琴日..喊左好耐下...做咩喊~~唔知呀....明明心入面自己講:就算佢拍拖都唔關我事啦....但係一見到果幅情景...竟忍不住落淚....係我眼淺...抑或係..一直都咁鐘意佢?

知唔知琴日因為咁...我完全冇溫過書...我諗係F3既都知...今日既科,唔溫真係死得...我琴日早上,仲特登同自己講:今晚要超努力溫書...但係面對咁既事...突然之間變得好軟弱...除左喊..除左唔開心..根本冇野好做~

我究竟點諗架!!為左佢咩都唔要...程可嘉都話我''極度誇張''- -係掛...唔識形容....

不過依家咩都冇啦...佢毫不猶豫應承人地溫書...又話唔想呃呀媽...最後為左果個男仔..都係呃左~~咁我究竟算係咩?佢又點會知...我由始至終,,冇一刻忘記過佢

傻呀我..依家既佢..心入面仲點會有我?連我既一句話,都覺得煩啦..  好想好想...見到佢對住我笑..  但以一個過路人既身份黎講..是奢望吧..  夢入面都唔知見過佢幾多次啦..每次發d咁既夢...醒返都係度諗,如果可以發足一日就好啦..但係次次都係咁..好快就醒...突然眼前見唔到佢既感覺..好難受

今日考試衰得好嚴重...考英文果陣,居然係度諗佢d野...搞到聽唔到好多listening呀...又係佢..或者佢真係可以左右我一生呢...邊個知?

今日買左支可樂..一路飲,一路返屋企....

不過..一路飲,就一路喊......

好傻呀..究竟為咩而喊呀...

哇..今日玩得好high啦....好耐冇試過打機打得咁high...~~~

今日差唔多同強打足一日...一時單挑一時群毆,,我都覺我自己勁左...因為打機果陣,真係會少左好多野諗...特別係信長咁既game...玩果陣一放鬆就死~根本冇時間諗其他野啦...yeah!!!今日發掘左幾個勁人..當強係新手咁殺...ok開心!!

頭先食左個冷面..不過都仲係好好好肚餓呀...唔洗講,我今日又冇食lunch啦..唉,細佬又出左街..日日都係得返我自己一個...都幾悶架..今日凈係出左去好豪咁食左2隻雞翼...跟住係頭先果包冷面..冇lu~~幾慘

係啦..聽日,,UT啦...真係唔知會點...好彩聽日係數學同地理....數學都仲ok既..背熟d公式就得啦...至於地理嘛...一直都係超弱..咁就等佢繼續弱啦!   聽日按學號坐...後面冇左肥陳仔...感覺好似唔知點咁~~好似上次咁..如果冇左肥陳仔...我數學肯定死硬-  講起上次考試...仲幾開心..仲未散呢~~ 

頂...又諗呢d野做咩呢!!!!

今晚睇黎都要係咁倚溫下啦...係3B班..應該可以考到前10掛...依家最緊要考好d...雖然已經冇乜野鼓勵我努力啦~不過都冇辦法啦...

呀......................又唔記得剪髮><

今日..係我由8月11號開始第一日覺得有意義既一日...

一切都係琴晚...俊突然話想返去學校補習...本身都唔想去既...不過,去就去啦...費事自己亂諗野~  8點鐘起左身..食個公仔面~好平常咁就出發啦..一路上都冇人陪..個感覺好特別~

就係咁返到學校...一入門口就見到俊..然後上2樓..係樓梯度就見到唔想見既人...都諗住今日幾無聊架啦~然後就入左去唔知咩室補數學...由於唔想擰轉身..所以的左俊上黎一齊坐~好快就10點啦...跟住係英文....溫呀溫...本身勁無聊既溫書...突然間變得好想溫...跟住落足心機狂聽...頭也不回     終於搞掂啦~速成補習用途唔係好大(因為我冇聽左幾十堂- -)...唉...今次考完試...英文真係要比多兩錢肉緊呀!!!至於..人方面呢...今日居然有半班以上返左黎...不過邊個有返邊個冇返都唔關我事啦...有人陪我就得- -~  就係咁...哇..好有意義囉今日...好過平時放假係屋企...開住電腦...傻等~  我鐘意今日...好有feel呀~~~

依家下午啦..雖然悶就悶d...不過都唔一定要成日出街姐...都唔一定要有人同我傾幾粒鐘格....(雖然有就梗係好啦^^)   4點幾啦...時間唔經唔覺..又流走左..我居然係度好傻咁打blog...唔知其他人,依家呢個時候又做緊咩呢~''佢''又做緊咩呢?

唉...唔理咁多啦..雖然打機同埋鐘意既人..2樣都對我好重要..不過始終都係讀書啱我多d.......~

今日個書包好重呀..再加上果袋衫..我個膊頭就快比佢壓到條深坑啦~~~

不過講到深..就算點深..都唔夠比人hurt得深啦...今天的天空依舊是灰色的..

頭先電腦堂..鄭綺清坐係第一排唔比其他人入..搞到d人塞住曬..跟住我就同鄭綺清講''白痴''..跟住我就走左..然後突然聽到有把聲話''低能''...擰轉頭一睇..又係佢!...呢個人..到底要玩到幾時呀?我同鄭綺清講野你搭咩汕呀...仲要鬧人添!!!如果我係同你講''白痴''..你都可以話我煩..但依家我同鄭綺清玩之嘛..又唔係同你玩..真係想講句''關你咩事''囉..仲要鬧人''低能''...考試前最後一日返學啦...比一句好少少既對白好唔好?唔好一開聲就要鬧人啦唔該!有冇諗過人地突然比人鬧有咩感受架?  放左學..我諗住去圖書館搵佢..我叫佢果陣..佢居然做出一個超唔耐煩既表情話''咩事呀''咁樣..我唔想再同佢鬧交啦!!所以我忍...但係佢果個唔耐煩既樣..真係唔知佢點諗...佢個樣我覺得好嘔心瀝血囉..

落去電腦室果陣呢..我同佢講''溫好d書呀''..回應一句''溫唔溫都唔關你事呀!''....好火呀..我好心講句溫好d書姐....又有邊度得罪佢呀?講句好d既唔得咩?好煩囉...咁都要受氣...其實..佢究竟

有冇諗過我既感受?

琴晚..我好on居咁諗左佢成晚...好似失曬魂咁..搞到整親隻腳..好痛呀...依家都仲有少少..返學既時候..我係度等合仔..點知見到佢...我擰轉頭..睇到佢好似好委屈咁既樣...我今日係等合仔之嘛..我唔係等佢喎..我冇叫佢同我一齊返學喎..全程我都冇同你講野..係咪先?但係睇到佢咁...我忽然就好唔開心..點解..點解我要為左佢而搞到自己咁喎...完全唔明..未知..

下星期就考試啦...以我依家咁,仲點考呀?..從來冇一個人可以對我有咁大影響力架!...