考試了..直到考完中文作文之前..用書面語打blog~啦...

今天是很不開心的一天..就像奶媽所說的一樣..能令我不開心的..只有一個人吧~不說太多了~~今天真的很沒心機呢..

連環的小測...加上''她''的事..快要折磨死我了...她就好了..今天很不尋常呀..很多男同學圍在她周圍..一定很開心吧...

而我..只要上去跟她說一句話..就會被無視..被踢飛...這種感覺真難受呀..看著她與她前後左右的同學嘻嘻哈哈的..~

現在都4點半有多了..很清楚還記得一個星期前的現在啊..很開心地msn...現在..卻只有孤零零地打blog了...今天很早就上學了呢..不知道發什么神經了..然後..過了一個很不開心的星期4..跟上個星期比..差很遠啊~

放學..今天跟奶媽一起放學...其實奶媽是個''好孩子''...他說的話雖然有一點兒''窒人''..有時卻說得很準..也令我明白了一些東西..可能我是被突如其來的變化所嚇到了...不敢退不敢進...什么時候..心中也有一支矛盾

對不起呢..~對很多人~...放學的時候和她一齊交飯錢..依舊是不應我...我是明白的...不過..真希望可以象上星期一樣呀...還有可能嗎?

今天就此完了..明天就是考試前最后一天..唉..還是那句..要珍惜呀~~考試的時候她坐我後面..大概沒什么時間見到她了~~哈哈..傻仔(我)....

這次考試..大概輸定了...

睇下題目..就知今日都冇咩好打啦- -

琴晚發左個夢..夢見我打字超級快..唔知咁既夢有咩意思- -好白痴- -

跟住返學..又自己一個..唉- -

今日d堂都ok無聊...唯有落圖書館上網- -期間見到佢..有d野想問佢..點知2個人望住係度笑..結果問咩都唔記得曬~好好笑^^~

放學..佢就去圖書館''搵人''..我就返屋企~所以呢..又冇講byebye..

番到屋企老豆係度呀- -不過我冒死開電腦..頭先玩左1鋪信長..哇..我超勁呀..越殺越多...

後尾見到''佢''on...終於捨得on啦咩...不過冇搵佢..~~跟住終於搵左佢..不過唔夠1分鐘就''我走啦..88''咁就走左- -完全一句話都唔同我講~~咁又係..可能佢已經同人地傾完呢...仲會理我咩?我諗佢今日一定好開心啦~

哈..唔講咁多..總之呢..平凡都好過食''冷面''呀..~理得佢去見邊個喎- -就算同人地傾通宵,就算佢真係日日去見人地..都唔關我事啦..~

今日就咁完啦........唔好掛住我呀~~

今日..7點前就起左身啦~~..明明好似ok眼訓..但係又唔想訓。因為發左個夢囉...記得好似係個惡夢...內容到依家唔記得曬lu..凈係記得佢搞到我訓唔到..~

今日返學終於比我撞到合仔..~終於唔洗自己一個返學啦-0-咁又開始左新一個星期..~

其他堂無視..DT堂幾得意呀...又試整果d  ''gearbox''(唔知係唔係咁串) 不過今次果個機械好似好難..唔多想整~...lunch..用左果個超級核突既餐具(某人吐左d口水花落去- -好核突)..跟住食包~聽到遠在右邊最邊既邊個邊個話:''陳俊安攞左你個包''..跟住奶媽過黎攞..我話''食左啦''  跟住呀邊個邊個居然話我''好賤格''...唉~唔知比咩反應佢..我事先有問過佢要唔要包架!!依家走黎賴我...我知佢冇惡意既...只不過覺得無奈姐..

跟住係禮堂..今次搵左個唔知乜sir黎演講..睇''鐵窗邊緣''..平時又唔睇..點知原來發現都ok好睇既..好彩果個唔知乜sir講野都幾ok..基本上冇訓過~..就係咁...放學..

咁就放學啦..byebye都冇講..計劃好成功..都話我得架啦~  跟住一齊食MMM記..跟住逃走..然後就返到屋企~open computer..

今日真係平凡到冇得再平凡既一日..咩特別事都冇發生過~~不過冇特別事..都好過又試面左左既..~順便呼吁一下:叫你on你都唔on..會得到大懲罰架喎~

...................今日,收貨啦...唔知聽日又點呢~~

過左12點又到星期日啦..凌晨冷靜少少...打篇野先~~

好後悔琴日早上做左果件事呀...我成日都話佢唔理我既感受~~依家諗諗..係佢眼中我既感受算得上什么?所以梗係唔需要理會我感受啦..只需要理會其他人感受..佢只會努力咁爭取同人地接觸同傾計既機會..我既感受?我死左大概佢都唔會流半滴眼淚啦...當然,我唔會為佢而死..冇可能既事~~不過我琴日居然為左佢唔開心左一日..真係好可笑...為左佢既一句說話..一個表情而唔開心...完全唔值得...返到屋企..好唔開心..甚至同你地出去打波既時候都好少講野..係咪? 不過佢就唔同啦..傷害左人..完全可以當冇事..而且係合情合理添..仲可以大條道理鬧人..呢d咪就係高手囉~不過唔開心既琴日已經過完..今日又係新既一日..唔開心既野過左去就算啦..雖然我恢復既速度ok快..不過我點都唔會忘記佢係點對我既~無聊如何都唔會忘記~~~佢,一個敢諗唔敢認既人..一個以自己為中心既人..一個花心and情緒化到飛起既人..~~好難想像一個有咁多缺點既人...仲想去尋求人地鐘意佢?

究竟係為咩呢?要搞成咁...可能係想搞疆少少我地既關系..然後人地就唔會誤會..跟住自己先有機會..都唔係未試過啦~因為一旦人地誤會左..自己就冇曬機會呀嘛~不過,代價係犧牲我..不過對佢黎講..犧牲一萬個我都唔會覺得可惜啦...

其實我好討厭花心既人..但係自己偏偏鐘意左咁既人..太失敗啦-0-咁大個人..好多fd入面..花心既有..情緒化既有..出爾反爾既更加有..不過集合於一身既人..都係第一次見~  計埋今日3日...3日都冇上msn?對佢黎講根本係冇可能..所以明顯咪係度扮off...仲大大聲聲咁話''你鐘意點諗咪點諗囉''...比人知道左都仲要唔認..  其實好多野..佢口口聲聲話''唔係''既..好可能就''係''呢~日日放學都去圖書館..真係冇其他原因咩?死都唔肯比我等佢放學..就為左同詩詩一齊走?成日話msn都冇乜人同佢傾計..哈..因為冇藉口去搵人傾囉,如果比佢搵到話題既話..我諗一定即刻搵人傾姐..仲要借d倚有咁耐傾咁耐添~~

唔打咁多..浪費我d細胞..如果係為左佢既話..就算死一個細胞,都已經好浪費lu~如果盲左..以後都唔洗再見佢...聾左,永遠都聽唔到佢把聲..啞左,一句話都冇得再交流..死左..咩都冇啦~不過傻啦..我死左佢咪好開心...我唔可以比佢咁開心既~~係咪先..講一句正經野啦:今次考試..除左英文其他都要超努力呀(英文已經放棄- -)

--------------------------------------------------------------------------------------

好啦..下午4點半啦喎..係時候講解下今日既野..今日就好似題目咁..''冇咩特別''..今日真係冇咩好講喎

凈係覺得依家有少少''心如止水''既感覺~幾舒服架~

頭先同俊玩''信腸''..贏得好交關..可能係俊隻英廢廢地啦~~玩左59分零9秒..玩完...跟住老豆發火..又話玩左好耐..唔洗休息咩?咁樣..我都ok火咁啦..講極佢都好似講到我無心向學咁..我都不知幾鐘意返學~~不過有時放假都幾好既...

做功課呀..其實功課真係好少囉..完全打發唔到時間..都唔知點好...(依家都係趁老豆睇報紙先打blog咋..速戰速決∼)

唉..聽日又星期1..返學啦..應該happy定係unhappy呢..好難講~好似想返學..但係又想要多一日假咁..唔知那個''她''依家點呢?或者正在''風花雪月''當中~既然係咁就唔好係度提起佢啦..費事佢打''乞黐''啦..

其實今個星期..除左琴日好pk之外..都冇咩問題既..  頭髪好長呀..成日話剪最後都冇去- -

好啦今日就咁完啦..聽日要開心d先得..唔好以為我好好蝦呀~~順便鄙視下某人(凸- -凸)..係咁~喂..仲有呀..睇到呢篇野果個..唔好扮off啦..on啦..要人講幾多次姐- -成日off有咩好呢~  聽日見啦