琴晚終於比呀媽鬧左啦...好彩我冇喊...d眼淚都係留返老豆鬧果陣先流啦..

今日一返學又冇左2堂...搞到做唔切中史- -算了...收買一下科長..下星期先交- -今日又將果件事講左一次...日日如是...返到屋企又要比人鬧...知唔知真係好大壓力架...個個都係咁問係咁問...不停咁講不停咁講...

如果我唔耐煩咁話''都話得洛''或者''知啦''...佢地一定會話我唔聽教..不過佢地知唔知..同樣既說話,我已經聽左好多次

今日隔離位冇返...好悶....隔離有個空位真係超空虛...lunch既時候又偷左一隻叉....我諗下次真係要買返先得.

依家係放學...到今日為止...我已經5日冇同佢講過野...一句都冇...加埋星期6日....終於開始第一個星期唔同佢講野...好似咁耐以黎都係第一次咋...不過我個心就冇咩野...唔知點解就算唔講野都好似好平常咁...冇左以前果種感覺....

今個星期真係好多好多功課...(雖然有d係作上去)....不過果篇1500字小說點作牙...當我地神咩....咁大個仔都未試過寫1500字...鬼有咁多靈感...到時寫個灰色故事就算...橫掂寫灰色真係大把野寫....

好多好多野煩...又懶得全部打係blog度...不過都打左好多咁啦- -

唔多開心...今個星期隱青唔出街了..(最後一定會忍唔住出的- -)

終於終於終於黎了...今日....呀媽終於終於終於都知道了....

一返黎收到個電話...兜頭就鬧...鬧...鬧......

''知唔知咁樣好大件事呀''  ''miss話可能冇書讀''  ''記大過睇你點算''   ''你有鬼用咩..出黎做野囉''   ''再係咁轉校啦''  ''好自為之啦''

d大人一定覺得我冇悔意....

冇悔意會果晚打電話道歉?又會一五一十講曬d野你地知?係你地面前喊唔通假既?

好煩呀...今晚佢地實鬧死我格...不過佢諗下..如果佢冇鬧我...以我既性格...唔鬧好過鬧

不過屋企人完全唔了解我...唔鬧死先奇...可能唔單止鬧...打都有份...

近排好多好多人同我''傾計''我都唔驚..反而今晚...有少少緊張了....因為係自己既父母....兇惡無比既老豆..加鹽加醋既呀媽

突然諗起一句野''對唔住唔係大曬''   呢句野我係周XX身上聽得最多...我覺得講呢句野既人好賤...人地同你講對唔住...就算你唔接受..都唔洗咁掛....人地已經認衰..唔緩和下氣氛,仲要得寸進尺..

果晚我打電話比佢媽媽...佢媽媽一開口就呢句...我果陣先知..真係有咁既呀媽先有咁既女....咁大個人...仲講''對唔住唔係大曬架!!''

唔知點同佢講好...唔通唔講對唔住佢會開心d? 咁怪?

唉..依家6點9...準備死...希望聽日可以返學啦...希望以後可以平平凡凡咁生活啦....希望咩都平平安安啦...

我凈係想做個平凡人咋..ok嗎?

經歷左驚險刺激既琴晚...原來聽日先會打電話...- -

我依家依然係有dd驚...唔知我媽子同老豆會有咩面色同脾氣要比我睇...

今日係我第3日見到佢而完全冇同佢講一句野...雖然係有機會既..不過我都冇過佢同佢講野....其實都唔係好難姐...我相信始終有一日可以徹底forget佢既...

今日上完電腦一出門口就比林志偉捉走左- -然後又開始講道理- -不過都唔係鬧我...都聽得入耳既- -  但係內容不外乎''男仔要學業為重呀-.-''  ''第時大把人鐘意你啦..''  ''香港男仔少過女仔牙- -''

然後上完呃錢堂...又要趕去問miss黎...本身諗住交低d野就鬆人...點知又開始講座....聖經..三字經....人生大道理...咩都有..

最後仲要半強逼我參加果個冬令營..- -  冇人陪我牙- -   最衰某人唔肯- -

算啦...電話聽日先打- -等我開開心心埋今晚....思考下以後應該點過....

我諗我唔會因為''佢''而搞到斷背...不過要重新鐘意其他女仔..都有一定難度的- -  金牛座超級無敵專一,,,,

好似話巨蟹同牛仔最夾的...- -算了..唔諗咁多白痴野....讀好d書先講啦-0-

依家超級多人知道我d野了...尤其有d大聲公可能會通街唱...唉..算數...只要我以後唔好再掛住佢就得..

期待聽日既黑暗

今日係12月11號...又係11號...

不過人地已經晨早唔記得11號係咩了...凈係得我咁白痴記住佢...     但係,次次既11號..總有唔開心既事情發生

一次比一次厲害

一次比一次激烈

佢媽媽...點解....要咁呀....

唔係話原諒我咩?今日我咁做的確係我錯...我會去接受懲罰..但唔想驚動屋企人...你明唔明呀!!

我果晚打電話已經認曬衰仔了...你都話原諒我了....但點解琴晚..又打電話比miss?

係想唔聲唔聲咁突然要我死?如果你係要咁做既..應該一早同我講..我唔會怨言.....

不過你依家出爾反爾...呢d就係所謂既大人嗎?

個個都係咁...我仲要繼續認錯...寫信...寫悔過書...記大過..比老豆呀媽鬧一餐勁....ok,你地開心啦

miss同呀sir同我講..話驚我控制唔到情緒...果日既事會再發生....

依家既我,已經好似比人描述到變態狂一般...都係你地既好事....thank you曬!!!

好難忍...我明明已經知錯當晚就道歉...點解仲要咁做....唔通我既感受真係低微到被人完全忽略?

我冇同miss講延期打電話..所以我諗今晚就會打黎...到時會發生咩事...我諗你地凈係想像都覺得好心涼啦?

都都都都算啦...始終係我既錯..就當全部都係我既錯...當初,我就唔應該鐘意周美怡...

冇當日既錯就冇琴日既煩惱..係我自己犯賤....如果可以,請係今次盡情玩殘我....當我企得返起身既時候..就冇拖冇欠...

今晚你地即管...大聲咁笑

cheap精又係咁屋企人又係咁...世界上d人係咪真係咁變態呀!!!!

果個cheap精就唔理佢了...佢依家死左既話我會好開心....不過屋企人...講極我冇玩..佢都係唔信

一時就話..信,邊個唔信你姐...一時就話..你呃我你冇著數架..

仆街...唔信咪出聲囉...洗唔洗咁呀!!比我駁返之後就話咩一返黎就睇得出我騰黎騰去好想開電腦...死啦,你咁講,有冇道理都講得出架啦....跟住又話我一番黎就玩psp...依家講既係電腦囉...況且我玩左3個字唔夠...咁都值得鬧?

要鬧人就直接鬧...做咩搵咁多藉口呀....我知你出面做野辛苦啦..咁唔通辛苦就要搵我做出氣袋?

睇下人地果個cheap精成績差我N倍啦...人地日日開電腦又唔見比父母鬧....

明明唔係呃佢...都要比人懷疑.....好囉,就玩比你睇.就呃返夠本囉.....都唔知依家d人諗咩既...個個都咁變態

睇返今日返學..果個人.....個個小息都坐係自己位到唔肯走....算啦..成日都唔認..連黃詩詩搵佢佢都唔肯走....係人都知你有野囉....仲扮....又話普通朋友普通朋友...琴日約埋一齊溫馨到死一齊去圖書館又點解釋呀....佢呀媽唔比佢同男仔出街...佢就同佢媽講係係街到撞到...仲要話曬妝咁....   好姣囉..

你話搞唔搞笑...11月29號...同吳嘉俊深情表白左一次...講到好似冇左吳嘉俊就生存唔到咁.....琴日12月9號...一共10日....即刻就換畫了...

可憐吳嘉俊呀..都唔知咩事...人地又變心了...好彩吳嘉俊冇鐘意佢姐....

好變態呀d人....變心當做日常行為嗎?少少良知都冇嗎....唉....

琴日件事係我錯...不過唔代表之後我都要向佢認輸囉....對d咁既人...我永遠都憎...

要怪就怪自己當初冇帶眼識人...好多人比佢表面呃左....希望唔好再有好似我咁既受害者啦..- -

努力讀書...專心打機....順便搵過一個比佢更好既女仔...哈哈