今晚係第一晚返工. 係尖沙咀既Me too.

但Me too仲裝修緊..所以係隔離間M plus坐..

識左個bartender叫阿梁. 仲有老細frankco. 一個唔知係拳手定經理既靚女van.

一企入bar頭就同阿梁交流左陣.佢地隻tequila好怪.酒精濃度真係好高..

佢話果次有六個鬼佬黎叫"Tequila on the rock".飲完問咩黎..

正係傾得最開心之際...令到我成晚鬼咁唔開心既電話終於打黎...

阿yan企左係荃灣悅來坊停車場天台打俾我...

話唔想我返工...如果我唔走既話..就即刻跳落去....

點解呢個情形咁熟既..上次係太子返工果陣佢又係用呢招..

雖然唔係好想...但係我唔想搏佢會唔會真係跳..

唯有...再一次..亦係最後一次......

丟低件藍妹衫..放低條芝華士圍裙...

重復上一次既動作...係後門走............

雖然無左一份工係好唔抵..但總好過無左條人命...

所以..maggie你問我個新場係邊..我都唔知答唔答你好...

我係咪真係好失敗..

半夜走左落陽光打機．之後成日都係屋企大覺訓．

５點幾起左身．沖涼換３去見工．

今日既目標係尖咀”Give me 5"同"M plus"．

結果：　兩間都請左我．

ｍ　ｐｌｕｓ果個係新場．係正我舊公司隔離．下星期五開張．

到時記得黎捧場．

(26/12)補充返少少野.新場既名叫"Me Too" 係漆咸圍道.不過...依家無做了..

今日係我重獲自由既第一日．個心仲好擔心佢．唔知佢會唔會有事．

有事諗返．同佢一齊真係幾開心．成日都有野笑．

香港地真係無咩女仔會好似佢咁．以為太子冰室係食刨冰．．

下午同鴻仔去左荃灣悅來坊下面既遊戲機中心打機．

由２點打到晚上１０點．所洗既錢不計其數．無他既．

都係想快ｄ忘記佢姐．．．