琴晚一點幾訓，係張床到趴到兩點幾三點訓唔著，餓醒左=.=...之後食左少少野諗住可以好好訓番覺，點知眼光光等天光...番到學校全程訓覺咁濟，對眼超神奇囉，識自動合埋，可以眼訓成咁...本身諗住唔番，但結果都係番左，下午早左少少放學，就去左搵佢地一齊玩，耀同華俾阿Jack呃左出黎，阿Jack叫佢地番工，點知同我打機打到八點幾就話太遲唔番去食肯德雞，笑死!~食完閃人，上左阿哥到print份功課，陪佢玩左陣，個24寸mon真係好正-.-.....不過又覺得太大，十一點九閃人番屋企，頂唔順好眼訓，沖完涼即時趴床><.... 

今日十二點鬧鐘響，諗住起身用陣電腦番工，點知賴床賴到一點先起身-.-...去到太子耀話去聯合望望，咁岩撞到阿Jack同鑄仔陪佢地玩完就一齊番工，嘩，好多人...中間位成五個=.=...我同耀就去左後面"罰企"，哈!~好多人都唔鐘意個新人，成日潛水caller叫落包又扮聽唔到，今日串左佢兩獲串得好應@@~夜晚突然忙左陣，十一點收鋪，同耀幫手起晒d椅就閃左嚕，聽日番學放五點，麻鬼煩~"~...算早d訓...

今日早上八點番到屋企，訓到三點起身食野番工，番到去做野做到六點果陣我，媚姐，阿樂就估阿雞班人幾點番，媚姐估六點半，我就七點阿樂七點一，點知...全部都唔知....佢地係唔番!!!哩次大獲啦真係，三個人收clo...收鬼收馬咩真係...搞到要阿輝收爐濾油=.=....好彩之後阿健番左黎，夜晚夜雞同阿伯都有番，Tony又肯留低，正!~以極速收完Lobby走人，趕到最後一班地鐵，前日黎左幾個新人，有一個俾到我一種好虛偽既感覺，一入黎就周圍聊人傾計，扮熟拉關係，做野又唔見佢咁勤力，Caller叫佢掉垃圾佢連垃圾都囉唔郁咁濟，去掉果陣又話臭，垃圾掉到一半又要人執手尾，岩岩入黎做幾日就好多人唔鐘意佢，雖然今日幫手收Clo不過唔係好累，一陣睇埋集日劇先訓@@!~

今日放學背書果陣班友勁吵呀，就快頂佢地唔住，搞左一輪先放到學，放左學換衫番工，今晚極速收野呀，十二點半就收完，諗住可以走得，點知阿健換油果陣倒瀉油...真係中晒獎，佢八點搞到一點幾先搞完，我地都係，但搞完都仲未走得呀><...要等出面d師傅整晒野掃埋先走得，走果陣都兩點半，之後就去左天下玩三粒鐘就走人，番到屋企八點即訓...

今日唔洗番明愛，放左學換完衫就去左搵囉彬食飯，食完飯就去搵華，玩左鋪就一齊番太子，囉表俾囉彬填，填完就番工嚕，番到去諗住收十一點，之後華叫我收埋clo，我應佢收，之後話番都係唔收，佢有d嬲嬲地，不過真係sorry><...唉，最近都唔知搞咩，成日應承左人既野又突然之間改變，總覺得哩排怪怪地，夜埋一拖二，做到跳舞...十一點半收工走人，佢地就要繼續努力....今次企左好耐又跑黎跑去，對腳好似唔係自己既咁，辛苦，終於番到屋企，沖完涼打埋日記就訓嚕!~