今日早上俾阿爸嘈醒，真係超不爽...琴日就係咁有人打電話黎，今日就俾人傾電話嘈醒，超xx，十二點起左身，食左少少野兩點叫左耀係樓下等，我落到樓下仲要等佢成十分鐘有多，佢落到黎同我講洗頭囉，冇野好講，之前又叫我搞掂叫佢樓下等，依家就同我講洗頭，佢同雄仔一齊落黎，我地一齊番工，去到地鐵站都兩點七又遲到，好彩番到去阿寶唔係到，唔係又煩，華諗住唔番好彩後來番左，阿Jack就八點陪女閃人，好彩華番左唔係我死得...華...今日整到你咁嬲好對唔住，不過今日有段時間都幾嬲，就係教耀換垃圾筒，教完佢換一個之後就叫佢自己換，之後叫佢換埋McCafe果個，個形狀唔同左佢就話唔識換，同佢講左都係就咁囉出黎換佢係都唔聽，又哩樣果樣，果陣真係好慶，不過算...照教...雄仔又係唔知做乜野，自己係咁望住人又話人地望住佢...夜晚突然間好多人之後落左好多野....後來淨番太多我同華偷偷囉去掉- -....好彩最後有人清場-.-...做到十一點幾閃人，番到屋企沖涼食飯搵周公傾計@@~

琴日零晨三點半先訓，早上係咁俾d電話嘈醒，成五六個電話分開打黎，真係xx，之後十二點幾M仔打黎，傾左陣，等到兩點幾就番工，番到去遲左少少，個阿寶見到我地番黎就囉時間表睇，一副不鋸既樣，真係好憎佢，番到去做廚房，都冇咩野，d野都識做，夜晚俾肥鳳叫左我同華出去睇住個光頭仔，之後就一直做Lobby，好勁呀，後Lobby有成3X個聾啞人士，夜晚M仔黎等我地放工，無啦啦俾佢地拖左去熊貓，下次一定唔會再俾佢地拖到，去到玩完又冇車番屋企，又要行番去，麻煩到死，兩點幾行番去，番到去都三點半，番到去即時開冷氣訓覺...

今日等放學等到想死...一放學就即時衝番屋企換衫閃人，要鑄仔等左我咁耐真係唔好意思，之後我地叫左華佢地係荔景等，我同鑄仔已經夠遲，我地去到仲要等多三個字佢地先出現...無奈...第一日番工就遲到，爽!~番到去，好多人都唔識，不過果個阿寶真係好冷煩，一番到去就問長問短，做做下無啦啦俾阿Jack叫左收Closing...一d都唔過癮....蝕左...試多兩次...如果都係咁唔收嚕....都係盡快賺夠閃人，廢事煩~_~....番到屋企衝完涼都三點半...今日遲左搵周公tim...不過唔洗驚...小弟依家即時入夢@@!~

今日都係放早，約左囉彬食飯，諗住去四川間麵店食，點知爆晒-.-...搵左一大輪最後去左M記食，無奈...無啦啦華打黎話出黎買鞋番工，之後去熊貓玩住等佢，冇奈Jack同M仔，細彬都黎左，成班係到玩，幾正!~後來同細彬team，玩到俾人鬧- -....不過都唔關我事...我又唔識用，又冇屈佢，佢自己屎又懶人~_~....不過羸左果鋪後即時笑左~haha~夜晚玩夠去食野，食完買鞋就閃人嚕，番到屋企都十一點幾，沖涼，之後入房刨埋本小說準備聽日還俾人，然後先搵周公個女!~

今日早放落左去搵M仔一齊食飯，食完飯去搵囉杉，成年冇見啦，一見番面就好多野講，之後陪左佢去食野，等佢食完周圍行，行到兩點幾三點送埋佢搭車之後就自己去熊貓玩陣，玩左兩鋪就去左接M仔放學，咁岩見到平仔，問佢囉埋書先閃@@~冇幾耐阿Jack落埋黎，條友又話五點半走，點知差唔多七點先走，不過都好既，玩耐D開心D嘛，之後唔知咩事呀，越玩越累-.-....就死咁，頂唔順自己走先，番到屋企沖涼食野之後就番房睇小說 ，冇計星期五要還俾平仔，頭乾搵周公個女嚕@@~