今日終於鼓起最大既勇氣：同佢講分手．結束３年既長跑．３年既困苦．

有人話有情飲水飽．但我情願擇去飲水．．我唔知自己咁諗岩定錯．

讀咁多年書都係想有份好ｄ既工．偏偏你既另一半唔俾你做果行．

換轉係你．你會點？如果一齊得係開心既．我可以放棄份工．

可惜．現實始終係現實．要養自己．要養家．我真係無得簡．

我只係可以講聲對唔住．．．．．．

今日同阿欣去左奧海城行街．去左食仙蹤岩．好似無上次咁好味．

可能係因為去既心情唔同左喇．之後同佢坐係出面傾左好多野．

有諗過係果個時候同佢講分手．但係對住佢始終都係講唔出口．

只從佢返左果份工開始．就有果種感覺出現．

雖然我一直唔鍾意佢唔准我既生活圈子入面存在住其他既女仔．

但係到佢識到其他男仔既時候．我個心又好唔自在．

呢排比較多野做．所以日記都係積埋幾日先打一次．嘰．

琴日朝早俾阿欣嘈醒左．．佢果陣坐車返工．

傾電話果陣同佢吵架．．又係因為一ｄ無關重要既野．．

收左線就一直訓．直到下午６點幾．

沖涼換３琴琴青仆出去荃灣接佢收工．．．．

唔知點解．對佢既感覺好似變左．

雖然果一刻我同佢身影既距離唔夠好近．

但係果種感覺．好奇怪．．好似相隔好遠．

到夜晚同佢講電話果陣．又吵架．

可能大家心入面．已經開始變質了．．