今日放學要留低練詩，個阿Sir上黎就話去禮堂練好個排位就閃得，點知老點，搞到四點九先走得，今日好忙，不過都冇咩幫到手，收爐好似都收左好耐，不過收完之後就有排忙嚕，十一點，開始收Clo，今次同耀收Lobby，好快收完，收收下白菜仔打黎問我識唔識整芝士蛋糕，不過唔識，但聽日之後應該識可以教番佢，之後係到坐，唔知咩事今次好累好累無奈就訓左係沙發到，趴左半個鍾左右等佢地收曬廚房d野就換衫走人，本身想陪佢地去網吧打機，但太累又冇去到，真係對唔住呀各位，番到屋企都兩點九，好彩個肚生性冇打鼓=.=...衝個涼吹頭訓覺都三點幾嚕，聽日仲諗住出去買袋，要訓嚕!~

今日一放學就番屋企整野食，佢鑄仔同細佬上到黎岩岩趕得切整好，鑄仔食左兩兜，自己都食左d，都唔會難食，食完佢地走，唔知有冇病發呢@@?佢地走左之後冇人傾計都幾悶，係到睇動畫睇到三點幾鑄仔話上黎整少少野就走，諗住好快整完咪叫佢上黎，點知整左成粒鐘，另一個fd又上左黎，女仔黎，死鑄仔笑笑口=.=....搞多半個鐘鑄仔走左，我咪整番d意粉俾佢食，佢食完用左電腦就送佢走順便落樓下買野，之後佢send番個sms話好好味，幾開心，買唔到野番左屋企，頂唔順訓左陣，夜晚阿爸叫食飯，食完同菜小姐傾左陣，做左半粒鐘功課就訓嚕!~ 

今日早放，搵左囉彬食飯，行左陣就番中環上堂，岩岩入地鐵站囉彬就打黎話出面撞車=.=...無奈，今日早左少少番去冇咩人，星期三哩堂廢的，so準備左本小說XD...不過好多人都訓左，有六七個就係後面玩鋤D，睇左一個鐘自己都頂唔順訓埋，訓左半個鐘左右起身聽左個阿Sir講左十分鐘就放學，同阿卓行落去地鐵站果陣俾四隻豬女阻街囉，條路已經唔係大架啦仲要四件打橫行，搞到慢左好多先到地鐵站，去到樓下就買左聽日整野食既材料，都幾肉痛，不過整俾fd食就冇所謂啦^^，嘻嘻...

今日d堂好快過，小息食左個麵搞到Lunch食唔落，咬左個包仔就去中環，今日教整沙律醬，唔難整，不過食沙律醬就等於食油呀，加左超多油，好恐怖...整完自己試左一試，超難食...d味又怪怪地，不過又冇整錯喎......之後有沙甸魚食，都ok既又唔算難食又唔係話特別好食，食完果堂就完左，早左成半個鐘，離下一堂又仲有成九個字，咪同佢地去左七仔買d野食，開始上堂啦，不過哩堂係廢的，so係到睇漫畫，睇完一本之後佢俾我地休息左成半個鐘，等人齊個阿Sir講左十分鐘就放學，又早放!! 同阿卓搭東涌線果陣有個阿叔飲醉左坐佢格離，係咁爆粗又驚佢嘔好恐怖...夜晚食完飯諗住睇番集日劇先沖涼，睇唔夠一半就頂唔順要番房訓訓，快十二點先起身沖涼，沖涼繼續搵周公玩o_o...

今日訓到成十二點，爽!~好耐冇訓到咁晏嚕，一點幾食飯，食左好少，四點幾出左去囉眼鏡，行到一半突然諗到自己配果陣唔記得同佢講要咩色=.=...好彩隻色都唔錯，之後去左熊貓望左陣就番屋企，冇野做真係超悶，玩左陣電腦都已經唔想玩，睇左陣電視就去訓嚕!~