到黎,有咩做呢?好慘呀!!!!!!突然見到佢on...問佢秋祭果d野...唉,原來冇去唱歌果d唔比去呀!!比吳嘉俊害死啦- -如果冇得去..我又要3日見唔到佢..又要3日悶到嘔..咁既日子點過呀!!好難得先有咁既機會...就因為冇去唱歌...白白冇左啦....唔理,下年無論如何都飛去學唱歌先!!逼不得已接受呢個事實...幻想下,星期56日...又係3日假..好難挨呀!...

唉..仲有一日咋..星期4,要好好珍惜呢個星期4呀...3日又3日..可唔可以唔好成日放3日呀!!計埋陸運...姐係話今個星期凈係得3日返學既日子...如果係以前既我..一定會好開心姐!~不過依家..面對3日假...有dd心寒既感覺~ 同佢講左好似唔夠5分鐘..毫無預兆地..off左...  唔知咩原因..似乎佢唔鐘意同我講byebye  返學係咁,msn都係咁...就算我用幾好既語氣同佢講byebye...次次都係冇回應既- -不過我就好似傻仔咁,次次都同佢講byebye....  今日放學..佢話去圖書館...過左一陣,我突然之間唔知搞咩落去圖書館搵佢...結果,唔係度...去左邊呢~唔知呀唔知呀..都唔想去幻想咁多..究竟去圖書館之前,佢去左邊呢?~  對於佢,今日既放學應該可以用''開心''黎形容啦~~好奇怪..好相反,今日既放學,對於我...嗯,勁灰呀...

聽日一日,就算幾珍惜都好...都唔會做到d咩架啦~~最多既一個動作,,只係''望''...  近排唔係好想講野呀..尤其係d悶既堂..我可以做到一句野都唔講...因為眼訓呀嘛~不過就算d堂幾悶..都要聽架...如果唔係點同呀佳佳鬥高分呢- - 其實中文數學我都唔會輸比佢...只不過英文就...由細到大都憎英文..改為學日文,幾好呢...發夢啦!講起發夢,琴晚發左個好得意既夢..不過一起身,就唔記得曬lu...

依家只係希望''佢''個病快d完全好返...仲有今次考試考好d...好似都冇其他愿望啦~

每一日始終都會有唔開心既事情發生~今日呢...

今日呀邊個邊個又病左..唔知點講~見到佢唔舒服..有種特別既感覺~~~唔知呀..就當係唔開心既感覺啦!今日係非常非常唔開心既一日.!

早上我見到佢係度睇以前d相..咁又係..以前d相真係有好多回憶~對佢黎講除左其中一次其他都係超開心既回憶啦~佢地影左好多相..不過我諗佢睇得最多既..都係其中某一張..~我問佢相入面有冇某個人..不過其實唔問都知有冇...如果唔係,點會一直帶係身邊呢?張相..意義就差唔多係一張護身符掛~  我果張都係咁啦..好似有果張相..就會保護自己咁~  

中午..佢早退..如果唔係機緣巧合..我就連佢早退都唔會知~~我陪佢落到去..睇住佢同佢媽一齊走...佢一走呢..成個人好似冇曬力咁..灰爆..不過咁又點?佢知我係後面睇到佢背影消失為止咩?佢知我有幾擔心咩?佢咩都唔知..凈係識得勁差咁對我..順便捉緊每一個有好感既人相處既機會~~

跟住咪度過一個好唔開心好唔開心既下午囉..可以點?我就係咁架啦...

返到屋企..哈..一上msn咋..佢個msn即刻變左''忙碌''啦..你地話係巧合......定係故意?  ''好返d未呀?''我即刻咁問佢...不過,得到既結果..係完完全全冇人應..  我打左好多野呀..好想知佢依家點....不過係佢眼中...only一堆廢話    我諗住唔理佢..唔去再諗關於佢d野~~一如既往既結果——失敗左..  我始終都係擔心佢唔知點..又再打左一大堆野..終於,終於肯應啦...大概係已經同其他人傾完啦...終於輪到處理我呢個無謂人。  講左一陣..我話..''你本生字同埋作業係我度保管''  佢即刻性情大變...開始發脾氣..~我都好嬲..本身係奶媽保管既..我冇出聲..但係奶媽比左我保管...所以我咪攞返屋企囉~咁始終要有一個人保管架啦...我幫佢保管有咩問題呀!!洗唔洗咁明顯話''唔要我保管,一陣攞比我'' 勁嬲囉..佢當我咩呀?呀四?工人?呼之則來揮之則去?當然,佢冇諗過我有咩感受...佢只會重視其他人既感受...至於我,排係最下最下面..地位比任何人都要低1000倍~ 因為識左佢1年..從來都冇重視過我啦- -只有我會重視佢..呢種角色,唔會反返轉~

今日仲有好多唔多開心既事..why要今日?開心既事好耐都冇上門..唔開心果d反而往來不斷..或者係我個人太灰,先會感覺世界都只有灰色..~但係,關心人真係會有錯嗎?我都唔想咁擔心...好似對其他人咁..其他人就算病左,..我都唔會理咁多啦...點解唯獨佢會令我咁擔心呢~本來以為冇乜野..但係佢早退之後果2堂,比我想像中更難挨...點解要咁喎!

好想冷靜d..狠狠地訓一教..但係就算發夢..都係佢