今日小學同學會，係荃灣地鐵站A出口呆企等雄仔，等左成三個字先到，又唔見D舊同學喎，雄仔到左我地咪去另一個出口望望，之後某同學俾我話係A出口，無奈...冇帶眼鏡咩都睇唔清，諗住有人認得自己會黎打聲招呼架嘛-.-...原來佢地係我岩岩企果到後面，啞晒，搵到佢地之後呆左，得六丁友!?等左耐少少得九人，原來到齊了...有個女仔完全認唔出係邊個，原來係B班的，又幾靚女喎，哈!~之後就一齊行去荃灣城市中心，某同學俾我串到無言，好搞笑，我同雄仔就俾人呃左食野，四點半我地就走左嚕，要番工@@!~都唔係好忙，夜仲好靜，罰企左成兩粒鐘-.-...收工阿雞整左杯佢岩岩學識既泡沫咖啡我飲，唔好飲既=.=...好苦，加左三包糖都係咁，拉完卡坐左係到同阿雞傾計等雄仔，十二點閃人，之後同某位舊同學一直SEND SMS，第一次SEND咁耐，打字慢好辛苦-.-...番到屋企都一點幾，正好入睡!~

今日起身玩左陣電腦食個飯就番工，得自己一個番，唔知點解冇咩心機，落野都慢左好多，好彩今日阿雞佢地有番，如果唔係又要罰留堂清潔埋"班房"先走得，夜晚十點，外星人侵入地球呀，成2x個阿叉同時買野食，廚房忙到跳舞，d野又收晒，乜都要炸，肥鳳做Caller，叫香港人做地球人，阿叉就叫外星人，好搞笑，差地球人野就好快有，外星人就要成十分鐘，最搞笑就係問差咩人野果陣有人答差外星人野，哈!~忙完四個字就冇咩人，十點半就出事啦，原來佢地係出面打杖...成地炸彈(汽水)同子彈(薯條)，Lobby條友又唔做野，之後要Yoyo同Tong出去幫手清理，終於十一點，幫佢地換埋牌就閃左嚕，番去果陣打電話同M仔傾左陣，好耐冇同佢傾計嚕，感覺幾好，前日眼鏡瓜左，搞到依家變左瞎頭烏蠅，好多野都睇唔清，不過都好既...好奇心都降低左!~唉，訓嚕，聽日小學同學會，期待!~

終於星期五啦，等左好耐，聽日定後日小學同學會，唔知搞唔搞得成呢，今日心情都唔錯，但Closing果陣我同雄仔都唔肯出Lobby，搞到要阿Jack出，華又話我唔去網吧通頂就嬲嬲地，搞到阿Jack嬲真係好對唔住，下次我會自己收番Lobby，華嬲我都冇野好講，我又唔係奉旨每個星期五都去網吧通頂，而且我都唔鐘意通頂，通完頂累到死，又要晒錢，寧願係屋企訓下覺好過，執好晒廚房d野之後就即時換衫走人，見到阿Jack同華都有種好對唔住既感覺，都唔想係佢地面前出面，咁搞一輪心情差晒，唉... 

眼鏡前日瓜左，搞到依家冇帶眼鏡咩都睇唔清，今日真係好快過，番到屋企仲諗緊出唔出去陪囉彬食飯，諗左一輪都係唔出，好眼訓，一開著部電腦無耐就見到Sandra上線，同佢傾左好耐，之後因為玩Game而遺忘左人，sorry呀><...突然玩唔到，諗住趴一陣床，點知一趴就趴左兩粒鐘==....起身望番msn，原來有人叫我，Sandra番到屋企都上真係少見，傾左成個鐘，好開心，今晚要早少少訓，聽日仲要放遲，又要番工，要好好休息呀><... 

琴日出完街番到屋企都成九點，坐左陣諗住睇一集動漫就沖涼，集動漫睇左十幾分鐘頂唔順番屋企訓陣，訓訓下三點幾醒左起身熄電腦，熄完繼續訓，今次訓得好舒服，訓到第二日十點幾，今日唔洗番學，同阿Jack去左熊貓玩，玩到一點幾去左吉野家食野，食完去左配眼鏡，華打黎，之後就去左熊貓搵佢，雄仔都係到，玩玩下結果冇番到工，五點幾M仔黎埋，玩到七點幾，食左個麵就番屋企嚕，番到去又唔想食野，諗住等埋阿媽一齊食，阿媽囉左牛肉飯番黎，嘩，好難食=.=.............下次自己整上堂教果隻意粉先，好正@@!~