今早起身，洗衫，幫d貨影相放上網賣，跟住就開壇整椰汁糕，摺兜兜摺左我一個中午，因為d班蘭葉太細塊，所以個個都穿底，哈哈，再攝多塊細葉落去，攪掂！！下次都係用蕉葉算，因為屋企大把，唔駛錢。等我星期四放假，睇完中醫，就去花虛逛下，上網有人話花虛有班蘭既盆栽賣，買番一盆係屋企種，咁到時我隨時興起整甜品都有材料啦！！唔駛俾d印尼舖鋸到一頸血。

材料準備好

開始摺班蘭葉

失敗品.....用左泰國生粉....可能放太多...變左好似食鼻涕咁滑....好核突丫.....

尋日收工，見有少少時間，走左入去一間印尼舖逛，買左包黃咖哩，諗著遲d再整多次咖喱魚旦，跟住又睇下d班蘭葉，想買，但見佢唔新鮮，問過一磅要 $20, 散買 $0.5一塊...好貴...又唔靚，所以買左包咖哩醬就走。點知行多一個街口，新開左間連所式既印尼舖『營多』，好似一間mini store，遇到一個好熱心既sales姐姐，仲教埋我點摺椰汁糕個兜....仲係雪櫃......

(閱讀全文)

近來太陽伯伯比我們還要早下班，接近傍晚時分......從辦工室的窗外眺望，華燈初上，夜幕低垂的情況總令人想到海邊，望望秋冬的日落...那個像咸蛋王的太陽慢慢從水平線上消失，不再像夏天的熾熱。

一段回家的路上，黑夜中，漸漸寧靜起來，少了蟲鳴的伴奏，多了明亮的星空跟隨左右，.....

輝輝︰聽日食飯會食到幾點呀？
me︰唔知架喎！！食飯邊計到時間架！咁你同john食飯又會食幾耐？
輝輝︰兩個男人食飯，食飽返到屋企11點前啦~(個陣時係晚上9點半....係john屋企門口，即係1個半鐘時間)

心諗！好，我就等睇完電視打去睇下佢返左屋企未先~到時未返到就知味道！！

點知....當我10點9打過去，輝輝話佢已經返到屋企沖埋澡.....唉.....捉唔到佢痛腳添~可惡.....

bu......

(閱讀全文)

話說呢！尋日下午手提電話響起，個sales問張生係唔係到，果刻個人有少少呆左....但公司電話又響...叫個sales hold住.....到我聽完公司個電話，個sales已經cut左線....但我最後都唔知佢係邊間公司打喎！

唔知係咪因為依個電話，所以尋晚發夢夢見張生，但究竟個夢講d咩，已經完全唔記得晒.....總之係一個惡夢。

依家唔駛出團，日日都坐係屋企陪媽咪睇電視，睇到好多新廣告，好正，好touch....為大家誠意獻上，special for 身在加拿大既 wilson兄~

stay by me~維他奶，好想快d到冬天，飲番支暖暖既麥精，好warm 好sweet~

再黎多個，每一個香港人都睇過既tempo紙巾廣告，每次睇完都會忍唔到笑....

今日係msn聽zoie講，peggy's 肥豬's狗仔走左，聽到個消息好唔開心，因為我自己都係養狗既人，好明白自己最忠心既朋友走左，個心有幾難過。又令我諗番起小白，每次諗到見唔到小白最後一面，好遺憾，好唔開心...每次都會喊.....今晚都一樣。 

zoie其實我屋企唔係好大既咋.....一眼睇晒

依家得番小花陪我.....

從前覺得好大既屋企，依家變得好細

各位朋友唔好再問我講電話時係咪去左海邊，我只係坐係廳既門......

(閱讀全文)

連返左五日工，終於都等到星期日休息。諗著可以係屋企hea下，點知姑媽姑丈係沙田入左黎屯門，咁就俾媽咪拉埋我出去飲茶，咁又洗左$230 for 6 個人.....所以飲完茶同媽媽去supermarket入貨時，係咁執我想要食同要飲既野，因為媽咪找數嘛...heehee，but最後坐的士返屋企，竟然係我俾錢.....早知係咁，我就攞多包薯片啦！！蝕左.....

返到屋企，就開始整我諗左好耐...好想整既......

(閱讀全文)

上次出團執料當日，係保華10/F，果時瑩瑩已經話我知7/10食蟹，但我完全無收過消息。最後原本由7/10，改期改到10/10既KF蟹宴終於都等到啦！！今次盛會設於henry屋企，原本返左成日工，好攰，好想返屋企休息，但難得齊人，同埋想開心一下，依排個人成日都唔係咁開心咁，所以最後收左工，坐左$30的士由公司樓下坐車去葵盛(原來咁鬼遠既！)，由蕃薯落樓黎接我。無問到有d咩人出席，一去到......

(閱讀全文)

平時都好鐘意返星期六，因為老闆唔係到，好free好自由...但今日例外。因為今日centre搞新聞發怖會，一返到黎好多野要準備，錄影、影相、準備依樣，準備果樣，影影影...影左好多相，影完相又要準備俾老闆揀相，揀好左，又要發新聞稿 email俾其他傳媒，跟住接好多電話，用左幾個字時間叮左個出前一丁+牛丸(係屋企帶返公司)黎食，跟住又要準備set cam錄下午既電腦班，睇埋由上個星期......

(閱讀全文)