今日班友都唔知咩事，上堂係咁大嗌，五堂內有兩堂叫左訓導上黎，好無奈，少少事都係到嗌特登製造混亂，搞到想睇書都睇唔到，下午番中環果陣係地鐵撞到阿俊，之後一齊番去，今日都冇上堂，全程睇小說，不過本野好好笑，哈!~放學搭地鐵番到葵興就行上去，一邊睇一邊行，唔經唔覺就到左樓下，搭電梯先發覺格離個女仔由葵興開始就同我一齊行左上黎仲同一座樓-.-..番到去就打機，玩到一點就訓嚕!~

星期二，每星期最麻煩既一日，今日上堂教整龍蝦湯同埋海棉蛋糕，兩樣都唔難整，原來海棉蛋糕本身自己已經識整=.=...不過冇機器輔助就麻煩好多，之後仲有燒春雞食真係好正!~咁多野食下次都係唔食lunch直接黎哩到食好過，今日好累，番到屋企食完飯就訓嚕!~

今日未放學M仔就打黎問我去唔去熊貓，諗左陣都係去，反正班友都係到玩一陣同佢地番去員工大會都好，玩玩下無啦啦就話唔去，是鬼但-.-...不過我去左同冇去都冇咩分別，都冇人理我講野都唔多句，有條友同佢講野又扮聽唔到，算數，無咩心情，陪佢地等埋車就番屋企，番到去自己煮個麵食就係到打機，遇到個好人，正正@@!~一個唔覺意玩到差唔多兩點=.=....睇黎聽日上堂又係訓架喇...

今日十點都未夠就起左身，第一次呀，起身玩左陣就煮野食，玩到兩點番工，鑄仔冇番，番到去開始都幾得閒，突然間五點果陣有四個人要去沙田學新廚房...得我同阿伯企中間位...超級忙... 今日都唔知做咩，係咁俾油彈親隻手，好痛呀><...夜晚七點半佢地番黎，番到黎仲食野添...有個仲食左好耐囉唔叫都唔出，之後終於輪到我同阿伯食野，唔理啦食夠一粒鐘先出，出到黎又忙，有條友係咁潛水，得我同雄仔努力，十一點收工即時拉卡走人，雄仔陪我搭地鐵冇咁悶，聽日仲要番學早d訓先@@!~

琴晚成四點先訓，一訓就訓到第日一點，好舒服，起身發覺右手手臂有d痛痛地，食完飯出去搵佢地，落左熊貓一陣就陪佢地去食野，食完野雄仔話買電話，係南豐睇唔岩之後就陪佢去旺角， 順便買袋，行左好耐都係睇唔岩番去葵芳買=.=....諗住哩次買到，點知都係買唔到，貨不對版點買得落手呢，突然想食糖就去左下面夾，夾完先發覺夾太多，白痴左-.-...算，慢慢食...番到屋企岩岩好食飯，正!~今日好累，行左好耐，右手又痛...今晚都係早d休息聽日返工@@!~