今日就係返學嘅日子，
又要一早起身啦，
真係好唔想呀．．．
換左夏季嘅我，
都係覺得好熱∼
我完全可以體會到到今日都係著住冬季嘅人嘅感受．．．

今日返學嘅野都冇咩特別，
係我眼中，
一樣都係上堂等落堂、返學等放學嘅苦悶生活∼
聽日放學之後希望唔好有任何活動要去，
因為我要即刻趕去圖書館∼
諗起都覺得可悲．．．

都ｅ＋都仲未決定到究竟２２號果日去唔去沙田補考中級章好∼
琴日話俾馮ｓｉｒ知我同珊珊考唔到中級章果陣，
佢雖然好似冇咩所謂、唔介意咁，
但係我知道佢心入面一定好唔開心同失望∼
我都唔想到我退出交安果陣都只係得１個初級章，
但係，
我唔想咁早起身；唔想見到ｄ我唔想見到嘅人同事；想係星期日做功課；想係星期日可以輕鬆下，
所以，
我都唔知點算好∼
我ｅ＋覺得好矛盾，
如果我去考嘅話，
算係為左邊個去考呢個中級章呢？
只係為左唔想令馮ｓｉｒ失望吖定係真心想為自己考一個榮譽返黎呢？

我真係唔知自己想點∼
煩，煩，煩；
忙，忙，忙∼