又到左星期二啦，番中環同班友玩遊戲輸左搞到要行路上去，佢地就搭的，不過都冇咩所謂，今日番到去教整麵包同雲吞，整完出黎個包好硬可以砍得死人咁濟，之後就包雲吞，都幾好食，唔錯!~第二堂未開始就同幾個同學係到玩啤牌，玩左個幾鐘，最後頂唔順太悶訓左陣，無奈就放得，不過好鬼悶越黎越唔想返呀><...哩排俾人排斥咁濟，冇咩心機，講句野人地又唉唉聲，自己係屋企打機算，夜晚一點幾就訓，廢事個人咁累@@!~

十二點起身，打左陣機就番工，番到去好多人，冇咩野做，不過鑄仔冇番，食完第一餐之後得幾丁友，之後好忙，搞到八點半先食第二餐，夜晚得我同雄仔係廚房，開頭都有d忙，之後就好得閒，多謝yoyo請我飲野，兩杯都咁好飲，正!~收工，即時人，差d俾人叫去借奶=.=....番到屋企乜都唔理就開電腦，玩到兩點幾，要訓啦，如果唔係聽日唔洗上堂=.=... 

早上六點幾先訓，十二點幾起身，食完野沖完涼，諗緊番唔番工好，之後M仔打黎諗住叫我出去，咪問佢出去做咩，佢就答我可以唔出，完全冇野好講，反正係屋企都冇野做咪番工，今日都唔忙係就收工果時忙左輪，放工同阿雞加完盒仔就走左，唉，哩幾日都冇咩心機好唔開心，好耐都未試過咁，成日又冇野做就會諗，好煩，沖個涼一覺訓天光算!~ 

下午四點鐘番學校畢業禮，不過都唔關自己果班事都要番，麻鬼煩，番到去仲要坐到差唔多五點先上禮堂，上到去即時訓覺，六點醒左發覺條友仲係到講緊野，之後佢講完諗住走得，無啦啦有個乜鬼表演，哩次表演完就真係走得，不過都差唔多七點啦!!諗住七點可以番到去點知要八點囉，得一餐，麻鬼煩呀，同鑄仔番到去八點，冇咩心情，D人同我講野都冇應佢地，華同我講野我都冇應到佢，果時冇心情唔想出聲，算啦，反正前幾日開始佢地班友都唔多理我，唉，十一收鋪，喇喇聲搞掂晒D野就係到坐，又冇人講野，勁悶，到左點幾同佢地講番野，之後就係到玩鋤Dee，玩到兩點半換衫走，走果陣阿Jack俾人叫幫手整野，整完諗住走得架喇，但行出去又俾人叫番轉頭，搞一搞三點半先走得，我同鑄仔就番屋企，Jack就陪雄仔，華坐到六點先走，肚餓，去左七仔買野食，去到小巴果陣先發現原來已經冇車...被逼搭第二架，落車果陣見到兩隻龜，係咁望住我地，幾驚俾佢地逗，好彩冇事，番到屋企都四點幾，依家諗緊訓唔訓好@@!?

今日早放，係屋企玩電腦玩到五點幾阿Jack打黎問我番唔番工，諗左陣都係番反正冇野做，不過今日冇咩心情， 咩都唔想理咩都唔想做，做乜野都冇晒心機，唉唉!~十一點收工就走人，佢地幾個應該係去天下通頂，佢地知我唔去所以都冇叫到我，哩排都唔知做乜，唉!~有種俾人"杯葛"既感覺，不過自己都知發生咩事，唔想諗咁多，訓覺算...