仲有２日就要返學啦，
真係勁勁勁勁唔想返學∼
又無聊，又唔係ｌｉｋｅ果ｄ科目，
仲有好多功課．．．
我都係鍾意放假多ｄ∼

我覺得自己係果ｄ鍾意自己一個，
唔ｌｉｋｅ俾人管住哂同ｌｉｋｅ自己話事嘅人∼
最憎俾人叫我做ｄ我唔想做嘅事∼

我仲未做哂ｄ功課呀，
仲有好多．．．
都唔知點算．．．
唉．．．

今日睇左《花樣男子２》，
就黎睇哂啦∼
仲有３集∼
好唔捨得∼
好似播得好快咁．．．

下集就講杉菜係大雨中同道明寺講分手∼
呢度係《流星花園》入面都算幾「經典」嘅一幕∼
之後就講杉菜退左學，
去左搵佢呀爸同呀媽，
之後見到一個男仔，
仲俾人話佢地「有路」．．．
後尾杉菜老豆冇錢交租，
好采有花澤類幫佢地∼
仲搵左一間屋俾佢地住∼
之後道明寺又唔理杉菜，
類就一直係杉菜身邊幫佢∼

可惜類唔係道明寺，
杉菜始終都係鍾意道明寺∼
冇辦法接受到類∼
之後嘅劇情就唔記得左，
我都係跟返台版嘅劇情黎講∼
唔知日版嘅會係點∼

但係日版得返３集，
唔知講唔講得哂ｄ野∼
希望會有第３輯∼

唔講啦，沖涼∼
沖完涼又要開始做功課啦∼

救命呀．．．

今日就係年初四囉，
唔知大家係呢個新年入面，
有冇「發個大財」呢？
我嘅利是錢好似仲少過上年．．．
今年淨係得＄ｘｘｘ咋．．．
唔打個金額出黎，
係因為個數字實在太見唔得人啦．．．
唉．．．
我呀哥今年就發囉∼
佢公司大把人會俾利是佢啦∼
我估佢最少都賺＄１０００以上呀．．．
唉．．．
聽日又要返去補課，
連續踩２場呀．．．
通識１個鐘；IS就唔知補到幾點．．．
IS要補課，
我覺得都係因為呀ｓｉｒ上堂果陣，
成日講埋哂ｄ無聊笑話，
搞到上堂進度慢哂，
ｓｏ咪要返去補課囉．．．
佢仲話唔知補到幾點添．．．
真係激死我啦．．．
聽日又要８點幾起身．．．
唔制呀．．．
唉．．．

今日就係大年初一啦∼
期待左咁耐嘅日子，
終於都來臨啦∼
好開心呀∼
琴晚４點幾自己一個睇《天下無雙》，
雖然覺得自己好無聊，
但冇計啦∼
全家人都訓哂覺∼
不過套戲好好睇，好搞野∼
ｓｏ今日訓到２點幾，
冇人管∼
因為呀哥同老豆返左大陸，
呀媽返工∼
全家都走哂，正∼
冇胃口食野，
淨係食左幾粒棉花糖∼
今日ｄｏｗｎ左幾首歌，
好好聽，
ｄ旋律好正∼

新年快樂！！！

今日就係年２９啦，

過多２日就係新年囉∼

時間真係過得好快，

假都放緊第２日啦，

但想放假嘅感覺仲好似係心入面咁∼

聽日就可以去旺角買衫啦，

真係諗起都覺得興奮∼

不過唔知到時買唔買到我想買嘅野．．．

今朝起身果陣發覺隻手表停左．．．

又想換一個新嘅「散紙包」同ｍｐ３，

仲想試下整「藍莓芝士凍餅」喎．．．

咁多野想買／做，

睇怕新年之後都冇乜幾個錢淨嫁啦．．．

錢呀錢，點解你總係令到我地對你又愛又恨嫁？

返埋聽日就開始放我期待已久嘅新年假啦∼ 

ｈａｐｐｙ乘ｎ次．．． 

講真，係一年入面，最鍾意放嘅假 

除左暑假之外， 

就係新年假∼ 

點解？ 

咪就係因為呢個假期除左代表住有假放之外， 

仲可以出去拜年，同埋問ｄ大人攞利是囉∼ 

呢個簡直係新年最開心嘅一件事呀∼ 

當然，有收獲就有付出∼ 

付出嘅，就係我地放假嘅時候，用左黎做功課嘅時間∼ 

呢個世界係好公平嘅，要得到你想要嘅野， 

就一定要付出返相等嘅野黎交換∼ 

最後，就希望係呢個情人節， 

大家都能夠珍惜身邊嘅事同人∼ 

祝願各位都有一個又甜蜜，又快樂嘅情人節∼ 

情人節快樂！

今日就係跨科最後一日，我覺得今年好玩過上年好多∼

上年個題目勁無聊，但今年就正好多∼

我覺得呢次嘅跨科令我了解左好多野∼

包括就係更深入咁認識到我果組嘅組員啦∼

講真，以前對佢地冇乜好感，但經過今次嘅跨科之後，我就改變左以前對佢地嘅睇法∼

ｓｏ，我ｅ＋開始不再好似以前咁討厭呢班∼ｂｕｔ我對呢班仍然冇乜「歸屬感」∼

我覺得呢個禮拜過得都幾開心，又唔洗做功課∼

一個字：「爽」！！！

ｐｓ：下個禮拜３放１２點１０分∼正∼

就黎放假啦，好ｈａｐｐｙ呀！！！

呢個禮拜，我覺得過得都ｏｋ∼

但係就開始有ｄ緊張，因為下個星期二就係跨科嘅第一日∼

諗起上年第一年做跨科，真係有ｄ覺得無奈∼

因為上年第一年入黎讀，「唔知頭唔知路」，做乜都係傻下傻下咁∼

不過就真係過得好開心∼

但今年開始，無數嘅功課、測驗、口試好似排山倒海咁湧過黎∼

壓力係無形之中就加左係自己身上∼

唔知咁樣係咪預告左俾我地知，下年嘅生活將會比今年更辛苦！？

不過無論下年嘅日子會係點，我都要開始適應∼

期待下年暑假，可以同ｄ　ｆｒｉｅｎｄ一齊去度假村玩∼

算係彌補返六年級果年嘅遺憾∼

返埋下個禮拜同下下個星期１至３，就可以放新年假啦∼

但係通識仲要返去補課．．．

唉．．．．．．

越黎越覺得，有ｄ野過左去就永遠冇得追返∼

原來有ｄ野，係會隨住時間而消失得無影無蹤∼

就好似快樂嘅時光咁，只要一過左去，就冇辦法再追返∼

所以我地更加要學識珍惜∼

今個禮拜，我覺得好似過左一個世紀咁長呀．．．

星期一同五，就有我最唔ｌｉｋｅ嘅ｄｒａｍａ同體育堂．．．．星期二至四都好ｄ，最最最滿意嘅，就係今個禮拜唔算話有太多功課做∼

不過下個禮拜應該都好難頂呀！默書、作文，多到抖唔到氣．．．

唉，幾時先有得放長假呀？

今日上ｐｅ堂果陣考羽毛球，我有７．５／１０，自己都滿意∼

不過淨係得一個鐘頭打羽毛球，覺得唔夠癮∼

都唔知幾時先可以打返場過癮嘅羽毛球．．．．

聽日去圖書館，之前預約左好多本書，ｅ＋可以攞５本∼

每本＄２．５，加埋都成＄１２．５∼講真，如果我話唔肉赤就係呃你嘅．．．

我都發覺自己最近好似洗得太多錢．．．

明明想慳ｄ洗，但唔經唔覺洗下又一ｄ，洗下又一ｄ，咁就唔見左好多啦．．．

唉，連我自己都唔知自己想點．．．！？

今日就係學校嘅旅行日，不過我覺得有ｄ野令我覺得今年嘅比上年嘅旅行更差．．．

上年明明都俾「咩」「斜咩袋」同「單咩袋」去旅行嘅，但今年佢就捉左「咩」呢ｄ袋嘅人，好采最後都俾我地用「單咩袋」，唔洗罰留堂．．．去到果度之後，講左一陣規矩之後就放人，我、糖、珊珊本來諗住去打羽毛球，但點知我地本來係行啱左路，但去到之後就以為自己行錯路，ｓｏ又走返上去．．．之後我地就先去左手工藝室度整左一個伸縮膠電話繩，之後又行返落去之前果度．．．

打左一陣之後就上返去搵位食野，去返飯堂之後見到ｍｉｓｓ鄭同馮ｓｉｒ，佢地真係好受歡迎，去到邊都有一班人係佢地後邊∼跟住我地就係出面嘅椅度坐低食野，糖姐整嘅壽司好好味呀！跟住我同糖姐入左飯堂度，請ｍｉｓｓ鄭同馮ｓｉｒ食壽司，點知梁志傑老師係到搞搞震，話糖姐請馮ｓｉｒ食壽司係「第三場ｔａｋｅ　ｏｎｅ」，好似係到拍戲咁，好好笑∼之後糖姐請鄭ｓｉｒ食薯條果陣，鄭ｓｉｒ竟然將成包薯條拎走，咁我地就好無奈咁睇住鄭ｓｉｒ走，跟住就係度狂笑，話鄭ｓｉｒ係賊，偷左糖姐包薯條走∼跟住鄭ｓｉｒ返黎俾返包薯條俾糖姐，但點知包薯條就淨係得返一半．．．我地就超無奈囉．．． =,="  =_="  =,="

食完野就落返去打羽毛球，打打下就見到一班Form1，睇佢地好似係有一個男仔俾一班女仔圍住，話要幫佢同一個女仔示愛，跟住搞左一輪之後又走左，冇得睇埋下半場．．．之後冇幾耐就見到莊偉龍，以為佢要黎趕人上去集隊，點知原來佢係同佢ｄ同學玩遊戲，睇佢地玩左一陣就夠鐘集隊，要返上去．．．

集好隊、影埋大合照之後就分批搭車返學校，點知最後就得返我地同莊偉龍果班未走，等左一陣之後我地就走先∼搭車返去果陣勁「眼訓」，可惜冇辦法訓到．．．之後係操場聽完個宣佈就走囉．．．

唉，唔知係咪因為我根本唔鍾意呢班，所以所有同呢班或者今年有關係嘅野，我都唔多關心，冇乜特別嘅感覺，我覺得自己好似完全唔屬於呢班咁．．．

　　因為呢個ｂｌｏｇ嘅容量唔夠，ｓｏ，如果想睇下ｄ相嘅，就去呢個網啦∼

http://hk.myblog.yahoo.com/love_dicky_2005/article?mid=144&prev=-1&next=133

今日係放假之後嘅第一日上堂，唔知點解，好唔想踏入2B班嘅課室，可能自己根本就唔鍾意呢一班掛．．．

有一種想要自由嘅感覺，係個腦入面出現，我當然知道，咁係冇可能，但個心，好想好想好想去一個地方∼

睇譚譚個ｂｌｏｇ果陣，好認同佢講嘅野：（譚譚，唔好意思，借黎用一用．．．）

「　其實返學返得多好d,,定係放假放得多好d??

但係返學返得多又想放假,放假放得多又想返學!!!　」　

的確係咁，返得學多，你會好想放假；但當你放假放得耐，你又會好想返學．．．

但係當你第一日返學（放完假之後）或放假嘅時候，你就會開始後悔，後悔自己之前講嘅野．．．

今日返學果陣，覺得好迷糊，感覺仲係好似放緊假，但個身體已經係學校∼真係好想（乘ｎ）可以唔洗返學，好想可以有自由，想做乜就做乜，但呢個時候諗埋ｄ咁嘅野，人地可能會話你傻，但呢個正係我ｅ＋諗緊嘅野：

　　　　　　　　　　　　　　　　　　　　　　「自由」 

　　琴晚個心情真係好開心，因為琴晚睇「叱吒樂壇ｘｘｘｘ頒獎典禮」，睇到Eason攞左２個男歌手獎果陣，真係好開心呀！Eason係我第一個鍾意嘅男歌手，亦都係我好支持嘅男歌手∼ｓｏ，睇到佢攞獎果陣，心情真係好好好、勁勁勁「ｈｉｇｈｔ」呀！！！！ｓｏ，我好想大聲講一句：

　　　　　　　　　　　　　　　　　　　Eason，你係得嘅！真不愧係我鍾意嘅男歌手呀！

　　不過都好心涼，因為有人攞唔到女歌手金獎！我ｅ＋勁唔ｌｉｋｅ佢，講野又寸，唱歌又唔係好得！你攞唔到獎，我真係好心涼呀！而且，好多網友都話唔鍾意佢！！！哈哈哈！！！

　　一諗起聽日就要返學，唉，真係好唔ＨＡＰＰＹ呀！心情係講唔出口嘅咁ｄｏｗｎ．．．ｄ功課又未做完，ｅ＋返學又唔開心．．．唉．．．

　　　　　　　　　　　　　　　　　　　　　　　好想要自由呀！唔想返學呀！

　　今日同左ｂｅｔｔｙ＆譚譚去左沙田行新城市廣場，果度雖然大，但冇咩野好行，全部都係名店，睇到都唔想入去行，費是俾ｄ售貨員望住哂．．．

　　行左一陣新城市廣場，影左一ｄ相之後就去左「史路比開心世界」度影左ｄ相，就去左圖書館∼呢個圖書館雖然大，但ｄ書都唔啱我地睇，好睇、想睇個ｄ都俾人借哂，就係咁，我地就去左圖書館入面嘅咖啡室（果度都冇咖啡賣，都唔知ｗｈｙ叫咖啡室！？）度買野飲，跟住坐低休息左一陣，我就係果度完成左我嘅午餐（但果陣已經３點幾啦∼）（我之前係尚德買左２個包，未食）∼我地又係果度影左幾張相，真係冇諗到，我地竟然可以係圖書館度食野（淨係我）、飲野同影相．．．！？

　　之後我地就去左個公園行，去左一個有（冇水嘅）「護城河」嘅「小城堡」度影相，之後再經過左２個「防空洞」，行左一陣就同埋ｂｅｔｔｙ去影印，影完印就行返去新城市廣場，搭火車出去鑽石山荷里活廣場度影貼紙相∼用左＄１３去影＆用左＄１去過膠，今次果張靚過上次果張∼（梗係啦，今次呢部機要＄５０，咁貴，質素當然好過上次果部機啦∼）

　　之後就返尚德啦，譚譚要係坑口度落車，ｓｏ我同ｂｅｔｔｙ就走先，下次我地約左放農曆新年假果陣去銅鑼灣行∼希望到時又可以好似今日咁，玩得咁開心同可以影多張貼紙相啦∼

　　（p.s：今日ｄ相遲ｄ先ｐｏｓｔ上黎，因為ｄ相係ｂｅｔｔｙ度，佢仲未ｓｅｎｄ俾我．．．）

　　今日我就第一次去賣旗，以第一次嘅經驗黎講，都算ｏｋ嫁啦，雖然就唔係賣得多，但係始終都叫做一個好嘅開始∼係呢度，我要多謝珍姐，因為佢今日本來唔洗去賣旗，但都肯好早起身陪我去，真係好夠義氣，ｓｏ我要係度向珍姐致最大嘅謝意！多謝哂呀珍姐！！！

　　今日我一共企左差唔多４個鐘（８點幾至１２點幾），先有得休息，（ｓｏ我ｖｅｒｙ感激珍姐！）真係好累呀！！！不過返到尚德嘅大家樂就可以用＄６買一個午餐，因為交安果邊俾左一張優惠券我，可以去大家樂度買野平＄１０∼不過其實之前都冇諗過會有優惠券．．．

　　講返今日賣旗，有好多人都好好，主動走埋黎話買旗，不過有好就一定有唔好，有ｄ人著到「身光頸靚」，周身名牌，但連攞幾蚊出黎買支旗都唔肯．．．唉．．．ｅ＋ｄ人好似越黎越冇善心啦咁．．．

　　食完飯返到ｈｏｍｅ休息左一陣之後，２點半就同左ｂｅｔｔｙ去圖書館借書，４點幾就返左黎∼之後就開機玩電腦∼聽日同ｂｅｔｔｙ＆譚譚去沙田行街，好期待呀，因為好耐冇見過譚譚啦∼

今日就係今年最後一日返學嘅日子，不過我覺得，今日嘅聖誕聯歡會一ｄ都唔開心．．．

　　首先第一點，就係勁「肉赤」∼點解？咪就係因為我地全班每人都要俾＄３０黎訂野食，仲有俾呀ｓｉｒ逼要買聖誕禮物黎交換．．．我總共「上繳」左＄４５．９，你都咪話唔心痛啦．．．

　　第二點，就係馮ｓｉｒ話星期六上午要去調景嶺度賣旗．．．真係「大獲」啦，好驚都時冇人「蘇」我呀．．．ｓｏ，又係一個一ｄ都唔開心嘅消息．．．

　　第三點，就係今個聖誕假，放假嘅日子唔多，但係就超多功課做．．．真係好想死．．．一諗起遲ｄ就要狂做功課，仲點會開心吖．．．？

　　第四點，就係我覺得我個班ｄ人好變態，ｄ野食一拎出黎，我淨係見過一眼咋，就已經俾ｄ人食哂啦．．．

　　第五點，就係呢個聖誕聯歡會發生左一件小插曲：唔知邊個倒「寫」野飲，跟住ｍｉｓｓ杜叫方國希去抹乾佢，但佢唔肯，跟住無幾耐，邱嘉妮行過個度唔小心就「羨」親，ｍｉｓｓ杜見到咁就鬧左我地一大餐，勁無奈∼=,="最後就俾呀ｓｉｒ一句：「執野先啦」，咁就平息左呢場風波．．．（仲好好笑，搞到我地全班都笑返，一個字，「堅」！）^,^　　

　　就係因為以上嘅原因，我就覺得今年聖誕聯歡會一ｄ都唔開心．．．唉，好多功課呀！好煩呀！！！！！！！！！！！！

　　今日同左ｂｅｔｔｙ去東港城買衫，係尚德等ｂｅｔｔｙ果陣見到珍姐同珊珊，佢地今日要去觀塘考刷鞋章，希望佢地成功啦∼

　　我地去左圖書館借書同還書先，跟住２點幾就去到新都城２期度搭地鐵去坑口∼之後我地行左好耐先買到２件衫，一件＄１００，另一件就＄８０，但唔知點解我淨係要俾＄９６就可以買到．．．！？之後ｂｅｔｔｙ話想返屋企，咁我地就搭地鐵走啦∼

　　返到尚德先３點幾，ｂｅｔｔｙ話想返ｈｏｍｅ　ｓｌｅｅｐｉｎｇ，咁我就自己去左千年店買埋塗改帶就返屋企囉．．．可能下個禮拜會去旺角，因為我仲想買衫，但唔知有冇時間呢？下個禮拜可能會有好多野做．．．

　　琴日睇哂《剪刀石頭布》啦，好好睇∼之後就主力睇《天使情人》、《花樣少年少女》同《天國的嫁衣》∼遲ｄ１月會睇日版嘅《流星花園》，聽講就好好睇∼唔知係咪呢？

　　考試過左２個禮拜，所有卷都派哂，直到ｅ＋，先至係真正嘅鬆一口氣∼ｅ＋我就ｐｏｓｔ我ｄ成績上黎啦∼（成績唔好，唔好笑我．．．）

　　中文：閱讀：６１．？／１００　　　　　　　　英文：寫作：７０／１００
　　　　　寫作：６７．５／１００　　　　　　　　閱讀：４７／８０
　　　　　聆聽：３３．５／４０
　
　　　　　　　　數學：５８／１００　　　科學：７７／１００　　
　　　　　　　　中史：６７．５／１００　普通話：６３／１００　　　
　　　　　　　　通識：５０／１００　　　電腦：５７／１００　　　　　　　　

　　最開心嘅係，通識合格（雖然只係啱啱好∼）同所有卷都合格∼不過最唔開心嘅就係中文閱讀同英文寫作分別咁俾人扣左５分同４分．．．中文閱讀俾人扣分係因為佢話我冇跟規則，用錯左淺藍色嘅筆，ｓｏ就扣我５分∼算數，個５分就豪俾你！而英文寫作俾人扣分係因為我隔左行黎作，ｓｏ每篇文扣２分∼唔緊要，下次考試我會睇清楚ｄ嫁啦∼

　　呢個禮拜嘅時間，好似過得特別慢，好似仲有好多野未做∼本來琴日朝早要「千人拼字」，但係因為琴日落雨，ｓｏ就取消左∼不過我嘅開心只係維持左幾分鐘就冇左，因為我諗到下個禮拜一要做返．．．

最近調左位，我勁唔鍾意ｅ＋呢個位，因為我最憎坐門口個行，好唔舒服∼又迫，上堂果陣又好想訓，仲睇唔到黑板添．．．唉，希望遲ｄ仲有得調位就好啦．．．ｅ＋越來越唔習慣係呢一班度上堂，因為以前習慣左係男仔搞笑ｄ，而ｅ＋，就係由女仔話事．．．冇計，我地班男仔少．．．

　　（越黎越想去鄭植之讀中四啦，因為聽ｂｅｔｔｙ講話好似都幾好咁，搞到我都心思思想去讀．．．不過我覺得屋企人可能會唔俾，唔知點算好．．．！？）

　　最近，越黎越發覺自己唔係咁啱讀ｄ精英班，其實都唔係最近先發現嫁啦，根本由一開始睇到自己個名係２ｂ班度出現開始，我已經預料到黎緊嘅中二生活，唔會好得去邊．．．

　　升左上中二都有幾個月，俾左一個機會我去認清楚自己：呢一班，真係唔啱我．．．我係一個比較懶散嘅人，溫習唔係我會去做嘅事（除左某ｄ科目之外），係呢一班，好似每一個人心入面都諗住讀書！讀書！讀書！咁，搞到我好似覺得如果自己唔去溫書，就會唔好意思咁．．．諗返以前，六年級果陣，全班冇乜邊個係真係會去讀書，每個人都諗住反正都係最後一年，唔讀書都冇咩所謂啦咁，所以我係六年級果年，過左一個我最鍾意，最開心，最輕鬆，最自由嘅一年∼就算係中一果年，我都覺得過我好開心（雖然我覺得六年級比較開心ｄ）∼

　　問心果句，其實讀精英班係咪真係唔好先？咁我就會話其實都唔係嘅，讀精英班，起碼會有一種好好嘅讀書環境同有一種無形嘅壓力去令你好好讀書∼而呢一種壓力，唔係人地俾嘅，係自己俾自己嘅∼但係，凡事有正亦都有負，壓力太大，亦都會逼到人呌唔到氣，覺得好辛苦∼而且逼得自己太緊，都會唔好啦∼而我ｅ＋，就係處於一個咁嘅環境度學習∼

　　唔知道ｄ咁嘅生活仲要持續幾時，反正我就知道我自己，唔適合呢一班∼

今日考英文作文同閱讀，我覺得好簡單，都唔知點解今次呢２份卷要考７５分鐘．．．時間太長啦∼

　　考完試之後就返左屋企食飯，之後２點幾就落左去∼因為我要去ｍａｙ姐屋企∼等到ｍａｙ姐之後，佢話要去富榮買野食，點知就見到「四大賤人」，就係吳港城、吳金泳、周啟謙同何文傑．．．我真係冇幫佢地４個改錯名，真係好賤．．．

　　終於，去到ｍａｙ姐屋企啦，佢屋企唔算係好大，不過都幾夠用∼其實本來係想去佢度溫下書嫁，但點知去到都冇乜點溫過書，因為我地係度狂傾計∼係度數ｄ老師有幾賤格，有幾衰，講下一ｄ家庭嘅事，同將來∼我地一路傾，一路笑∼好開心，有陣時，其實都覺得同班上嘅人（２ｂ）唔係好傾得埋，不過唔知點解，同ｍａｙ姐傾嘅話題有好多，好似講極都講唔完咁∼之後佢就煎左幾條「蜜糖腸仔」，我地一路食，一路睇「叮噹」∼我有種感覺，好似好溫馨咁∼因為我地一路食野，一路睇電視，而且出面個天黑黑地，好似一家人一齊坐低食飯咁．．．

　　之後再坐多一陣就落左去，ｍａｙ姐就陪左我去買燒八爪魚丸，好貴呀！＄１０一盒呀，不過都幾好味∼之後就各自返屋企囉∼不過後我發現ｍａｙ姐包「爽浪」係我個袋度，不過我追出去都唔見佢∼後來打俾佢佢話唔要，俾我喎．．．

　　今日又整一首歌嘅歌詞上黎，就係《許紹洋 - 一萬里情路》∼呢首歌係我睇《薰衣草番外篇》果陣聽到嫁，ｄ歌詞好有意思嫁∼

　　許紹洋 - 一萬里情路

　　大霧　讓我看不見地圖　一顆心　一條路和一個下午
　　學會了分手之後不可以哭　心在摸索著路　地平線很模糊

　　#孤獨　刪除了未來的去路　可惜我　逃不出記憶的埋伏
　　我們的世界原來那麼生疏　愛情慢慢也失去溫度　每一步　都　　是一次勝負#

　　*一萬里走不完的情路　我拿愛交換麻木
　　所謂的幸福　所有的辛苦　怎麼也追不上你的速度
　　一萬里很愛你的情路　我的心不會屈服
　　夢隨風而去　愛別問多苦　只要愛過你　我不怕迷路*

　　Repeat # *
　　我留給了你第一份禮物　可能也是我最後一封情書

　　Repeat *
　　眼淚是音符　傷口是記錄　我自己數　每一步

　　想聽下呢首歌去下面呢個網啦∼

　　http://www.wretch.cc/blog/Karence&article_id=6306117

　　既然冇咩野好做，整ｄ我呢排好鍾意聽嘅歌嘅歌詞上黎啦∼

　　第一首：殷悅 - 愛不在

　　坐在這角落
　　心裡很多話想說
　　我和你的錯
　　就是捨不得放手
　　傷害你的我
　　早就應該讓你自由
　　知道我以後
　　需要一直往前走
　　也許是越在乎
　　越會彼此的傷害
　　這樣的愛情
　　又算是甚麼

　　愛不在
　　應該讓自己從回憶中離開
　　愛不在
　　我們都已不存在彼此未來
　　有時候
　　不管對愛有多少的依賴
　　就算再不願意再傷心
　　我明白
　　我們只能放手

　　呢首歌係我ｅ＋睇緊嘅台劇《剪刀石頭布》嘅片尾曲，我覺得好好聽，不過我搵唔到完整版，淨係得ｄ人錄音落黎嘅版本∼

　　第二首：張棟樑 - 只因為你

　　＊從清晨露出微笑的金黃
　　我知道  我不會  再孤單
　　看你為我綻放的臉龐
　　放在心上

　　有了你我的世界  不一樣
　　童話裡幸福終結了  憂傷
　　你是我  最靠近  的堅強
　　有你陪我自在的遨翔  抬頭仰望
　　天空變成一座遊樂場
　　世界更明亮

　　＃只因為你我情不自禁  閉上眼睛
　　心裡想了想  還是你
　　不讓你離開我的手心
　　呵護著你  幻想著
　　緊抱在我懷裡
　　只因為你我情不自禁  這樣為你
　　證明我不再  孩子氣
　　如果有一天我們老去  寸步不離
　　回憶裡  如鏡子  都是你＃＊

　　Repeat　＊＃

　　呢首歌係有一次我睇張棟樑嘅網誌果陣，無意中睇到首歌嘅MV，覺得幾好聽，所以就ｄｏｗｎ左落黎∼

　　第三首：葉文輝 - 淪陷童話   （我唔知係咪呢個歌名．．．）

　　很想問 現在你好嗎
　　微微胖了 他很寵你嗎
　　你卻輕輕 抱了我一下
　　然後微笑 再沒有說話

　　擋不住 命運裡偏差
　　遺憾沒法與你再一起
　　經得起波折共渡患難
　　現在能爭氣　可是已被你捨棄

　　*冷落你　疲倦了　才望你
　　其實鑽戒他一早送贈吧
　　明白我常犯錯
　　從前自私的我 從未對你獻出很多
　　#嬴了讚譽　但是敗了給他
　　你與他很安定嗎　沒有哭泣跟吵架
　　我無奈　亦盡量微笑祝福你
　　懷念你　也替他歡喜

　　完成了志願　但是沒你參加
　　如成功必須代價　這個懲罰太清楚多可怕
　　這結局無法篡改嗎　童話已淪陷了
　　你已放下　沒牽沒掛(你再告別　剩低念掛)#*

　　Repeat*

　　可不可　虛假到對我好　裝出很人道
　　無必要怕他看到　你怕他吃醋
　　更說他很好　叫我怎麼的好

　　Repeat#( )

　　呢首歌其實係係我呀哥果度聽返黎嫁，聽得多又覺得好好聽，所以就自己ｄｏｗｎ，冇係呀哥度偷嫁∼

　　如果你地對以上嘅歌有興趣，同我講啦，我會ｓｅｎｄ俾你嫁∼好啦，今次就介紹住咁多先，下次再有好歌，再同你地分享啦∼

如果想聽下頭２首歌，就上呢個網啦∼→http://www.wretch.cc/blog/Karence&article_id=6247165←