今日早放果陣差點訓著左- -...搞到差少少走唔到，下午四點番明愛，今日番到去都唔係上堂....似玩到，有d人就係後面玩啤牌，有兩班人就買埋撈麵上黎食添，得幾丁友聽個阿Sir講野，不過聽左都冇咩用-.-...照紙讀....岩上堂無耐，班上個傻仔就俾人叫左出去講數，休息果陣連人影都冇埋，唔知點呢，今日早放左十分鐘，喇喇聲閃番屋企，極度眼訓，番到屋企成身汗，喇喇聲沖涼訓覺@@~

琴晚真係多謝阿Jack個sms，睇完之後我就將個sms forward番俾我認為係朋友既人啦，之後見到個名，呆左陣都係forwared埋俾佢，send晒出去之後係張床到聽歌，聽聽下歌佢打黎，我望住部電話，係到諗"佢係咪打錯電話喳?"，呆左幾秒先聽，原來佢冇打錯，之後傾左十五分鐘，佢會打黎真係令我十分之驚訝，打黎既機會率機乎係零咁濟，之後就話要去食飯就收左線嚕，不過都幾開心既，今日要番明愛上堂，去葵芳搵完佢地就一齊搭地鐵去金鐘，我地有十個人，由葵芳去金鐘岩岩好十個站，玩包剪鎚，輸左就要俾人推落車，幾好玩，時間都過得好快，不過我係第四個落車><...係等車果陣，無啦啦有個阿婆行埋黎等車，個阿婆用唔知咩眼神望我又手指指，又話咩俾人斬死哩樣果樣，真係痴線，唔通我企係到等車都得罪佢咩，佢d眼神同說話真係好黑人憎呀，之後忍唔住咪問佢"咩事呀!"，佢就收聲望前面，車到左，車入面既三個同學見到我就係到笑笑口，係車到同佢講番岩岩件事，佢地就問個阿婆係邊，個阿婆真係好黑人憎，又係到手指，超煩，都廢事理佢，去到金鐘就搭的上明愛，唔洗十分鐘就到-.-...放學，班友話開一條友波，咪留低睇下囉，點知係到講數聽日先開波，搞到遲左半粒鐘番工，番到去廚房冇人都幾忙，夜晚幫阿輝拾下野就閃左嚕，今日又係孤單回家><....

琴晚又成晚眼光光等天光，搞到早上番學差d遲到，雖然冇遲，但唔記得左囉PE衫，又俾人扣分，今日大部分堂都係到訓覺咁濟=.=...五點終於放學，番到屋企即時換衫去搵阿Jack，去到玩唔夠十五分鐘就同我講要去陪女=.=.....之後就去左交電話費，交完番黎陪佢等車，佢上車後就自己番熊貓玩左陣，本身諗住去阿哥到食飯，但都係冇去到直接番左屋企，好眼訓好辛苦，沖左個涼好番少少，等埋阿媽番黎一齊食飯，十點阿媽終於番黎，有壽司食，正!~不過食左兩舊仔就飽=.=....頭乾就訓嚕!~

今日訓到十二點幾起身，睇日劇睇到一半M仔打黎，話華今日生日叫我唔好番工出去陪佢，搞完一大輪我都係番工，阿Jack話如果我唔番，耀同雄仔都唔會番，所以我咪番囉，華，今日出唔到去陪你真係好對唔住呀，好彩阿Jack，M仔，明仔都有出，不過唔緊要，下星期五補番，番到去都唔算太忙，少少忙咁啦，夜晚差唔多八點，耀番左黎，八點半我就同雄仔食野，食完野出黎企左陣，媚姐就話洗野叫我做caller，廚房咁就一拖一，不過都冇咩客，又係係十點暴動左一陣，死人耀偷食，搞到d雞仔同雞翅都差一隻，想斬佢咁濟，阿Bee無啦啦問我地囉電話，咪俾左佢囉，原來佢今日last day，十一點收工，幫手換埋餐牌，之後換衫同阿Bee講聲掰掰就閃人，係屋企樓下遇到阿偉，同佢傾左三四個字，一耐冇見突然見番果種感覺真係好正，當然，對方係朋友先得啦，一見就多野傾，哈!~同左佢講話今日係華既生日，佢呆左一呆望左望電話，不過都過左十二點嚕，之後同佢講下星期五會補番，佢即時講果晚叫埋佢@@~傾左一大輪先走，番到屋企即時沖涼訓覺!~

今日做野做到好慶呀，死人鑄仔，話冇心情就好少做野，之後無啦啦幫McCafe洗杯碟，洗左成粒鐘，想鬧佢咁濟，搞到我自己一個中間位成粒鐘，成做死人咩，真係做到著晒火呀，都係太陽報衰啦，什麼五蚊現金卷，搞到咁鬼多人，鑄仔七點幾走左，阿雞班人又成八點先番，不過阿雞冇番到，佢地番到黎又唔做野，得我同Tony做晒，阿勤叫我收十二點，叫左好耐我就話收，之後諗諗下都係濟唔過九點半...終於食第二餐， 同Tong食到十點一先出去，出到去佢地就濾油哩樣果樣，廚房就得我同Tong，好彩冇咩人，係暴動左一陣姐，到十一點，即時拉卡閃人，番到屋企沖完涼諗住飲包野飲，見到好無奈囉，買六支自己飲左支俾人飲左四支囉，大佬呀，唔洗你錢買你都唔洗飲得咁狼掛，都唔夠兩日...飲埋最後一支食左幾塊餅仔就訓嚕!~希望聽日唔好咁忙啦><...