今日一番到學校就淋到濕曬....落雨番學真係好麻煩呀= =....d同學好搞笑....上堂打電話去check係咪紅雨-.-....十點幾上緊第四堂，前面個同學check完係紅雨之後成班開始吵唔上堂-.-....個miss又勁俾人串真係陰公~幾乎上唔到堂咁濟，吵完一輪校長終於宣佈話可以放學閃人，班友係到歡呼，佢地歡呼都已經令我啞曬但下面d人大聲到連二樓都聽到=.=....阿俊叫我去熊貓打機但因為落雨麻煩冇去到，番到屋企阿Jack都話想去但又係落雨先冇去，之後佢停雨，真係吹漲....三點半打電話叫阿Jack起身之後一齊去熊貓打機，諗住去等M仔，點知佢走左，不過好彩撞到明仔，於是叫埋佢同平仔一齊去@@~後來耀都黎埋tim，今日玩SEED D羸多，十蚊玩左成兩粒鍾-.-....之後用命運羸左阿Jack三鋪，超開心呀>_<.....玩夠梗係去食野去，諗住去吉野家食，點知去到佢掛牌話休息- -....之後咪搵左間荼餐聽食，譁~個飯超難食，杯凍奶荼難飲到爆....仲衰過飲荼..........食完野各自回家，番到去沖涼等頭乾訓覺@@~

今日係學校上上下堂就俾人叫放學後去熊貓打機，反正見冇咩做都打算去，番到屋企無啦啦有人叫我出去一齊食飯，不過都唔算無啦啦既，因為琴晚講的，不過冇諗過佢會記得~_~....不過食唔成....之後就一個人買左個包食就去左熊貓打機嚕，玩左個幾鍾突然見到吳嘉豪，同佢玩左幾鋪阿Jack就到左，死人Jack一黎到就挑人機@@~不過 都唔錯羸多，一挑一唔夠我地打，正!~玩完之後諗住去完個廁所就閃人，點知出事啦~_~....有條xx係廁所到食煙就已經夠黑人憎，我同阿Jack係出面等吳家豪佢撞到阿Jack仲罵人，之後仲想打人tim，真係白痴，佢見吳家豪出黎吵左兩句之後就走左...都唔知點解今日咁黑仔會遇到d咁既xx...算...當係自己唔好彩!~今日俾人呃左第二次啦!!!哼~唔會再有下一次!!!

星期五俾華叫左出去，去熊貓打完華同雄仔就黎左我到過夜-.-...星期六早上十二點起身，衝個涼就同佢地出左去太子麥噹噹填表，填完之後又係去左熊貓，阿Jack玩到一半去接人放工加送人番屋企，等佢番到黎就一齊去食野，好正，第二次咁多人一齊食大排檔@@~好有家庭feel，好過去餐聽食，一人叫一個餐各食各好冇feel， 食完番熊貓玩左陣就去左天下通頂嚕/_\....

今日係M仔生日呀，琴晚我已經叫曬最熟班FD 一人SEND一個生日快樂既短訊俾佢啦，可惜佢收唔到，唉...可惜，可惜，今日番半日，正，放學買左個M記番屋企食，等到兩點三就出左去接M仔放學，行到一半先記得佢地轉左時間，放三點半= =...搞到等左成個幾鍾....終於等到佢放學，阿JACK都黎埋，之後一齊去左熊貓玩，雖然係M仔生日但都唔知送咩好，為有下次請番佢食飯@@~番到屋企都成十點，衝完涼用左陣電腦，見個阿女上左，之後HI佢先知佢今日冇番學，原來又係為左果條友，依家仲喊緊，果條XX真係身在福中不知福，淨係識得傷害人地，都唔知點解可以咁...唉 ...都唔知點解佢點解要咁傻~_~....

今日係開學第二啦，第二日就正底上堂...番八點放五點，真係極度辛苦....上堂超眼訓呀/_\又要唔訓得，唉...真係寧願番工有野做都唔想瞌眼訓，想訓又唔訓得瞌下瞌下好辛苦...上完十堂...仲要強逼性留校到五點，留低讀什麼詩話遲d要去荃灣大會堂演出，真係痴線架...日日係咁真係不如殺左我算........