今日返10/10，只係帶左一個飯盒，晏晝叮左黎食，夜晚仲諗緊食咩，麥sir走黎傾計，講下講下，講起紅薯粉，於是心郁郁想食紅薯粉。今晚好多謝麥sir幫我守住個門口，我可以同ivy一齊落街買薯粉食，順便散下心，唔使對住個counter咁悶。買埋麥sir 果份就返去開餐，三個人屈係個counter一齊食，好迫，但好開心，仲好好味~

第一次食依間紅薯粉，好好味，好似好食過上次同小高去個間。

 <--依間野就係公司對面

<----依張相，係openrice搵到既乾撈，因為我自己無影相。
同埋我係食湯，寬粉、走葱花、小小辣、腩肉+雞翼。食完個嘴麻麻地...好過癮，唔會好重花椒味，d酸菜好食，我喜歡，正正正正！食完都唔會話飲好多水。下次同小高食依間先！

今日收工，好有心機，做左好多野。首先收去左佳宝，買定星期六BBQ既食材，因為聽日星期五返10/10，無時間買，今日買定，咁星期六就可以朝早起身醃定D野食先。買左2磅雞翼、5塊豬扒、3塊牛扒、3塊牛仔骨、2個火雞腎...1個洋蔥，咁就買左我一百蚊，依家D野貴到呢！！袋野好重，去到巴士站，望住兩架61M走左，好彩今日好快有巴士，仲係SPECIAL班次，吉車埋站~YEAH!

食飽飯，整左個椰汁西米糕，今次......

(閱讀全文)

以過往既經驗，其實如果一對情侶拍拖返深圳揼骨，其實好悶，特別係女仔要一個人去換衫，沖澡唔可以沖太耐，唔可以做桑拿，浸水，因為會怕男友係出面等。或者換好衫出到去搵番另一伴，但唔見人，唔知係邊既感覺都幾無助。所以呢！揼骨依d活動，要人多先好。最後我都陪麥小姐，唔想佢一個人遇到咁既情況，所以麥小姐+馮生+馮生朋友+me，四個人一齊北上。

唔知係咪真係d中葯唔夾，食完個人好躁。所以為左北上既事同輝輝嘈左一輪......

(閱讀全文)

今朝出門口前，先影番張大合照先！有雙蒸米酒、酒餅、糯米三位∼ 

跟住就同糯米沖個靚涼，大陸黎既，果然污糟ｄ，洗左幾次．．．．跟住就浸佢，浸到我睇完中醫返，就蒸佢∼生米煮成熟飯！！跟住尤佢冷靜一下（用左成個下午）。（同時間我又煲緊我ｄ中葯．．．好難飲）

原來ｄ酒餅好硬架，要用麵粉ｌｏｏｋ顏碎佢！！

等ｄ飯涼左，就可以開始入樽！

原本既米酒、酒餅、糯米，變左！大佬、二佬、細佬

 ......

(閱讀全文)

今朝一早出左葵芳睇中醫，去到都仲要等左九個字先到我，入到去，遲醫師都幾得意。全個診証過程，我都無講到三句。全部都係遲醫師講晒，佢話我濕氣重，所以ｎｇ　ｎｇ唔好，．．．．（秘密），肚成日有風，（嘩．．．中晒），肺虛，氣管弱，成日抖唔到氣，胸腔會覺得痛，一病就會咳，仲要好難好（又中．．．ｂｕｔ我有少少鼻敏感依樣野，我又唔係好覺喎），仲有少許肝火，雖然人係斯文，但脾氣唔好（依樣野，又中．．．．．），講左......

(閱讀全文)

半年啦！！終於都DICK起心肝，走去搵酒餅準備釀我既糯米酒。話說好幾年前，帶團中短(唔記得去邊)，lunch既餐廳奉上一杯糯米酒，一飲，又甜又香，正，連導遊果杯都飲埋！哈~...到依家都無再飲過。有d回味~

另一個想釀酒既原因係我掛住一道餸。又係幾年前，係 KL 既肉骨茶檔食過一次黃酒雞(果時行程包依個餸)，好好味，雖然果次因為係司陪餐，坐係外面，無冷氣，食到身水身汗，但我仲好掛住佢呀！！

今次酒......

(閱讀全文)

越黎越enjoy依種同廚房拍拖既感覺，但絕對要係整甜品，因為咁樣先有戀愛甜蜜既感覺嘛~唔好要我開油鑊，煮到成頭煙....我好怕....

尋晚諗著整埋半盒淡忌廉，所以整左我最鐘意食既焦糖雞蛋布丁，貪佢既焦糖有種香甜既感覺，濃濃既雞蛋味！今次淡忌廉既份量同牛奶係2/3比1/3。出黎既效果比1/2:1/2既軟身，個口感都唔錯，仍然都係咁好食！

大家有無發覺呢！香港人由細到大，快餐店更有一間係你左右，你一定有食過。記得小學果時，巴士站有間大快活，我會特登儲錢，放左學買個$11既炸雞脾黎食，好好味架！！(不過各位，依家再搵唔到炸脾....全部得番油脾....好唔開心!!)

仲有小朋友果時，最HIT就係一家人去大家樂食燒春雞！一人一個膠手套咁渣住食，諗番都幾開心！！

中學果時呢！大快活出左一個米飯漢堡，好難食，所以已經消失於世上。

到依家大個，仍然......

(閱讀全文)

好似都有一段時間無同麥小姐，小桃食飯，所以呢！都係時候食番餐飯。原本想食得平d，食魚鱻米線or紅薯粉，但小桃有少少意見。係等佢地兩個收工到黎荃灣南豐時，我一個人行左去美心 MX，見到有火煱，跟住就諗...食火鍋都好喎！！

經過麥小姐既意見，覺得大家樂平D，所以轉左去大家樂打！但係大家樂就要8:30PM後+餸半價，所以都係等埋小桃黎到先叫野食。三個女仔，叫左兩個SET，再加兩份肥牛，......

(閱讀全文)

下午emily打黎話食飯，於是夜晚又出左街，順便買d野，準備為ebay生意下功夫。出去果時，貪方便，行左最近既一條路出去巴士站(其實朝朝都行依條路)，點知行到中段，見到個阿伯，意為做咩啦！

伯︰頭先有個陌生日人係到丫，我地追佢唔到，唔知佢行左去邊
me︰吓....唔係依條村住架？(但我好講，我住左係到25年，我都好似無見過你喎！...)
伯︰你小心d行，如果有咩事，你大嗌啦！我地會幫你
m......

(閱讀全文)