今日我勁唔ｈａｐｐｙ，
發生左太多事，
搞到我成個人都好混亂．．．

上中文堂果陣，
俾「暴龍」叫左起身答問題∼
我冇做到，
本來我係可以即場諗，
但唔知點解我就係諗唔出，
所以就俾佢罰左我抄∼
呢種咁嘅情況，
同上年俾陳ｘｘ叫我起身背詩嘅情況一樣，
我忽然有一種不祥嘅感覺∼

差唔多放學果陣，
３個老師上左黎，
話２ｅ有ｄ人唔見左通識書，
所以要搜全級ｆｏｒｍ２書包∼
後尾就搵到幾個「嫌疑犯」出黎，
跟住就帶左佢地落去禮堂寫口供紙∼
走之前仲同我地講話我ｌｏｃｋｅｒ∼
如果再有咁嘅情況就要停用ｌｏｃｋｅｒ咁話喎．．．

無奈．．．
咁就遲左半個鐘先走得．．．
返到屋企嘅我，
仲係度發「吽哣」（發呆）．．．
今日嘅我，
心情勁ｄｏｗｎ．．．