今日學校請左黃埔軍校ｄ人黎教我地步操、示範升旗同軍體拳∼
朝早返到去就一直企，
企到差唔多９點幾∼
返到課室又無聊，
一直等打鐘．．．

９點５５就落左去步操，
佢教果ｄ野同上年嘅一樣，
冇咩新意．．．
本來諗住如果今日落大雨就可以唔洗步操，
但點知佢話要係有蓋操場度步操，
真係奈佢唔何．．．

可能係因為我隻右腳之前整傷過２次，
所以今日練「蹲下」（踎低）果陣隻右腳超痛，
好似成個人失哂平衡，
痛到我幾乎想喊．．．
幾經辛苦先捱到食飯，
上６樓果陣個人腳步浮浮咁，
仲勁過「拍」丸仔果陣．．．

午息之後又要繼續操，
企到我腳都斷咁濟．．．
步完操之後上返班房執野，
執完就同左珊珊去２樓搵馮ｓｉｒ，
等左好耐先搞掂呢單野，
冇啦啦仲要係咁俾珊珊「鵝」，
激到我成肚火，
乾脆唔理佢∼
最憎俾人「鵝」同俾人「屈」！！！

返到ｈｏｍｅ之後，
全身ｄ骨頭好似散哂，
對腳最傷，
ｓｏ就「啦啦林」沖返個熱水涼，
浸下佢∼
不過沖完涼之後都係好累，
好想ｓｌｅｅｐｉｎｇ．．．

今日全日嘅天氣都好唔穩定，
到左下午果陣就開始落大雨∼
我寧願佢聽日落足全日雨都唔好係今日落∼
因為聽日落大雨就可以唔洗步操啦∼
唔該吖，
聽日有咁大就落咁大；
有幾耐就落幾耐啦．．．

今日唔洗上ｄｒａｍａ堂，
睇《貓女俠》（《Catwomen》）∼
呢套戲好好睇∼
係講一個女仔因為知道左ｄ唔應該知嘅野，
就俾人殺死左，
後來就俾一隻埃及貓救左，
隻埃及貓仲俾左靈活到好似貓咁勁嘅身手俾佢∼
後尾佢就因為要搵返害佢嘅人同原因（佢唔記得左），
所以俾人陷害，
好彩之後都可以沉怨得雪∼
不過就最後離開左鍾意佢嘅警察，
四處幫人∼

呢套戲好正，
ｄ演員做得好好∼
ｄ動作超勁∼
總之就好好睇∼
成個ｄｒａｍａ堂同奮進堂就係度睇戲∼
之後一打鐘就走左∼
出面落住超大雨．．．
要落聽日先落啦，
ｏｋ？．．．

今朝６點幾就起左身，
梳頭、換衫、戴帽，
搞掂哂所有野先７點２０．．．
８點就落左去同珊珊一齊返去當值∼

返到去，
等到８點３５先集合∼
之後集隊、點名、分配人手∼
我同珊珊就去左守升降機，
佢係升降機入面，
而我，
就係升降機出面∼

企左一陣就被人趕走左去守樓梯∼
好彩有珊珊陪我．．．
之後９點４０左右呀媽黎到，
搭升降機上６樓接受死刑∼
去到課室，
呀ｓｉｒ同ｍｉｓｓ好得閒，
係度傾計，
我同呀媽入左去∼
本來因為呀ｓｉｒ得閒，
所以佢地諗住２個一齊見，
好彩俞俊傑同佢呀媽入左黎救左我一命，
呀ｓｉｒ走左∼
跟住ｍｉｓｓ就係咁講，
係咁講，
講埋哂ｄ廢話，
仲用師奶嘅身份同我呀媽講「師奶經」，
聽到我超級無奈．．．

ｍｉｓｓ話我第二個學期退步左幾名，
全級２０幾；全班７、８名；平均分６７點幾∼
不過我就唔信我全班７、８名，
２ｂ咁多勁人，
以我咁嘅成績係全班７、８名！？
唔信囉∼
之後講左一陣就走得∼
我就叫呀媽去下邊攞ｄ曲奇俾我，
ｅ＋先發覺做家長係有ｄ咁嘅著數．．．（因為淨係得家長先可以攞曲奇）

之後當、當、當，
當到１０點半就走人，
去左買雪條∼
之後同珊珊係乒乓波枱果邊坐＋吹風，
爽！
１１點幾佢呀媽黎到，
我跟埋佢地上６樓∼
之後佢地就入去見家長，
我就等足半個幾鐘．．．
一路等一路吹海風，
好爽好舒服∼
ｍｉｓｓ招同ｋａｍ　ｓｉｒ勁長氣∼
之後等埋佢地就一齊走∼

行返尚德果陣，
見到《寫意人生》入面果個「黃智賢」同一班人入左宣中攞車，
之後佢地就走左∼
第一次見到佢，
佢超高，
又黑又大隻．．．
跟住去左ｍ記陪珊珊食野∼
等左超耐先有位∼
食完就落左街市買我嘅午餐∼
之後就各自返屋企∼

本來我今日嘅心情都ｏｋ，
不過俾一個人破壞哂，
見到佢之後令到我覺得成個人好亂，
好煩．．．
最後，
祝願「哥哥」你安息，
你嘅風采會永遠留係我地心入面∼
雖然我唔係你ｆａｎｓ，
不過我都好欣賞你，
希望你會係來世生活得快樂ｄ∼

終於都到星期五啦，
後日就係家長日啦∼
又要６點幾起身，
星期日喎，
俾我訓晏ｄ都唔得！？

今個星期大致上都過得唔錯，
但係間唔中又會因為ｄ小事而嬲．．．
我真係唔了解自己，
都唔知自己究竟想點．．．

下個星期淨係要返２日，
星期一要上ｄｒａｍａ，
唔想上；
星期二要接受步操訓練，
上年都有呢個「節目」，
話係學校為左慶祝香港回歸而特登請內地ｄ人黎教我地步操∼
我記得上年步完操之後成身散哂，
超級累．．．
我諗今年都係差唔多嫁啦∼

今個復活假放１２日，
功課唔算多，
不過就好多野做，
好忙．．．
交安又要考中級章喎，
聽ｄ人講話好難，
仲要考好多日∼
我覺得我呢個假期都「凍過水」嫁啦．．．

　　　　　　　　　　　　　　　　　　　　　　　　　　　　　　　　　　　今日我勁唔ｈａｐｐｙ，
發生左太多事，
搞到我成個人都好混亂．．．

上中文堂果陣，
俾「暴龍」叫左起身答問題∼
我冇做到，
本來我係可以即場諗，
但唔知點解我就係諗唔出，
所以就俾佢罰左我抄∼
呢種咁嘅情況，
同上年俾陳ｘｘ叫我起身背詩嘅情況一樣，
我忽然有一種不祥嘅感覺∼

差唔多放學果陣，
３個老師上左黎，
話２ｅ有ｄ人唔見左通識書，
所以要搜全級ｆｏｒｍ２書包∼
後尾就搵到幾個「嫌疑犯」出黎，
跟住就帶左佢地落去禮堂寫口供紙∼
走之前仲同我地講話我ｌｏｃｋｅｒ∼
如果再有咁嘅情況就要停用ｌｏｃｋｅｒ咁話喎．．．

無奈．．．
咁就遲左半個鐘先走得．．．
返到屋企嘅我，
仲係度發「吽哣」（發呆）．．．
今日嘅我，
心情勁ｄｏｗｎ．．．

話咁快又到左星期六∼
今日天氣好唔穩定，
出街果陣開始落雨，
後尾就同左ｂｅｔｔｙ去佢屋企攞遮，
之後就出發去圖書館∼

我地一路行，
一路講，
最近突然發覺，
原來廖ｓｉｒ好似曾蔭權．．．
之前佢做我六年級班主任果陣都唔覺，
係我同ｂｅｔｔｙ呢排先覺得∼
不過佢地有２樣野好唔相同，
第一係佢地嘅地位，
廖ｓｉｒ只係一個好普通嘅小學教師，
而曾蔭權就係一個高高在上嘅香港特首∼
第二就係佢地嘅身高，
廖ｓｉｒ高過曾蔭權好多．．．

去到圖書館，
行左好耐先搵到５本，
之後同ｂｅｔｔｙ去電腦果度查野果陣見到一個好耐冇見嘅人－－連焌煇．．．
佢同２個女仔一齊坐．．．
佢高左好多，
又醒目左好多．．．
睇落去好似成熟左．．．

本來我地諗住搭巴士返尚德，
點知ｂｅｔｔｙ臨時反口∼
咁我就唯有無奈咁行返尚德．．．
行行下就見到前面有一班踩住單車嘅人，
原來係何文傑、吳金泳、余晉亨同何敬豪果班人∼
佢地個樣勁乞我憎∼
本來今日見到連焌煇係一件開心嘅事，
點知好心情話咁快就俾佢地破壞哂！！！
哼！！！！！！！！
激死我！！！！！！

今日上中文堂果陣，
出左去講野∼
我覺得我今次講得好過之前果幾次，
起碼講完返到埋位之後冇面紅．．．

食飯果陣，
課室冇哂餐具，
ｓｏ我同糖姐落左５樓諗住去問ｍｉｓｓ鄭借，
點知我地２個都唔夠膽．．．
點算呢？
冇餐具唔通用手食．．．！？

就係呢個咁危急嘅關頭，
好彩得到馮ｓｉｒ嘅仗義相助，
小女子感激不盡∼
不過馮ｓｉｒ欠左我地交安咁多野，
ｅ＋俾返小小利息我地都唔過分啫．．．
最特別嘅就係馮ｓｉｒ竟然俾左１大袋餐具我地，
結果呢ｄ多左餐嘅具就俾我擺左出老師枱∼
今日又有我嘅至愛－－黑加侖子味啫喱食，
正！！！

今日唔洗上ｄｒａｍａ堂，
因為關心大使要去樂富參觀香港殘疾青年協會嘅總部∼
搭左３個幾字車，
一路搭，
一路想嘔．．．
去到之後就同我地介紹左呢個協會係乜東東，
同埋介紹佢地為殘疾人士而設嘅先進設施∼
最好笑嘅就係佢地介紹輪椅俾我地識嘅時候，
就叫我地輪住黎試下坐落去嘅滋味，
另外一個人就負責推∼
我首先推左家宜出去出面，
跟住家宜就推返我入去∼

坐住輪椅嘅感覺係好特別，
ｄ風迎面吹過黎，
但係自己唔洗郁就可以移動，
感覺係又新鮮又特別∼
ｅ＋自己終於都了解究竟傷殘人士坐住輪椅嘅感覺係點∼
雖然坐係輪椅度嘅感覺係好舒服，
但係如果俾我揀，
我寧願辛苦ｄ用腳黎行路，
我都唔要一世坐輪椅∼
我覺得辛苦嘅自由都總好過舒適嘅束縛∼

之後佢地又帶我地去左參觀佢地轄下嘅殘疾人士工作嘅地方∼
跟住我地就返左總部，
開左一陣會，
傾左ｄ學校黎緊會同協會合作嘅事∼
跟住我地就搭車返學校∼

攞左書包就同糖姐去左地鐵站嘅零食物語買野食，
我本來諗住用＄２５買４樣野，
點知俾錢果陣先發覺我睇錯左價錢牌，
實價係＄２６，
因為我唔夠錢ｓｏ就問左糖姐借１蚊．．．
好彩有同糖姐黎，
如果唔係唔夠錢俾果陣都唔知點算．．．

今日，
終於都派埋最後一份卷∼
今個學期嘅成績都唔錯，
我都滿意∼

今日，
終於都調位∼
本來我就調到去老師枱前面，
我勁唔ｌｉｋｅ呢個位，
坐得又前，
又冇自由．．．
好采佢地將我同陳詠如對調，
我最後嘅座位就係係我ｌｏｃｋｅｒ附近∼
呢個位正好多∼
唔洗俾老師望住哂，
攞野又方便∼
正∼

奮進堂果陣落左禮堂聽講座∼
有２個人上左台做粵劇，
本來以為會好悶，
後尾睇到佢地ｄ表情同動作真係幾好睇∼
簡直係拍爛手掌呀！！！
之後周ｓｉｒ留左我地同ｆｏｒｍ１係度講左一陣野就放人∼
我地班仲攞左班際借書比賽亞軍，
每人有１粒薄荷朱古力，
好好味，
呢隻朱古力都唔係平．．．
有得食都算係咁．．．

第二學期考試成績：
中文：閱讀：65-66/100　　英文：Writing：69/100
　　　聆聽：25.5/40　　　　   　   GE     ：46/100
　　　寫作：69.5/100              Listening：24/48
         口語：23/40                       Oral   ：10/15

數學：MC：68/100         電腦：66/100
      LQ：58/100            中史：68/100
科學：63/100　　　　　 體育：52/100
通識：71/100　　　　 普通話：73/100

終於都睇哂呀！∼
終於都大結局啦∼！

追左《花樣男子２》差唔多２個幾月，
今日，
終於都睇哂啦∼
除左唔捨得，
同時亦覺得放鬆哂∼

始終都係覺得日版好睇過台版，
劇情緊湊ｄ，
感情細緻ｄ，
角色順眼ｄ，
配樂好聽ｄ！
最緊要都係，
結局正ｄ∼

唔經唔覺，
都睇左２個幾月∼
不過，
睇到一套高質素ｄ嘅日劇，
就咩都無所謂！

總之就係，
《花樣男子１，２》正！勁！好！

今日早會完返課室之後，
呀ｓｉｒ同ｍｉｓｓ話由下個禮拜三開始，
每個人都要寫一篇周記．．．
我覺得好無聊囉，
無啦啦寫咩周記呀？
都冇咩好寫嫁啦．．．

小息出左去攞通識書，
佢地（商務印）話我之前已經攞左，
佢地仲有記錄到∼
但係我最近先知可以攞，
屋企人又唔會幫我去攞，
況且ｍｉｓｓ蕭話今日商務印ｄ人會黎派書，
我又何必多此一舉呀？
都唔知係邊個咁大整蠱．．．

中文堂默書，
我５２分，
錯多一個字就唔合格，
真係好采∼
不過下個禮拜又要出去講野（口語訓練），
攞命+慘慘慘∼

今日唔洗上ｄｒａｍａ堂，
ｍｉｓｓ去左同其他人排練話劇∼
結果我就係到做功課做左成堂∼

聽日７點又要返去聽講座，
唔想返去呀！！！！

今日放左學之後去左禮堂睇英文戲劇∼
糖姐去左練跆拳道，
ｓｏ冇人陪我傾計，
悶！！！
套劇開頭都ｏｋ，
但越睇就越唔明佢係度做乜∼
不過都好佩服ｄ演員，
ｄ英文對白又長又難記，
佢地都可以講得好流暢！
勁！！！

今日上ｉｓ堂果陣，
呀ｓｉｒ話佢自己係色盲，
有關酸鹼嘅實驗佢都做唔到．．．
我就諗所以佢唔係主要教化學，
而係教生物．．．
不過佢講得好似好輕鬆咁，
都唔知係佢已經睇淡左吖，
定係講笑，
定係扮野．．．
唔知信唔信佢好．．．
我覺得好不可思議．．．
我從來都冇諗過佢會係色盲，
佢份人不嬲都吊兒郎當咁，
樣樣事都是是但但，
但原來佢係有苦自己知！？

星期五夜晚７點至９點要返去聽講座，
無奈囉，
咁夜都要人返去，
唔想見到某某人∼

今日就係考試嘅ｌａｓｔ　ｄａｙ啦，
心情係輕鬆得黎有ｄ唔捨得，
唔捨得黎又有ｄ覺得無奈∼
今次份通識卷俾我想像之中簡單ａｎｄ少好多∼
係１個鐘入面都可以做哂成份卷∼
ｐｅ（體育）就冇左１３分，
因為冇溫到書，
唔識做，
其他嘅就亂咁做∼

２點幾就出左去，
去ｍａｙ姐屋企玩∼
我覺得佢住嘅尚智樓真係好神秘∼
我今次係自己一個去佢度∼
係行緊去尚智樓嘅時候，
突然有種「流浪他鄉」嘅感覺．．．

之後就係佢度食左１碗「撈麵」ａｎｄ「蜜糖腸仔」∼
「撈麵」雖然有ｄ辣（其實都唔係咁辣，只係我唔ｌｉｋｅ食辣，ｓｏ唔係咁辣嘅野係我眼中都係好辣），
但係ｄ麵整得好「乾身」，
好有「撈麵」嘅感覺∼
而「蜜糖腸仔」就好好味∼

跟住就係佢間房睇佢打機，
之後又一路傾計一路睇《花樣男子２》第一集∼
睇完就ｄｏｗｎ左ｄ歌俾佢聽，
話咁快就５點幾啦∼
快樂嘅時間過得特別快，
ｍａｙ姐送左我出去搭「升降機」之後就返左ｈｏｍｅ，
我就繼續我「流浪之旅」嘅終點，我屋企∼

聽日就開始對卷啦，
有ｄ開心，但都有ｄ唔想∼
因為又要返全日啦．．．
唔想，唔想，唔想，唔想．．．

今日考中史、中文ｌｉｓｔｅｎｉｎｇ、CIT（電腦），
中史有ｄ唔識，
ｂｕｔ應該都有７字頭；
聆聽就好簡單，
入面果件案好搞野，
我一聽就知邊個係兇手∼
CIT就某ｄ唔知佢講乜，
有ｄ就唔識做，
應該都有６字頭掛∼

原來話咁快就考左５日試∼
聽日就係最後１日啦∼
有ｄ期待又有ｄ失落∼
期待，係因為考埋聽日就可以輕鬆啦∼
失落，係因為考埋聽日就要正式上堂啦∼

今次嘅考試，
我覺得好似過我特別快∼
有ｄ野係會係你不知不覺間就離開左∼
就好似，時間∼
考埋聽日又要繼續過返ｄ渾渾噩噩嘅日子，
繼續返學等放學，
繼續做一ｄ毫無意義嘅事∼

琴日睇左《花樣少年少女》大結局，
好感動，
睇到我喊左出黎∼
好佩服瑞莃可以為左泉女扮男裝咁混入泉嘅學校嘅呢份勇氣∼
最後有情人終成眷屬∼
好好睇∼
但係我好驚下個禮拜一我仲會ｃｌｉｃｋ入去「失敗」度ｄｏｗｎ佢嘅種子∼
有ｄ野，係習慣成自然∼
就好似泉咁，
佢習慣左瑞莃對佢嘅關懷同照顧之後，
就發現自己原來已經冇辦法離開瑞莃∼
愛情嘅種子，
一早就散播左係泉同瑞莃嘅心入面∼

《花樣少年少女》片尾曲　Tank - 專屬天使

作詞：施人誠
作曲：Tank
編輯：ellesson
歌名：專屬天使

我不會怪你 對我的偽裝
天使在人間是該藏好翅膀
人們愚蠢魯莽而妳纖細善良
怎能讓妳為了我被碰傷

小小的手掌 厚厚的溫暖
妳總能平復我不安的夜晚
不敢想的夢想 透過妳的眼光
我才看見它原來在前方

沒有誰能把妳搶離我身旁
妳是我的專屬天使 唯我能獨佔

沒有誰能取代妳在我心上
擁有一個專屬天使 我哪裡還需要別的願望

小小的手掌 大大的力量
我一定也會像妳一樣飛翔
妳想去的地方 就是我的方向
有我保護笑容儘管燦爛

沒有誰能把妳搶離我身旁
妳是我的專屬天使 唯我能獨佔

沒有誰能取代妳在我心上
擁有一個專屬天使 我哪裡還需要別的願望

要不是妳出現 我一定還在沉睡
絕望的以為 生命只有黑夜

沒有誰能把妳搶離我身旁
妳是我的專屬天使 唯我能獨佔

沒有誰能取代妳在我心上
擁有一個專屬天使 我哪裡還需要別的願望

今日考IS（科學）同英文GE，
IS就錯左幾條，
又有幾條冇做．．．
GE錯得仲多，
不過我估應該都會好過上一個學期∼

今日嘅心情好混亂，
有好多野係我腦入面，
搞到我ｅ＋都唔知自己想點．．．
試就就黎考完，
之後就對卷，
繼續過ｄ返學等放學、
渾渾噩噩嘅日子∼

有時真係覺得好無聊，
但無聊又可以點喎．．．
唔通真係可以好似超人咁「一飛衝天」咩∼
人其實係好身不由己嘅，
有ｄ野你唔想做，
但你就一定要去做；
有ｄ野你好想去做，
但係就偏偏做唔到∼

我好唔想返學呀！！！
唔想再過一ｄ渾渾噩噩嘅日子啦∼
唉．．．

「誰來打救我？」
我想要自由呀！
我唔想再做一隻俾人「困」住嘅雀仔啦！
如果有得選擇，
我想做一隻可以自由係天空飛翔嘅雀仔∼

今日考ｍａｔｈｓ，
我LQ（長問答）錯左好多呀．．．
勁多唔識．．．
可能淨係得６ｏｒ５字頭咋．．．
ｂｕｔ呢單野都唔係全日入面最影響到我心情嘅事．．．

考完LQ之後果個小息，
我陪左糖姐去廁所，
因為佢唔多舒服∼
點知ｍｉｓｓ蕭突然殺左入黎，
周ｓｉｒ都係出面，
佢２個話小息係唔可以留係６樓，
要落去．．．
無奈囉．．．
ｍｉｓｓ蕭話一陣放左學之後要去２樓搵佢∼

去搵佢果陣有好多ｍｉｓｓ　ａｎｄ呀ｓｉｒ都走左過黎「八卦」，
最惡死ａｎｄ激我嘅係「ｎ」（代號），
佢份人惡死得黎又樣衰，
又一「卵嘴」咁同其他俾佢捉嘅人訓話，
完全當我同糖姐透明．．．
間唔中先問下我地野咁．．．
激氣囉∼

我真係越唔ｌｉｋｅ「王華湘」，
我諗令我可以繼續係呢到讀落去嘅原因，
就只係得返ｄ老師嘅質素ａｎｄ由６樓望出去嘅海景∼
但係我已經冇辦法再忍受呢度ｄ老師嘅性格ａｎｄ態度啦，
而且聽講遲ｄ果邊又會起ｄ高樓大廈，
個海景就會俾ｄ高樓大廈完全「姐」住哂，
到時呢間學校就會冇野值得我留戀．．．

所以話呢，
我真係好好好想轉校，
但係我ｄ屋企人一定反對∼
都唔知點算好．．．
星期五又要留堂，
佢地話糖姐唔舒服ｓｏ　ｃａｎ唔洗，
ｂｕｔ我係冇理由要留係廁所入面，
ｓｏ就要留堂∼
我真係好憎「ｎ」呀！！！

今日去圖書館之前，
睇左《花樣男子２》第９集∼
今集係講杉菜俾道明楓威脅，
道明楓係背後不斷影響杉菜身邊嘅人∼

包括杉菜同道明寺食飯果陣，道明寺諗住用信用卡俾＄＄嘅時候，就ｃｕｔ哂佢ｄ＄＄，搞到要杉菜俾＄＄；搞到小優嘅老豆差ｄ俾人炒；仲趕埋道明寺走．．．
本來道明寺諗住可以同杉菜一齊生活，但點知杉菜決定左要同道明寺分手∼

睇到佢地係雨中分手嘅時候，
喊左出黎．．．
可能呢一場戲係成套劇入面最慘嘅一幕∼
雖然之前都有睇過台版嘅，
但係佢俾我果種無奈、難過同悲傷嘅感覺冇日版嘅咁強烈∼
ｓｏ我覺得都係日版拍得好睇ｄ∼

我覺得《流星花園》（日版叫《花樣男子》），
係最經典，最好睇嘅一套劇，
唔理係日版定台版都好∼

睇《花樣男子２》，
好似已經變成一種習慣，
係每個星期六都會做嘅野∼
但係淨返最後２集咋，
真係好唔捨得呀∼
睇到最後杉菜係海邊諗起過去同道明寺一齊嘅點點滴滴，
然後忍唔住喊左出黎嘅時候，
我都覺得好想喊∼
覺得佢地明明係相愛嘅一對，
但就因為道明楓係背後阻住哂，
ｓｏ就要被迫分開，
真係好慘∼

但係佢地之間嘅愛情，
實在背負住太多嘅壓力啦，
所以佢地始終都唔可以順利咁係埋一齊∼
下一集講道明寺失左憶，
好似話淨係唔記得左杉菜∼
之後就講杉菜點樣幫道明寺諗返起佢地過去嘅事，
睇到預告嘅時候，
好開心，
因為杉菜終於都堅強返啦∼

不過無論個結局係點都好，
我都會繼續支持《花樣男子》嫁！！！
希望佢地仲會拍第３輯！

話咁快就考左２日試，
話咁快就過左一個禮拜，
話咁快就已經到左３月∼

今日考中文閱讀ａｎｄ寫作，
我覺得勁簡單∼
ｂｕｔ做緊閱讀卷果陣，
支HI-TEC-C又寫唔出，
我驚ｄ墨淺色得滯會俾人扣分，
ｓｏ我轉左用另一支．．．

講真，雖然話就話份閱讀卷易做啫，
ｂｕｔ有勁多野要抄∼
我發覺做完份卷之後，
我右手嘅無名指紅左一「撻」．．．
而果種「紅左一『撻』」，
應該淨係會係做完通識卷呢ｄ需要寫好多野嘅卷上面先會出現∼
估唔到今次會出現係做完份閱讀卷之後出現．．．

下個禮拜一考數學，
係我好唔掂嘅一科．．．
ｓｏ星期日要俾多ｄ心機去溫呢一科！！！

加油×ｎ！！！

今日，
就係第２學期嘅考試ｆｉｒｓｔ　ｄａｙ啦∼
呢個緊張嘅時刻終於都來臨左啦，
所以話呢，
時間真係過得好快嫁∼

今日就係考英文ｌｉｓｔｅｎｉｎｇ、
ｗｒｉｔｉｎｇ　ａｎｄ普通話∼
ｌｉｓｔｅｎｉｎｇ好難呀，
有１ｐａｒｔ係完全唔明佢講咩嫁囉∼！
ｗｒｉｔｉｎｇ就好簡單，
同上年一樣都係有７５分鐘，
ｂｕｔ我做完哂份卷都差唔多仲有半個鐘淨．．．
都係唔多明佢俾我地咁多時間做乜，
其實１個鐘都夠嫁啦．．．
反而通識就次次都唔夠時間做，
不如俾多ｄ時間我地做通識份卷仲好啦∼
普通話ｌｉｓｔｅｎｉｎｇ果ｐａｒｔ就掂，
後面譯寫就好多都唔識做，
ｂｕｔ應該都合格∼

聽日就係考中文，
ｓｏ　ｅａｓｙ，
我從來都唔會用心咁去溫呢一科，
淨係會睇下ｄ內容一次咁大把∼
ｂｅｃａｕｓｅ　i　don't　ｌｉｋｅ　this　ｓｕｂｊｅｃｔ!!!
ｉｔ　ｉｓ　ｖｅｒｙ　ｂｏｒｉｎｇ．．．
寧願睇埋ｄ書好過，
反正都係中文啫．．．

都係唔講咁多啦，聽日放１１點！！！好ｙｅａｈ∼

聽日就考試啦，
ｅ＋心情有一ｄ緊張．．．
今日上中文堂果陣本來話俾我地自修，
但點知佢又叫我地作文，
不過好簡單，
落堂前幾分鐘就做完∼

上家政堂整海綿蛋糕，
睇落都幾易整，（用打蛋器果陣ｄ聲仲好有地盤ｆｅｅｌ．．．）
但後尾裝飾佢果陣用左好多時間，
搞到食飯都遲左，
仲俾人攞埋我個餐．．．
不過都算啦，
因為係呢個咁趕時間嘅ｍｏｍｅｎｔ入面，
食飯仲快過食麵∼（我本來個餐係食麵∼）

但係就溫唔切書，
搞到我「是是但但」咁就將要考嘅內容睇過一眼，
咁大把．．．
ｓｏ我覺得我今次ｉｓ測驗最多都淨係可以啱啱好合格咋．．．
不過都冇咩所謂，
因為我都預左會係咁∼

上多一陣網我就要投身入英文書同普通話書啦，
希望今次嘅成績會好過上次∼

ｐｓ：聽日放１２：１５ｐｍ，正！！！

今日就係新年假之後返學嘅第２日∼
再次上堂嘅感覺就係悶，悶，悶．．．
上中文堂果陣，
唔知做咩，
勁想訓覺．．．
就係咁，我就「恰」下「恰」下咁，
「恰」左半堂∼
上英文堂果陣要出去考口語∼
今次唔洗發表對本書嘅感覺，
真係正∼
上ｄｒａｍａ堂果陣唔知點解又唔洗上，
好開心，不過都係好「眼訓」．．．

終於都到左放學嘅時間，
ｍｉｓｓ蕭殺左上來對通識測驗．．．
我１５／３０，
啱啱好合格，
哈哈哈∼

話咁快，
後日就係第二學期嘅考試啦∼
雖然溫書係好悶，
但係有得放早，
冇所謂啦∼
今次考試一定要考好ｄ，
因為我有一個目標一定要達到∼

加油，加油，加油！！！