琴晚訓極都訓唔著，訓唔著勁辛苦~_~....十二點起身食左幾淡飯坐左陣睇左幾集動畫就番工，番到去都幾忙，五點先食野，夜晚幾得閒，冇咩野做，一到十一點即時拉卡，廢事俾人叫換餐牌- -....不過雄仔中左招，哈!~換完衫就即時番屋企，行果屋企果段路冇人又靜，真係好正，有時會令人諗起好多野，番到屋企時即沖涼訓覺，好耐都冇好好咁訓一覺嚕，成日一合埋眼就諗野，唉，好煩~~

十月六號果日阿Jack生日，果日又要番工冇點慶祝到又唔記得講生日快，雖然之後有補番但真係好對唔住呀，今日同鑄仔番三點，番到去都冇咩野到，一直到夜晚都唔忙，但好悶，冇咩人傾計，冇計，鬼叫自己唔識識朋友，好彩之後阿雞有番，阿雞番左黎先冇咁悶，夜晚狗華整穿飲水個杯再擺番原位，之後櫃檯個女仔中左招，哈!~佢以為係阿雞，阿雞係咁俾人啤，個女仔好搞笑，次次差人野都唔記得，同鑄仔係後巷飲第二餐果陣我地講起阿勤，講講下佢突然從下面行上黎之前都唔知佢落左去，嚇死，都唔知有冇俾佢聽到添@@!~夜晚十一點收工，唉呀呀，原來唔記得左拉卡番工= =....之後搵阿輝搞，搵完閃人， 行番屋企果陣無啦啦個腦入面彈左句野出黎，"可遇不可求"怪怪地咁，到家後食野沖涼就訓嚕!~

今日係明愛正式上堂，去到課室，得一個女仔都唔係好明佢點解會想讀西廚，無奈...之後等阿Sir到就上堂，嘩，好悶...佢淨係對住份野係到講.... 如果係咁不如咪教啦真係自修都得=.=....佢講左成粒鐘，終於有十分鐘休息時間，休息完帶我地去參觀個廚房，又講哩樣果樣，講完番班房，等到六點閃人，放左之後就即時去熊貓搵阿Jack同M仔，玩到十點閃人，走果陣先知自己本野留左係M仔個包包到- -...為有聽日搵佢食飯順便囉番，番到屋企即時食飯，係離開熊貓果陣已經變左飢民><...食完飯沖涼就訓覺，琴晚訓得唔好，為有今晚補番@@!~

今日要去明愛開學禮，有少少緊張，講好左九點三左右到中環地鐵站，點知自己早左成三個字到...好白痴><...齊人之後有個學校既人帶我地去，嘩，行左勁遠先到，好無奈，原來明愛好大，去到入禮堂坐住等齊人開始，原來得幾丁友- -...半個鐘就完成左個開學禮，個阿Sitr仲話今日冇堂，正!~之後佢派野派左成九個字囉-.-....派完帶我地去參觀要上堂既課室，班友見到一個上緊堂既課室有九成都係女仔果陣就係到咆哮...好似前世未見過女咁-.-.....參觀完就閃人，同阿鳴去左熊貓打機，玩到三點半去食野，食完閃番屋企，番到開電腦，見到Sandra上左MSN，幾開心，因為好耐冇見佢嚕，同佢傾左半個鐘佢就收工嚕，同佢傾計都幾開心，唔似其他女仔，得你講佢淨係應你哦， 咁樣好悶，同佢有講有笑，幾好!~Sandra走左之後就訓左陣，訓到八點起身食飯，食完睇左三集動畫就訓嚕!~

今日早上六點九番到屋企，一番到黎唔理三七二十一，即時開冷氣訓覺，一訓就訓到下午六點先起身，起身食左少少野，八點幾食飯，好悶，於是搵漫畫睇，睇左陣，就想訓，哩幾日病到個人都累晒，又咳又感冒聲又變埋，好辛苦，早d訓，聽日仲要去明愛開學禮， 哩排開始番麥當當，搞到好少見到Sabdra，佢又少on喎/_\....唔理啦，訓覺!~