琴日番工，得我同鑄仔兩個早番，其他番五點，番到去先知死人Jack一早就番左- -...五點，乜人都番齊，夜晚俾媚姐叫左去抹雪櫃，本身正正常常咁抹完就ok，無啦啦xx阿寶見到又話要咁抹又話要抹哩到，之前都唔洗...搞到抹左成個鐘有多，華就俾人屈左去借濾油紙，佢都唔係好知間鋪係邊就俾人屈左去...個經理又話佢借得耐，真係痴線，借完番黎有人教華濾油，佢地好好想野，兩個齊齊換都可以溜油....之後就同肥鳳講，諗住佢處理，佢就話你都知點搞架啦，之後就變左我去處理- -....搞左好耐終於搞完...佢地換完油，推d油去後巷果邊，點知倒瀉左...又要搞...不過哩次好快搞掂，十一點收工，幾累下...之後一齊去左熊貓打機，打完機係公園傾計到天光，早上番去果陣落微微雨-.-....番到去開冷氣即訓...

今日抄英文功課被發現，搞到要留低做，不過唔驚，成班陪我一齊留...個miss放學一黎到就俾左佢睇，佢睇完ok諗住走得，點知要練果首死人詩，搞到五點先走到，番到屋企打俾鑄仔一齊番工，今日都冇咩野做，不過之後就慘囉，夜晚收clo我同鑄仔做左好多野，想死之前d又冇人睇住廚房搞到好多野未做，之後收廁所，換女廁垃圾筒果陣竟然有荼包...好核突...見到都唔想換...但冇計逼住換，難頂....搞左一輪終於搞掂左兩個廁所，之後搞lobby，搞完lobby又番去廚房幫手...超累，點半終於搞掂之後換衫閃人，佢地又叫我去網吧，但我聽日又想番工喎，而且自己又感冒，聲又變晒，好辛苦，都係係番屋企休息下算嚕!~

今日一放學就叫華出黎，係屋企坐到一點半先落熊貓，落到去冇人=.=....有種俾人放飛機既感覺....兩點半再打俾華佢仲係屋企，真係想殺人....等到想死...四點幾終於黎左...之後有個同學都黎左，同佢玩左兩鋪，都係差少少爆機-.-...無奈阿Jack都黎埋，華係到同吳嘉豪互挑，無奈佢走左，得番我地三個-.-.....突然間雄仔同耀都黎埋，有d驚訝@@~華同雄仔玩玩下無啦啦俾人挑機，之後輸左，到阿Jack上，華就話"隊長挑機仲唔買手"之後就走左去"唱"錢，玩左一大輪都係羸多，玩到九點幾走人，去左川味食野，果到D米線真係好正!~食飽飽就送雄仔同阿Jack搭車，我同華，耀就一齊行番去，番到去沖涼做功課，點知唔識做，不過由佢~嘿嘿!~聽日先算，要訓嚕!~

下星期二就係毅進既開學禮嚕，好白痴，早上開學禮，下午就番學-.-...無奈晒....今日約左囉彬食飯，去到等佢放學研究左一輪之後決定去大家樂食=.=...叫左個什麼燒鴨飯食，個賣相就一流喇，仲雙拼tim，食落先知係垃圾=.=....鴨肉冇味，燒肉超"咸"，呃左我幾十蚊!~食完囉彬想去剪頭髮，點知太多人，冇剪到，諗左一大輪都諗唔到去邊為左送佢搭車之後自己就去熊貓坐陣，見到同班d人，同佢地玩左鋪都幾開心，之後走左去睇人玩SEED D，睇完又手痕，走左去新手區玩=.=...玩到第五版無啦啦有人挑機...新手區都有人挑無奈~_~...條友連輸四鋪終於走左，不過自己好白痴，人地走左自己打版圖就輸左...之後肥謙又聊我玩，第二版佢累死我無言=.=....自己打都打到第七八版....玩完之後就閃人上阿哥到，今日契爺生日，齊齊食飯@@~食完玩左陣都十一點半，之後閃番屋企，沖個涼吹頭，嘩，原來差唔多一點-.-....訓覺訓覺!~

琴日唔知咩事勁眼訓，so好早就訓左，一覺訓到今日早上番學，今日d堂都幾難過，不過好彩係放早，上到最後果堂阿Sitr派去灣仔果邊上堂既時間表，見到啞曬....新年放兩日假，聖誕都係兩日，好彩自己生日果日都係放假...每星期二三仲要放六點...好慘呀><...之後阿俊無啦啦 叫我去打機，番到屋企食左飯就落去搵佢，見佢係到玩跑馬機好無聊...但又係咁羸好無奈...之後肥謙叫我挑人機...挑羸條友兩鋪條友冇挑...之後有個勁人黎挑佢無啦啦team人...今鋪輸左...肥謙唔識玩輸都唔奇，條友用細機，睇得出佢勁憎我-.-...係咁兩個打我一個，唔鋸就單挑啦真係~_~....之後阿俊佢地走左得我自己一個係到...玩左幾鋪閃人，番到屋企又係悶到痴線，都係冇野做~_~....係討論區到望望下望到d野，原來結左婚既女人係咁恐怖既- -....睇到都心寒呀...越睇越無奈，之後就冇睇，唉，無聊又有d眼訓，沖涼頭乾訓覺...